[მურმან ეკალაძე]
წინა კვირას ქართულ ინტერნეტ ფორუმებზე კვლავ დიდი ჩხუბი და აყალმაყალი იყო. სიტუაცია განსაკუთრებით მას შემდეგ გამწვავდა, როდესაც ირაკლი ალასანიამ ჯერ ჭადრაკის სასახლეს მიაშურა, სადაც ზურაბ ნოღაიდელმა, და მისმა პოლიტიკურმა მეგობრებმა ტაშით დააჯილდოვეს, შემდეგ კი კვლავ თავის “მშობლიურ” ალიანსს დაუბრუნდა და დავით გამყრელიძე უძღები შვილის მამისამებრ გაახარა…D-zine: ალასანიას ნაბიჯს ექნებოდა გამართლება შემდეგ შემთხვევებში:
1) ალასანიას და გრეჩიხას ნოღაიდელი რომ მოექისტათ და პრაიმერიზზე ერთად წასულიყვნენ. ასეთ შემთხვევაში ალიანსიც შენარჩუნდებოდა და ოპოზიციის ლიდერობასაც ალასანია ინაღდებდა; 2) პრაიმერიზის იდეა რომ დასამარებულიყო და გრეჩიხასაც და ნოღაიდელსაც(ან მის გარეშე) უპირობოდ ეღიარებინათ ალასანია ერთიან ლიდერად. დღესდღეობით ისევ გაურკვეველია პრაიმერიზის საკითხი, ნოღაიდელი ისევ მოდაშია გრეჩიხისტებში და სხვა მამულიშვილებში. შესაბამისად, შეკითხვა - რას მიაღწია ალასანიამ ამ ნაბიჯით, სრულიად გამართლებულია. პასუხი არის – ვერაფერს” მოკლედ, ხალხი ფიქრობს, რომ ალასანიას მხრიდან “გრეჩიხასთან” კონსულტაციებისთვის არ იყო აუცილებელი ამ ნაბიჯის გადადგმა. ნოღაიდელთან კი ალასანიას საკონსულტაციო რომ არაფერი ჭირდა, ამას ისედაც უნდა მიმხვდარიყო, ამ ნაბიჯის გარეშეც. სააკაშვილის მხარდამჭერთაგან ყველაზე მეტად მაინც ფორუმელი “პაპაანი“ გამოირჩა, რომელმაც კიდევ ერთხელ შეგვახსენა, რომ ერთ-ერთი შინაური ცხოველის პირადი ჰიგიენა ქვეყნის ბედს ჰგავს. Papaani (ფორუმ.გე): “საქართველოში რაც უფრო ცოტა ადამიანი აკეთებს საქმეს, ის საქმე უფრო კარგად კეთდება იმიტომ, რომ 100 ადამიანზე ჩვენთან 1 ჭკვიანი მოდის ყველაზე კაი შემთხვევაში. ამიტომ საჭიროა ძალების სრული კონსოლიდირება! მიშასი და ჩემი თხოვნა ქართველებისადმი, ამ შემთხვევაში მაინც იყავით ცოტა ჭკვიანები, და ნუ დაგვაბრუნებთ ედიკას საქართველოში. ისიც ვიცი, რომ ასეთ მცდელობას ისევ მოჰყვება ცრემლსადენი გაზი, როგორც ცუდი საქციელის ჩამდენ შვილს ხვდება ხოლმე მშობლისგან, მაგრამ აქამდეც ნუ მიიყვანთ საქმეს და ამ შემთხვევაში მაინც ნუ გავიმეორებთ ძველ შეცდომებს. ბოლოსდაბოლოს, ვირიც აღარ დგამს ჩლიქს თავის ფუნაში... “ Lasha1997 (პლანეტა.გე) წერს: “რუსეთმა ჩეჩნების სპეც ფორმირებები: “ვოსტოკი“ და “ზაპადი“ უკვე გადმოისროლა აფხაზეთში და სამაჩაბლოში. ისინი იქ არიან ცისფერჩაფხუტიანების, პოვრების, საპიორების და ა.შ. პონტში. ეს მართლა სერიოზული დანაყოფებია, რომლებიც თავის ერს არაფრად აგდებენ და წარმოიდგინეთ რას გვიზამენ თუ ხელში “ჩავუვარდით“. ამას კიდევ უდებენ სოჭის “სარჩულს“, რომ ვითომ საქართველოს უნდა დესტაბილიზაციის დაწყება ამ რეგიონებში ოლიმპიადის ჩასაშლელად. აქედან გამომდინარე, თუ არ გვინდა მთელი საქართველოს დაკარგვა, არჩევნების დროს ათჯერ დავფიქრდეთ და ისე მივცეთ ხმა!” თუკი იმდენი ფული არ გაქვთ, რომ ერთი მსახიობის თეატრში წახვიდეთ, შეგიძლიათ ფორუმელ Zen -ის ნაწერები ნახოთ და მუქთად გაერთობით. “მაშ ასე, ვინ დაიკავებს მეორე (ან იქნებ მესამე?) საპატიო ადგილს არჩევნებში? ეს არის სამკვდრო-სასიცოცხლო ბრძოლა, მეგობრებო, რადგან ამ დუელში გამარჯვებული თითქმის გაინაღდებს ადგილს მომავალ პარლამენტში და შემდეგი რამდენიმე წლის განმავლობაში პოლიტიკაში ყოფნას. გამყრელიძე თუ გაჩეჩილაძე, გაჩეჩილაძე თუ გამყრელიძე? “
როგორც ცნობილი ანტენის ხელოსანი იტყოდა: “ვაა, რას არ გაიგებ ამ ქალაქში! “. ფორუმელი Defected ალბათ იმ ადამიანების კატეგორიას განეკუთვნება, რომელსაც ბევრი რამ აინტერესებს. მაგის ასაკში ჩვენც “ბევრი რამ“ გვაინტერესებდა. “არც თუ ისე დიდი ხნის წინ, რომელიღაც არხზე ვუყურე გადაცემას, რომელიც შეეხებოდა ქალს და მის ინტიმურ ადგილებს, ოღონდ სექსის გაგებით არა! (თუმცა მათი სექსის დროს გამოყენებაც საკმაოდ საინტერესო იქნება ორივესთვის) ანუ, ქალის სხეულზე არის ადგილები, რომელთან შეხებაც ქალში იწვევს სხვადასხვა ემოციებს, მაგ: როდესაც ქალს ნელა ეხები ხელის თითებზე საუბარია (მომე ხელი თითზე უნდა შეგეხო არა), არამედ უბრალოდ ხელები დაშვებული რომ აქვს და ეხები, მაგ დროს ქალი ოდნავ იბნევა და რაღაც არაორდინალურს ელის. ყველას დაწერას ეხლა ვერ დავიწყებ, თუმცა დროთა განმავლობაში დავწერ თუ ამ თემამ გამოიწვია გარკვეული ინტერესი, ეგეთ ადგილებს მიეკუთვნებოდა: მუცელი და ჭიპი, წელი, ტერფები და ფეხის თითები, კისერი და ყელი,. ტუჩები და ყურები“ ეს ყველაფერი არ ვიცი, მაგრამ ის კი კარგად ვიცი, ქალებს როგორი რეაქცია აქვთ, როდესაც გასაწმენდი ფეხებით ოთახში შედიხარ. ზოგიერთ კაცს, ქალების ამ რეაქციის სიკვდილზე მეტად ეშინია… “დღეს მესიზმრა ერთი ძალიან კარგი სიზმარი, სადაც ძალიან ბედნიერი ვიყავი, ეს სიზმარი იმდენად რეალური იყო, რომ გავიღვიძე ვაპირებდი იგივეს გაკეთებას, რასაც სიზმარში ვაკეთებდი, მაგრამ ხელში რეალობა შემრჩა და ცოტა მეწყინა, თუმცა მალევე გადამიარა. ამ სიზმარის შესახებ მოვუთხრე ჩემს მშობლებს, რომლებმაც ბევრი იცინეს. უცებ მშობლების მიმართ გამიჩნდა ზიზღისმაგვარი გრძნობა, სიბრაზე და წყენა, იმიტომ რომ ზუსტად მაგათი ბრალია რომ ის ბედნიერება რომელიც ჩემს სიზმარში ვნახე არაა რეალური. მგონია რომ ჩემი მშობლები ფარისევლები არიან, ფარისევლურია მათი სიყვარული, მათი რწმენა და სახეები“ ამ სიტყვების დამწერი ფორუმელის სახელს არ ვიტყვი. განა იმიტომ არ ვიტყვი, რომ მეცოდება. არა! უბრალოდ მე მაგისი მშობლები მეცოდებიან, რომლებსაც შვილისათვის ფსიქოლოგის დაქირავება შეიძლება ძალიან ძვირი დაუჯდეთ. რაც ტერენტი გრანელი მოკვდა, იმის შემდეგ ქართული საზოგადოება სიკვდილზე და სიკვდილის ფენომენის სიმბოლურობაზე კიდევ ერთხელ ფორუმელმა Rocky Racoon-მ ჩააფიქრა. “სიკვდილის განუყოფელი სიმბოლოა ცელი (პირდაპირი მნიშვნელობით, მიწათმოქმედებისთვის საჭირო ინსტრუმენტი), ხოდა ახლახანს შევამჩნიე, რომ ეს ჰოლივუდის გამოგონილი რამ არ ყოფილა და სიკვდილს უკვე საუკუნეებია ცელს უკავშირებენ. რატომ ცელი და არა მაგალითად “მანტიროვკა? “ წარმოიდგინეთ ბავშვებისათვის რა “კარგი მოსაყოლი“ ზღაპარი იქნება: “ბოროტ კაცს თავზე სიკვდილი დაადგა და დასჭყივლა: ააა.. აბა რა გეგონა? დადგა დრო, რომ თავზე “მანტიროვკა“ გადაგარტყა! “ სპორტის მოყვარული ფორუმელები ხანდახან ისეთ რაღაცეებს ყვებიან, ყველაფერი მართალი რომ იყოს, ნამეტანი ცუდად იქნება ჩვენი საქმე. სპორტული “კულუარებიდან“ აი თურმე რა ინფორმაციები “ჟონავს“: “თბილისის სპარტაკმა სახელის მოპარვისათვის ცხინვალის სპარტაკს უჩივლა“, “შოთა გრიგალაშვილი ათამაშდა, რადგან ხარისხიან სასმელზე გადავიდა“, “ალექსანდრე ამისულაშვილმა იმდენი მოახერხა, რომ რუსმა ქალმა არ მისცა“, “აბრეზა“ (სულიკო დავითაშვილი) საქართველოს ჩემპიონატის ყველაზე სიმპათიურ ფეხბურთელად დაასახელეს. ამით დავითნიძე და ზურაბ იონანიძე განაწყენებული დარჩნენ“, “მიშელ პლატინი ფორუმზე დარეგისტრირდა და ნიკად DDJ vanga აიღო“.
ღმერთო შენ გვიშველე ჩვენი სპორტიანად! ცნობილი მეანეკდოტე ფორუმელი არ ცხრება და დაუღალავად იღწვის სხვა ფორუმელების გამხიარულებისათვის. არ აქვთ ასეთ ხალხს ბედი. ხუმრობენ, ხუმრობენ და ბოლოს უძეგლოდ იკარგებიან. “ქალაქში გასკდება ცენტრალური კანალიზაციის მილი, ამოდის და ამოდის ფეკალური მასები. მოვა სანტექნიკოსების ჯგუფი რომელშიც ძირითადად დამწყები სანტექნიკოსები არიან და მარტო ერთია პროფესიონალი. ჯერ დამწყებები წაიჩალიჩებენ, მაგრამ ვერაფერს გააკეთებენ. “პროფი“ სანტექნიკი იტყვის: მიმიშვით თქვე ბანძებო, კლასი უნდა განახოთო! მივა და ჩაყვინთავს ამ ფეკალიებში. ამოყვინთავს, დაიძახებს “20-იანი კლუჩი მინდაო“ - მისცემენ. ისევ ჩაყვინთავს, ორ წუთში ამოყვინთავს გადმოაფურთხებს ნაყლაპს დაიძახებს – ჩქარა ტრუბნოი კლუჩიო! - მისცემენ. კიდევ ჩაყვინთავს, 3-4 წუთში ამოყვინთავს და თავმოწონედ ეუბნება დამწყებებს - ისწავლეთ თორე მთელი ცხოვრება “კლუჩების მოწოდება“ მოგიწევთ... “ ალბათ ყველას ერთხელ მაინც გიოცნებიათ მეგრულად ნათარგმნი “ვეფხისტყაოსანი“ წაგეკითხათ. ყველამ მადლობა უნდა ვუთხრათ იმ ფორუმელს, რომელმაც მეგრულად ნათარგმნი “ვეფხისტყაოსნის“ ეს ორი სტროფი გვაჩუქა. როგორც ამბობენ, “ამირან-დარეჯანიანის“ თარგმნაც დაწყებულია და თუ სადმე გადავაწყდი, არ გამოგაპარებთ. “მიქით გარჩქინ თელ ქიანა : მუშ მანგარი ღონეთგნი
მუშ გორჩქინელს ირფელს ცაშე : დუნბარ შური დინუდგუნი
ქიანა უკოროცხ ფერეფით : ჩქი მუჩეს მიქითნი
თიქ ხენწიფეფს მეჩუ სახე : თინერ მუშის მოგენდუნი ღორონთ ართი თქვა მეჩით : ირფელს მუში სახე ტანი
მა ქომუჩით ეშმაკის : მევერუენ თინერ ჭყანი
ვეშემსუსტა მიჯნურობა : ღურადღაშა ქუმაცალი
დამიქექეი ცოდეფ ნამუთ : იშო მაფუ ონთირალი“ |
.jpg)
