რეკლამა Presa.ge-ზე,
სპეციალური ფასები: 599 877 900

მთავარი | სიახლეები | ბიზნეს პრესა (BP.GE) | English | არჩევნები | პოლიტიკა | საზოგადოება | გმირები | კრიმინალი | დიასპორა | მედიცინა | სამხედრო | სპორტი | ხელოვნება | ლიტერატურა | ყვითელი | | ავტომარიაჟი | ბლოგები | ვიდეო | აფიშა | განრიგი | გურმანი | ვაკანსია 

და­ვით ნარ­მა­ნია ხან­დაზ­მულ­თა პან­სი­ო­ნატს ეწ­ვია და იქ არ­სე­ბულ პრობ­ლე­მებს გა­ეც­ნო
"ი­ა­ფი გათ­ბო­ბა და ცხე­ლი წყა­ლი"- ინო­ვა­ცი­უ­რი პრო­ექ­ტის პრე­ზენ­ტა­ცი­ას ნი­კა მე­ლია და­ეს­წ­რო
,,შე­მე­ჭი­დოს მთე­ლი "ნა­ცი­ო­ნა­ლუ­რი მოძ­რა­ო­ბა", და­მახ­ტით ყვე­ლა­ნი ერ­თად“ -ი­რაკ­ლი კა­კა­ბა­ძე
,,მა­შინ ვი­ყა­ვი 20 წლის­,­ვერ ვშო­უ­ლობ­დით სტუ­დენ­ტურ სა­მუ­შა­ოს“ - ღა­რი­ბაშ­ვი­ლის გუ­ლახ­დი­ლი ინ­ტერ­ვიუ
ყველა სიახლე
ბლოგები / ბაკურ სვანიძე

13.05.2011

როგორ აღმოგვაჩინა ევროპამ (ნაწილი პირველი – “სექსი და ნაჯახი”)

ბებერ კონტინენტს ერთი უცნაური თვისება აქვს: მის მკვიდრთ, რატომღაც, ჰგონიათ, რომ ის, რაც მანამდე თავად არ იცოდნენ, სინამდვილეშიც არ არსებობდა. თავმომწონე ევროპელთა ქედმაღლობა, ახალი ამბავი არ არის. სადაც მივლენ, როცა მივლენ და რისთვისაც მივლენ, ამას მნიშვნელობა არ აქვს – მათ იქ მიაქვთ ის, რაც თავად სურთ რომ მიიტანონ და მოაქვთ ის, რაც თავად სურთ რომ წამოიღონ. თუკი არ მიატანინეს, ან არ წააღებინეს, აი, მხოლოდ მაშინ შეიძლება შეამჩნიონ, რომ იქ თურმე ვიღაც ყოფილა, ვინც არ ართმევს მიტანილს, ანდაც არ ატანს თავისას.

 

ჰო, რაც მთავარია, ბებერი კონტინენტის ქედმაღალი მკვიდრნი “აღმოჩენებით” არიან ხოლმე გატაცებული. ჯერ იყო და ინდოეთის აღმოჩენა სურდათ და უცებ ამერიკა აღმოაჩინეს. ახლა არის და, კავკასიის “აღმოჩენა” დააპირეს და საქართველოს მაგალითზე თუ ვიმსჯელებთ, მგონი თავადაც არ იციან ჯერ რა აღმოაჩინეს სინამდვილეში.

 

ჯერ კიდევ, ამერიკიდან ევროპაში გემით ჩასული სემუელ კლემენსი ეხუმრა პორტში დახვედრილ თავის ევროპელ კოლეგას ასე:

 

- აბა, მისტერ კლემენს, როგორ გრძნობთ თავს იქ, ოკეანის გაღმა, ახალ კონტინენტზე?

 

-  იცით, კოლეგავ, მართლა მშვენივრად ვგრძნობდით თავს, ვიდრე თქვენ აღმოგვაჩენდით...

 

რა თქმა უნდა, მისტერ კლემენსი არც აპაჩის ტომის ბელადი ყოფილა და არც აცტეკების გრძნეული შამანი. მოკლედ, ის აბორიგენი ამერიკელი არ გახლდათ, თუმცა მის ამ ხუმრობაში ორმაგი სიმართლე მაინც იყო: ერთი ის, რომ ევროპის ცენტრალური მმართველობისაგან ახლად მოწყვეტილი ამერიკა, სრული სვლით მიიწევდა დამოუკიდებლობისაკენ, ხოლო ევროპას ის მაინც არასგზით არ ეთმობოდა და მეორეც – აქ მისტერ კლემენსმა, აშკარად დააფიქსირა იმ დროისათვის უკვე გაჟუჟული “წითელკანიანების” სამართლიანი პრეტენზია საკუთარ მიწის, საკუთარი ტრადიციების, საკუთარი წესით ცხოვრების უფლების შესახებ.

 

წითელკანიანთა ეს პრეტენზია, აშკარად სამართლიანია. თუმცა, ვფიქრობ, მისტერ სემუელს ისიც კარგად ეცოდინებოდა, ვის მიუძღვოდა ლომის წილი წითელკანიანთა მიწის, ტრადიციების, ცხოვრების წესის ევროპელთაგან განადგურებაში. ვის და, თავად წითელკანიანებს.

 

კონკრეტულად, წითელკანიანთა იმ ნაწილს, რომლებმაც “თეთრი ადამიანის” თავიანთ მიწაზე გამოჩენა რაღაც ზებუნებრივ, მაგიურ ნიშნად ჩათვალეს და კოლუმბის გაუნათლებელი და უკულტურო მეზღვაურები, მათ კვალად კი, “ახალი კონტინენტისაკენ” ნიაღვარივით დაძრული ევროპული ნაგავი მთელი თავიანთი ფსევდოფასეულობებით, საკუთარ კულტურას, საკუთარ ფასეულობებს ნებაყოფლობით და უპირობოდ ანაცვალეს.

 

საყოველთაოდ ცნობილია, რომ თითქოს ბევრი საუკუნის წინ ერთ-ერთ ლეგენდარულ წითელკანიან შამანს, ნაწინასწარმეტყველები ჰქონია მათ მიწაზე “თეთრი ადამიანის” გამოჩენა. წინასწარმეტყველების მიხედვით, “თეთრი ადამიანი ღვთიური ნიშანი იქნებოდა და თუკი ადგილობრივები მის სურვილებს დაემორჩილებოდნენ და მას ყველაფერში დაუჯერებდნენ, ეს ყველა ტომს კეთილდღეობასა და დიდ ბედნიერებას მოუტანდა”.

 

ხომ არ ფიქრობთ, რომ ვინმე “შამანის” ეს “წინასწარმეტყველება” სწორედ “ახალ კონტინენტზე” გადასვლის შემდეგ გაავრცელეს ევროპელმა თაღლითმა მისიონერებმა, რომლებმაც შესანიშნავად იცოდნენ განვითარების დაბალ საფეხურზე მდგომი ბრბოს ფსიქოლოგია?

დაუკვირდით რა მოიტანა ამან შედეგად? წითელკანიანთაგან ბევრმა, იმის ნაცვლად რომ წინააღმდეგობა გაეწიათ დამპყრობელთათვის, დაიწყეს მაშინდელი ევროპის “ღირებულებების” უპირობოდ მიღება.

 

ეს გამოიხატა არა მხოლოდ ევროპელ მისიონერთაგან შეთავაზებული “ახალი, თეთრი ღმერთის” აღიარებაში, არამედ “ინდიელთა” ზოგადი “მოძველებული” წეს-ჩვეულებების რღვევაში და ბოლოს იქამდე მივიდა საქმე, რომ ბევრი წითელკანიანი უბედნიერეს ადამიანად მიიჩნევდა თავს, თუკი “თეთრი ადამიანი” მასთან მეგობრობას “იკადრებდა” და ამით გაყოყოჩებული თავმომწონედ დააბიჯებდა თვისტომთა შორის, რომლებიც მას უკვე “თავისი თეთრი მეგობრის” და თავად მისი ფეხის მტვერადაც აღარ მიაჩნდა.

 

ასეთი მომენტების აღწერა, ალბათ ყველას გახსოვთ ევროპიდან ახალი კონტინენტისკენ გადახვეწილი ათასი ჯურის თაღლითების, ბანდიტების, ყაჩაღების და სხვა ტიპის ნაგვის “ამერიკულ თავგადასავლებზე” შექმნილი ლიტერატურიდან თუ დოკუმენტური ჩანაწერებიდან.

 

გვახსოვს ისიც, თუ როგორი აღფრთოვანებით უცვლიდნენ საკუთარ ეროვნულ სიმდიდრეს – ოქროს, ადგილობრივი წითელკანიანები იქ ჩასულ “თეთრ ადამიანებს” ჩვეულებრივ ნაჯახში, სავარცხელში, ფეხასცმლის ზონარში ან კიდევ სხვა, კიდევ უფრო სულელურ ნივთში.

 

თანამედროვე ენაზე რომ ვთქვათ, მაშინ ევროპელებმა წითელკანიანები არა მხოლოდ თოფითა და ზარბაზნით დააშინეს, არამედ “არიფებივით დააგოიმეს” კიდეც. მე თუ მკითხავთ (და სემუელ კლემენსსაც), ამ “დაგოიმებამ” უფრო მეტად განაპირობა წითელკანიანთა განადგურება, ვიდრე შეიარაღებულმა დაპირისპირებამ.

 

ახლა თანამედროვე ენას და წითელკანიანებს შევეშვათ. ის ვიკითხოთ, რა ხდება თანამედროვე ეპოქაში და აქვე ჩვენს ქვეყანაში?

 

რასაც მე ვუყურებ, (სამწუხაროდ, მისტერ კლემენსი ამას თავის დროზე ჰავაის კუნძულებზე უყურებდა და სწუხდა, დღეს კი ის საქართველოს ვერ უყურებს) საქართველოში, რატომღაც, ტელევიზიებით, რადიოებით, გაზეთებით და ნებისმიერი მასობრივი საშუალებებით, “ძირითად ევროპულ ღირებულებად” თავისუფალი სექსი, ან უბრალოდ სექსი საღდება.

 

გაუთავებლად მოგვიწოდებენ, რომ თუკი ჩვენ გვსურს ვიყოთ ჭეშმარიტი ევროპელები, მაშინ ჩვენ სასწრაფოდ უნდა ვთქვათ უარი “ქალიშვილობის ინსტიტუტზე”, ყველა აუცილებლად უნდა დაკავდეს სექსით ქორწინებამდე, ღამის “ფართებზე” ალკოჰოლით გამობრუჟვის შემდეგ, გოგონები, თუკი მაინცადამაინც არ “იჟიმავენებ” უნდა “ეზასავონ” მაინც ვინმეს, სამარცხვინო ბოძზე უნდა გავაკრათ ის ქალიშვილები, რომლებიც სიფრთხილით არჩევენ სექსუალურ პარტნიორს და მომავალი სექსუალური პარტნიორისგან მთლად “ცოლობას” თუ არა გარკვეული დროით სტაბილურობას მაინც ითხოვენ და ასე შემდეგ...

 

ასეთი აზრების შემცველი ფრაზები, მე სხვადასხვა დროს მაქვს მოსმენილი სხვადასხვა მედიასაშუალებით,  სხვადასხვა “თავლსაჩინო” თანამედროვე ქართველისგან...

 

რადგან ამ კონკრეტული ბლოგტექსტის მიზანი არ არის ვისიმე შეხედულებებისა თუ ფასეულობების კრიტიკა, ამიტომ არც დავიწყებ ახლა კონკრეტული თვალსაზრისების ავკარგიანობის გარჩევას.

უბრალოდ, მინდა ვინმემ გამცეს პასუხი, ზოგადად, რატომ ცდილობენ ეს “თვალსაჩინო” ქართველები იმის დახატვას, რომ ძირითადი ევროპული ღირებულება სწორედ “სექსია”? ან რაიმე ის ღირებულება, რაც ქალისა და მამაკაცის გინდ თავისუფალ და გინდ არათავისუფალ ურთიერთობებთან არის დაკავშირებული?

 

თუკი ეს “თვალსაჩინო” ქართველები მართლაც ასე ზრუნავენ იმისათვის, რომ ჩვენი ქვეყანა და ჩვენ – “ბნელი ქართველები” ევროპულ მენტალიტეტზე გადაგვიყვანონ, მაშ, რატომ არ უწევენ პროპაგანდას მართლაც მთავარ ევროპულ ღირებულებებს, როგორიცაა განათლების მიღების შესაძლებლობა, შრომის უფლება, ღირსეული სოციალური დაცვა, ადამიანის პიროვნული თავისუფლება პირველ რიგში სწორედ იმ კუთხით, რაც არავითარ შეხებაში არ არის სექსთან?

 

სინამდვილეში ხომ, სწორედ ამ ძირითადი ღირებულებების სწორად ჩამოყალიბებასა და ჩანერგვას მოაქვს შემდგომ “თავისუფალი სექსის” შესაძლებლობაც და კიდევ სხვა ტიპის “პიროვნული თავისუფლებებიც” და არა პირიქით! “თავისუფალ სექსზე” მხოლოდ და მხოლოდ, ცხროვრებისეულ სფეროებში რეალიზებული, “თავისუფალი ადამიანები” იწყებენ ფიქრს და არა დათრგუნული, “დაგოიმებული” დაკომპლექსებული გასაცოდავებული “ტიპები” რომლებიც უზრუნველყოფილ, გალაღებულ, გაამაყებულ ევროპელებს ისე შესქერიან, როგორც ვინმე “ზეადამიანებს”...

 

ვფიქრობ, “თავისუფალი სექსი” ეს მხოლოდ და მხოლოდ ის “ნაჯახია”, რომელსაც ევროპელები ჩვენს, ქართულ “ოქროში” გვიცვლიან! (უფრო ზუსტად, ჩვენ თვითონ, სიხარულით ვუცვლით არა “ევროპელებს” არამედ ევროპიდან “ზეადამიანად” მოვლენილ საეჭვო ტიპებს) ქართულ “ოქროდ” კი ამ კონკრეტულ შემთხვევაში, სწორედ  ჩვენი ქართული გონება, ნიჭი, თავისუფლების სიყვარული, ეროვნული ფასეულობები შეიძლება მივიჩნიოთ.

 

მაშ, რატომ არ გაუცვალეს “თეთრმა ადამიანებმა” წითელკანიანებს ოქროში ზარბაზნები? რატომ მიაწოდეს ასე უშურველად მხოლოდ ნაჯახები? რა, ოქროში გასაცვლელი უკეთესი “თანამედროვე ტექნოლოგიები” არ გააჩნდა მაშინდელ ევროპას?

 

ბევრ რამეზეა საფიქრალი, ქართველებო, ვიდრე ამ ევროპულ “ნაჯახში” (რაც, თავისთავად სულაც არ არის უსარგებლო რამ, უბრალოდ ეს არ არის ის მთავარი “მიღწევა” რისი ათვისებაც ჩვენ ევროპისაგან გვჭირდება) ჩვენს “ოქროს” გავცვლიდეთ...

 

და ვინაიდან ერთი ბლოგტექსტის ფორმატი ამდენს ვერ დაიტევს, მხოლოდ ერთ რამეს დავამატებ:

რამდენიმე ევროპელ ახალგაზრდა კაცს ვიცნობ, თბილისში (საქართველოში) ჩამოსულს, რომლებიც აქ, მათთვის “ახალ მიწაზე” შესანიშნავად გრძნობენ თავს, აქვთ პრესტიჟული სამსახურები და... ჰყავთ მშვენიერი ქართველი “გერლფრენდები”...

 

ნამდვილად არ ვარ შერეული თავისუფალი სექსუალური ურთიერთობების წინააღმდეგი, თუმცა როდესაც ჩემს გარშემო მსგავსი შემთხვევები მომრავლდა, ასე თუ ისე დავინტერესდი ამის მიზეზით...

 

ქართველი გერლფრენდების პოზიცია: - “რაღაცნაირად მხიბლავს. თავისუფლად აზროვნებს. ევროპელია. რაც მთავარია, უზრუნველყოფილია. ქართველი მამაკაცებივით არ გაგრძნობინებს, რომ შენზე რითიმე უფრო თავისუფალია ან შენზე წინ დგას, რადგან მამაკაცია. ქართველ ბიჭთან რომ გადამეწყვიტა ურთიერთობა, მაშინ რაღა “გერლფრენდი”, ავდგებოდი და ბარემ პირდაპირ ცოლობას მოვითხოვდი მისგან”

 

ევროპელი ბოიფრენდების პოზიცია: - “ქართველი ქალები მხიბლავენ იმით, რომ უფრო თავშეკავებულები არიან. ნაკლებად ცდილობენ შენზე, ანუ მამაკაცზე წინ დადგომას. შენგან სურთ მხოლოდ ის, რომ კარგ გასართობ ადგილებზე ატარო. ფინანსური პრობლემა არ აგრძნობინო. როდესაც დაქორწინებაზე სერიოზულად დავფიქრდები, ალბათ, სწორედ ასეთ ცოლს ვისურვებდი”.

 

დამაფიქრებელია. რატომ არ “უმხელენ” ერთმანეთს ეს ევროპულ-ქართული წყვილები თავიანთ ასეთ ურთიერთგამომრიცხავ შეხედულებებს ერთმანეთის შესახებ? აკი, ევროპელი მამაკაცი ქართველ ქალს ზუსტად იგივე მიზეზით აფასებს, რითიც ქართველი, ხოლო ქართველი გოგონა ევროპელ მამაკაცთან, შესანიშნავად გრძნობს თავს, იმავე “მამაკაცური” ფიქრების თანხლებით,  რასაც “ქართველ მამაკაცებში” ასეთი ენერგიით აპროტესტებს...

 

მწერალი ჰერმან მელვილი გამახსენდა. თავის სათავგადასავლო წიგნში, ერთ მომენტში, ის აღწერს პოლინეზიის კუნძულების აბორიგენ მამაკაცს, რომელიც თავის ტომელებთან ამაყი სახით ტრაბახობს, რომ მის ცოლთან დაწოლა “თვით ევროპელმა” ისურვა!..

 

ხომ არ მივიწევთ აქეთკენ ნელა, მაგრამ დაჟინებით?

 

და კიდევ ერთი საინტერესო რამ, რაც ჩემთან კერძო საუბარში თითქმის ყველა ჩემთვის ნაცნობმა თბილისში მცხოვრებმა ევროპელმა ახალგაზრდა კაცმა მითხრა:

 

“სამშობლოში იმიტომ არ ვბრუნდები, რომ მე იქ ვერაფერს გავაკეთებდი. იქ უბრალოდ, ხან პიცის მიმტანად ვმუშაობდი, ხან რომელიმე ორგანიზაციაში კურიერად. მაქსიმუმი, რასაც მივაღწიე, ეს ერთ-ერთ ფირმაში საბუთების მიმღებ-შემმოწმებელი იყო. აქ კი, ჩამოვედი თუ არა, პრესტიჟული სამსახური ვიშოვე, ისე რომ, ჩემთვის არც ცოდნა შეუმოწმებია ვინმეს და არც გამოცდილება. მე უკვე ველაპარაკე ჩემს მეგობრებს იქ, ჩემს სამშობლოში. ისინიც ფიქრობენ ჩამოსვლას. ყველაზე მთავარი კი ის არის, რომ აქ, ადგილობრივებისგან ძალიან დიდ პატივისცემას, აღფრთოვანებას და ჩვენით მოხიბვლას ვგრძნობთ, ჩვენს სამშობლოში კი ზედაც არავინ გვიყურებდა”

 

ხომ არ გაგახსენდათ “ბებერი კონტინენტიდან” “წითელკანიანთა მიწისკენ”  დაძრული ნაგავი?

მაგრამ, ევროპამ უკვე აღმოგვაჩინა... რას იტვყვით, ვიყოთ ასე, მხოლოდ მათგან “აღმოჩენილები” და “თეთრი ადამიანებით” ასე უაზროდ მოხიბლულები, თუ შევეცადოთ, როგორმე ჩვენც აღმოვაჩინოთ ნამდვილი ევროპა?..

 

ისიც მაინტერესებს, რას იტყოდა ამ ყველაფერზე მისტერ კლემენსი...

ბეჭდვა  
დაწერეთ კომენტარი (77)   შემდეგი

ავტორი: მაკა საიდან გვწერთ: ლონდონი
25.05.2012 04:17
ერთი გმირისა არ იყოს ვისაც როგორ უნდა ისე ირგებს ამ 21-ე საუკუნეს. ვიცხოვროდ სწორად ესაა ყველაზე მთავარი

ავტორი: ნათია საიდან გვწერთ: ლაიფციგი
09.12.2011 13:47
მეც ხშირად მიფიქრია მაგ საკითხზე და ანალოგიური დასკვნა გამომიტანია...კიდევ კარგი მარტო მე არ ვფიქრობ ასე! :)

ავტორი: ნათია საიდან გვწერთ: ლაიპ
09.12.2011 13:45

ავტორი: ნათია საიდან გვწერთ: ლე
09.12.2011 13:45

ავტორი: ნატია
09.12.2011 13:45

ავტორი: ბექა საიდან გვწერთ: სახლიდან
25.07.2011 23:25
ერთადერთი ტექსტი ქართულ ონლაინ-სივრცეში, სადაც წერტილ-მძიმე სწორად არის დასმული. კარგია..

ავტორი: ვანო
31.05.2011 10:48
"ჩვენ ყველანაირად დავუჭერთ მხარს და წინ წამოვწევთ ისეთ ხელოვანთ, რომელნიც ადამიანთა ცნობიერებაში დაამკვიდრებენ და დღენიადაგ ჩასჩიჩინებენ სექსის,ძალადობის, ღალატის კულტს- ერთისიტყვით, ყველანაირ უზნეობას" ნაწყვეტი ჩველი საყვარელი ამერიკის "ცსს"(CIA )აგენტის ალენ დალესის გეგმიდან ...

ავტორი: მე ვარ
24.05.2011 19:32
თვალი დაუდგეს ევროპას, ისე შენც მაგარი შუტნიკი ყოფილხარ მაგრამ ხმა დაიბოხე რა ქალივით კვნესიხარ ბიჭო ბაკურ

ავტორი: /
24.05.2011 15:02
მიდასტურებენ აგერ :D

ავტორი: /
24.05.2011 15:00
ამნაირებს ჰყავთ გაღმერთებული სწორედ ევროპათქო, რომ ვამბობდი :) :) :)

ავტორი: /
24.05.2011 14:58
რა გაწიწმატდა ყველა, ვისაც ორის სიტყვის გადაბმაც კი არ შეუძლია ერთმანეთზე... :) :) :)

ავტორი: ლევანი საიდან გვწერთ: საქართველოდან
24.05.2011 12:29
და როგორია ბაკურ 21ე საუკუნის შესაბამისი ტრადიციები? ტრადიციის მოდერნიზება? ვინ მძ....მა ჩაგაგონა შე გოთვერანო? აიღეთ ხელში თოხი, ბარი, ნაჯახი. ან ჭიქა... ოღონდ მოშორდით ყველა ეკრანს თორო ქარის ტყვ..ში გავა თქვენი სიცოცხლე

ავტორი: კობა შუახეველი საიდან გვწერთ: ჰამბურგიდან
24.05.2011 06:16
ბაკურ, გულწრფელად მწყინს ასეთ ნააზრევ და დროულობის მიხედვით სწორად გათვლილ ბლოგტექსტს ცოტა შეუფერებელი "მკითხველიც" რომ ჰყავს... მე დაგეთანხმე და დავამატე: შენი ტექსტების წაკითხვის შემდეგ მრჩება შთაბეჭდილება, რომ საინტერესო მოსაუბრე და ნამდვილ-ქართულად დამუხტული ადამიანი ხარ... იცოცხლე... გვითხარი კიდევ რამე, გონივრული... პატივისცემით...

ავტორი: ირაკლი
24.05.2011 01:14
ბაკურ იქნებ აჭარაში თანამედროვე "დიდი თურქობის" შესახებაც დაწერო რაიმე? სადაცაა წაგვლეკონ მაგ შეჩვენებულებმა.

ავტორი: ური + ბაკური საიდან გვწერთ: სასტუმროდან
21.05.2011 18:23
გაგვანებეთ თავი, ჩვენ გვიყვარს ერთმანეთი

ავტორი: /
21.05.2011 04:34
გურამი, ერთი ასეთი ფრაზა შეგიძლია დაასახელო? შენნაირები ასწავლიან მერე საზოგადოებას სექსუალურ კულტურას და ელემენტარული ზრდილობა არ გაგაჩნია, არ შეგიძლია საკუთარი შეხედულება შეურაცჰყოფის გარეშე გამოთქვა. მოქანავე ტაკოებში ხშირად ხარ ეტყობა დისლოცირებული და მაგის მეტი მიტომ არაფერი მოგდის თავში.

ავტორი: ური საიდან გვწერთ: წარსულიდან
21.05.2011 00:26
რამდენი ხანია აქ არ ვყოფილვარ და ეს რა ამბავი ატეხილა (თუ რამდენი ატეხილა :) გურამს სოსოსი მოსწონს, სოსოს კაკოსი, კაკოს ტაკოსი და მე ამასობაში ლიბერალზე პოსტებს ვერ ვდებ. ბაკურ, შენ ახერხებ დაპოსტვას? იმედია მარტო მე არ ვარ ამ დღეში და ტექნიკური ხარვეზია..

ავტორი: ანონიმი
20.05.2011 23:48
ხო გურამ გშურს სოსოსი

ავტორი: გურამი საიდან გვწერთ: .............................
20.05.2011 23:14
აუ ბაკურ, მიდი რა რამე სტატია გააშანშალე კიდევ ფემინისტებზე, მიდი რა, კიდევ ერთხელ ამოუშვი შენი მყრალი პირიდან მდაბიო ფრაზები, შენ ხომ ამტკიცებ ამით შენ გონებასუსტობას. სოსო მაგარი კომენტარია, ყოჩაღ:)) პრინციპში ბაკურას უნდა რომ უქანაონ ტაკოში და იმიტომაც ვერ ისვნებს, ხოდა იღებს რაც უნდა იმას , არა?

ავტორი: seqsi cina planze
20.05.2011 18:56

ავტორი: ანონიმი
20.05.2011 15:52
აქტივისტი სოსო შეგიძლია აქანავო ზომა აღებულია, ძალიან უდიერად ეპყრობით ტაკუნას რას გავს ეს

ავტორი: ანონიმი
20.05.2011 15:47
ექსპერტი არა ბადრიჯნის გამყიდველი, შენ ვისი ტიკი ტომარა ხარ?

ავტორი: EQSPERTI
20.05.2011 11:06
statias namdvilad zusti mimartuleba aqvs.

ავტორი: EQSPERTI
20.05.2011 11:06
statias namdvilad zusti mimartuleba aqvs.

ავტორი: ანონიმი
20.05.2011 02:20
ზოგი იტყვის მე ამცდესო და ზოგს ენატრება, ასეა ეს. რას გვიშვრება ეს მთავრობა ტალონებზე მაინც დაარიგონ

ავტორი: ანონიმი
19.05.2011 20:24
აქტივისტო სოსო მოეშვი ტაკოს ქნევას ნუ აქანავებ, ერთ ადგილზე გააჩერე ზომა უნდა აგიღოთ

ავტორი: ... საიდან გვწერთ: .....
19.05.2011 19:53
http://netgazeti.ge/GE/59/opinion/5315/მამაკაცთა-გონებაში-მოდელირებული’’-მარადქალური-ხატი--მოსაზრება-ადამიანის-უფლებები-წერილი.htm

ავტორი: სოსო საიდან გვწერთ: აქედან
19.05.2011 19:53
ბაკურა ვისაც არ ეზარება ყველა ტაკოში გიქანავებს?

ავტორი: ანონიმი
19.05.2011 16:18
განა მე ვსვავ? პროცესი მომწონს თორემ პახმელია ვის სიამოვნებს

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
19.05.2011 08:26
ჰოო, მაგის თქმა გაგიჭირდება, იმიტომ რომ არ ვსვამ:))))

ავტორი: ანონიმი
19.05.2011 01:43
საღოლ ბაკურ ვერაფერი ვერ გავიგე მაგრამ ის გავარკვიე რომ ნერვები წესრიგში გაქვს აი სიმთვრალეში რა მოგახსენოთ ვერაფერს ვერ გეტყვი

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
19.05.2011 00:44
ანონიმო, აშკარად ვერ გაგიგიათ ბლოგტექსტის შინაარსი სწორად. მეტიც, საერთოდაც ვერ გაგიგიათ... თქვენი პრობლემაა... სულ სხვა რამ სწერია მანდ... თუმცა მეზარება ახლა ახსნა... ვინც გაიგო, გაატარე:)

ავტორი: ანონიმი
18.05.2011 18:17
....დაჯდებიან... შეიძლება ეწეროს ჩამოჯდებიან ან გადააჯდებიან შემოაჯდებიან, ეხლა რაც შენ გაიფიქრე ის არაა ის შენ ხარ

ავტორი: ანონიმის ტყუპისცალი
18.05.2011 18:14
+ანონიმი თვალი დაუდგეს ევროპას მუქთად პანჩურსაც არ ამოგკრავენ, აქ ჩვენზეა ლაპარაკი ყველაფერი რისი ხუშტურიც მომივლის ევროპაში დაშვებულია და მეც მინდა,...დაჯდებიან და თუ წაასწარი შემთხვევით ჩამოვჯექი დასასვენებლად სკამი მეგონა რა იყო თქვენ არ შეგშლიათო

ავტორი: ანონიმი
18.05.2011 15:19
ბაკურ, რა ოქრო გვაქვს ისეთი ევროპას რომ ვაჩუქოთ ან რად უნდათ ჩვენგან ნაჩუქარი? უამრავი ქართველი იქ ცხოვრობს, საზრდოობს, სწავლობს, ყალიბდება და კიდევ ეგენი გვტენიან "ნაჯახს"? მე მაინც მგონია, ძალიან დიდი წარმოდგენა გვაქვს ქარველებს ჩვენს თავზე, არადა მართლა ერთი კომპლექსიანი ერი ვართ. მადლობა ვუთხრათ ევროპას თუკი რაიმეს გვაძლევს, გამოვართვათ და ჭკუით მოვიხმაროთ.

ავტორი: მე ვარ
18.05.2011 02:44
ვააა! ბაკურა ჯერ არ შეუჭამიათ, საღოლ ბაკურ! ჰაა როგორია კირკიტი კაკალი? ჰააა!

ავტორი: 14/88
17.05.2011 23:24
ეგრეა ეგრეა, პროვინციალიზმის დიდი დოზაა ქართველებში, ამას დამატებული, ნაცარქექიობა. ანუ მნიშვნელოვან ნაწილს ურჩევნია სხვისი ნასუფრალიდან იკვებოს და თან აღტაცებული დარჩეს ამ ფაქტით. მაგრამ დიდხანს აღარ გაგრზელდება ეგრე. ჯერ ისე არ ამომწყდარა ქართUლი ჯიში, მტერს მტრული პასუხის არ გასცეს.

ავტორი: lazi
17.05.2011 22:17
ეს საინტერესოა http://www.youtube.com/watch?v=zl7ZZQ6bTWU&feature =related

ავტორი: ანონიმი
17.05.2011 16:26
საღოლ ბაკურ, გარდა იმისა, რომ სიმართლე გიწერია ეს ისე ოსტსტურად გაქვს დაწერილი რომ.... მოკლედ, ყველაფერთან ერთად მაგრად ვიხალისე, არა და სატირალია

ავტორი: აბდულშაჰილი საიდან გვწერთ: შუა მთის მონასტერი
16.05.2011 16:27
ბაკურ, ჩემდა გასაოცრად მთლიანად ვიზიარებ შენს აზრს, მაგრამ მარტო ევროპაზე აქცენტის გაკეთება მართალი არ იქნება. არა ნაკლები, თუ მეტი არა ზიანი მოაქვს ამერიკულ ექსპანსიას. ის რაც მათ ინდიელებს დამართეს, ჩვენც ის გველოდება.

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
16.05.2011 02:38
ადმინისტრაციავ - ახლა შევამჩნიე, ორჯერ ვუპასუხე ამ ავადმყოფებს - "ნუნუს" და "გიგიშას" და ორივეჯერ წაშალეთ ჩემი პასუხები:) რატომ? ახლობლები არიან თქვენი?:) თუ ახლობლები არიოან და მაგათ თავხედობაზე და ავადმყოფურ აზრებზე ჩემი პასუხები არ მოგწონთ, მაშინ ადექით და მაგათ კომენტარებიც წაშალეთ რაღა:) ჩემს პასუხებს შლით და მაგათ კომენტარებს ტოვებთ? ეგ რატომ?:)

ავტორი: /
16.05.2011 01:36
სწორედ ანალიზის უნარის ამაღლებას, ერის მიერ კარგის და ცუდის გარჩევას უნდა ბრძოლა და მიხარია, რომ ეს ბრძოლა მიმდინარეობს მთელი შემართებით. მტერი ქართველებს ყოველთვის გვყავდა და არასდროს გვექნება მოდუნების საშუალება, არც ვართ მოდუნებისთვის დაბადებულნი. ილია ჭავჭავაძეც მუდამ იბრძოდა საქართველოსთვის ხმლით თუ არა სიტყვით და უამრავი მადლიანი საქმით. ქართველი ერი მის ვალშია და ამ ვალს ისევ ერთმანეთზე ზრუნვით და ერთ მუშტად შეკვრით თუ გადავიხდით! ლევან, მართალი ხარ. გაგიმარჯოთ ყველა პატრიოტს!!!

ავტორი: ლევანი საიდან გვწერთ: _
15.05.2011 20:00
ხო, მივხვდი რომ სავარაუდოდ ტომაჰავკებს გულისხმობდით მაგრამ ცოტათი ვიინტრიგნე, ვერ მოვითმინე :)) ისე, ღირებულებებს და კულტურას რაც შეეხება, ჩემი აზრით ყველაფერი უნდა შევიმეცნოთ და შევისწავლოთ ევროპული და არა მარტო და შევეცადოთ კარგი შევისრუტოთ. ბოლობოლო ასეთი სელექციის შედეგი არ არის ჩვენი სათაყვანებელი ქართული კულტურა და ტრადიციებიც?! რა თქმა უნდა ბევრი ნაგავიც შემოაღწევს, ეს გარდაუვალია, მაგრამ თუ საზოგადოებას ჯანსაღი ანალიტიკური აზროვნების (!) უნარი ექნა საბოლოოდ ნაგვის კარგთან შეფარდება ისეთი იქნება, რომ უფრო განვვითარდებით, ვიდრე ვდეგრადირდებით. სამწუხაროდ ანალიტიკურ აზროვნებაში ცოტა ვჭედავთ ამ ბოლო დროს, ქვევრებად გადავიქეცით :|. ძალიან დროული შენიშვნა იყო ამასთან დაკავშირებით პატრიარქისგან. თუ სწორად მივხვდი ამ სტატიაშიც ეს გულისტკივილი დევს, ნაწილობრივ მაინც.

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
15.05.2011 19:24
ლევან, ის, რასაც ინდიელები იყენებდნენ, არ იყო ევროპული კლასიკური "ნაჯახი". ის იყო ხის ტარზე წამოგებული ძალიან უხეშად დამუშავებული თითქმის ბლაგვი და ძალიან მოუხერხებელი ფორმის რკინა. მე ის ფაქტი რომ ინდიელები ნაჯახში ყველაზე დიდი სიხარულით ცვლიდნენ ოქროს, ჩემი ფანტაზიით არ მომიგონებია:) თUმცა შენთვის თU გინდა ცხენი იყოს, არა მგონია, ეს შინაარსს ცვლიდეს რამენაირად:) მადლობთ

ავტორი: /
15.05.2011 18:09
მონები რომ ხართ, ის ევროპული თავისუფლებაც მიტომ გესმით ისევ მონურად და უკუღმა.

ავტორი: /
15.05.2011 18:03
მე პირადად მჯერა, რომ მეტი შეგვიძლია და მინდა, რომ მეტი შევძლოთ, იმიტომ რომ მონა არ ვარ, თავისუფალი ვარ, სწორედაც რომ.

ავტორი: /
15.05.2011 17:58
რა დავარქვა ამას, თუ არა მონური ფსიქოლოგია და მონობისკენ მიდრეკილება, რა თქმა უნდა, რომ ბევრი უნდა ვიშრომოთ, რა თქმა უნდა, რომ ბევრი უნდა ვისწავლოთ, ისე ვის აუშენებია ქვეყანა, სწორედ აქაა დიდი უფსკრული ნამდვილ ქართველებსა და მენტალურ თუთიყუშებს შორის, ყველანაირი ცხოვრებისეული კომფორტი გსურთ, მაგრამ უშრომლად და უწვალებლად, დასავლეთიც ბევრისთვის მიტომაა თაყვანისცემის ობიექტი და ეს ამაზრზენია. მაშინაც კი, როდესაც ჩვენი ქვეყანა სულს ღაფავდა, რუსეთმა ვერ შეძლო კოსმოსური თანამგზავრის ანტენის შექმნა და ამის შექმნა შესაძლებელი გახდა ქართველების მიერ თბილავიამშენის ბაზაზე. ა

ავტორი: /
15.05.2011 17:47
მერე უწიგნურობის გამო სხვების მონები კი არ უნდა გავხდეთ, პირიქით, წიგნი უნდა ავიღოთ ხელში და იქნება ეს ევროპა, რუსეთი თუ ამერიკა, პირველ რიგში ინტელექტუალური კონკურენცია გავუწიოთ. საქართველო პირველ ადგილზეა მსოფლიოში წერა-კითხვის გავრცელების დონით, თუ ეს შევძელით, განათლების სისტემის გაძლიერებასაც შევძლებთ, მეტიც, გარდაუვალია, უბრალოდ დიდი ფინანსები სჭირდება და ეს ხელს გვიშლის.

ავტორი: გლეხი საიდან გვწერთ: ევროპა
15.05.2011 16:44
თუ რამის აღება გინდა ევროპიდან, პირველ რიგში კანონის უზენაესობა და ადამიანის ფუნდამენტური უფლებების დაცვა უნდა გადმოიღო. ვინც აღვირახსნილობას ევროპელობად ასაღებს, რატომ არ ამბობს იმას, რომ ევროპაში ყველა გადასასვლელზე ტროტუარი ჩადაბლებულია ინვალიდების და ბავშვების ეტლებისთვის. აიტივი.გე ზე ყვითელ ზონას ვუყურე და "უკვე გაევროპელებული" ვითომ ელიტა ყველაზე დიდი გოიმები არიან. და ბოლოს- ევროპელობის ძალიან მსურველო ქართველებო იქნებ ჯერ წიგნი აგეღოთ(არ იკბინება ნუ გეშინიათ)

ავტორი: ლევანი საიდან გვწერთ: _
15.05.2011 16:30
ნაჯახებს აბორიგენი ამერიკელები ნეოლითური ხანიდან მოყოლებული იყენებდნენ, შედარებამ ცოტათი მოზგანა :) ცხენებით რო ჩაანაცვლოთ ჯობია, თან "სექსი და ცხენები" უფრო სკანდალური სათაური გამოვა ;)

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
15.05.2011 14:37
მისა, იცი რას გეტვი?:) მისამართი აშკარად შეგესალა. ეგ ყველაფერი უნდა უთხრა იმ ხალხს, ვისაც ევალება რომ პროპაგანდა გაუწიოს განათლებას, შექმნას ღირსეული სოციალური გარემო და მოგვაწოდოს მართლა ძირეული ევროპული ღირებულებები და გველაპარაკოს რამე მართლა ფასეულზე, ვიდრე არის გინდ თავისუფალი და გინდ შეზღუდული სექსი! :) ზიმბაბვე რომ ვართ და უფრო უარესისკენ გვექაჩებიან უკეთესის ნაცვლად, ეგ წერია სწორედ აქ. უფრო დაკვირვებით წაიკითხე:)

ავტორი: მიშა
15.05.2011 13:23
ბაკურ სვანიძე იცი რას გეტყვი? ერთი იმ ევროპელს იმდენი ომი და არეულობა გადაეტანა რაც ჩვენ და მერე მელაპარაკე.....ევროპის აღმომჩენად დიდი ხანია მუშაობენ ყველაზე არაკვალიფიცირებული ქართველები... სამაგიეროდ კრიმინალში ჩვენები ერთ ერთი პირველები არიან.... ჩვენთან ხომ არსადაა პროფესიონალიზმი, ჩვენ ქართველები ყველაზე გაუნათლებლები ვართ და ამ გაუნათლებლობაში დიპლომები ხომ გვაქვს ნაყიდი.... ვინ გინდა ააშენოს საქართველო? არაპროფესიონალებმა? ევროპის ვისაც ეშინია, ეშინია, რომ აღმოჩნდება თავის შესაფერ ადგილას, კვალიფიცირებულ ჭურჭლის მრეცხავად. ყველამ ხომ ვიცით რა ვართ ჩვენ სინამდვილეში და ვერაფერს ვერ შევცვლით თუ არ ვაღიარეთ, რომ დღეს მსოფლიოს განათლებული ხალხი ჭირდება და ვართ სინამდვილეში ზიმბაბვე

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
15.05.2011 12:59
თათა, მიუხედავად იმისა, რომ ვერაფრით ვხვდები რატომ დაგეკარგათ სურვილი ჩემი ერთ-ერთი წინა ბლოგტექსტის კომენტირებისას ჩემთვის რაიმეს მოწერისა:) მეც გეთანხმებით სრულიად. მეტიც - ჩვენი დამოკიდებულება რუსებთან, მე ამავე ბლოგტექსტის ერთ-ერთ (ნინოსადმი პასუხად) დაწერილ კომენტარში მაქვს აღნიშნული:) თუმცა ვფოქრობ, რომ ეს ჩვენი "ისტორიული დაავადებაა". ალბათ ასეთი რამე ჩვენ "მუდმივად დაპყრობილის" მდგომარეობაში ყოფნამ გამოგვიმუსავა, თავის დროზე სპარსელების, შემდეგ სხვების და სხვების, ამ ბოლო დროს რუსების და ახლა უკვე ევროპელების მიმართ. (გაიხსენეთ, რომ ქართული სიტყვების თითქმის ნახევარი სპარსული წარმომავლობისაა).

ავტორი: tata საიდან გვწერთ: saxlidan
15.05.2011 12:50
miuxedavad tqveni ert-erti wina blogstatiis komentirebisas titqmis damekarga survili raimes mowerisa, minda gitxrat, rom es tema cemtvisac aqtualuria. getanxmebit bevr ramesi. metic, davamateb, socializmis dros rusebis mimartac igive damokidebuleba qvqonda, sakutars naklebad vafasebdit. ucxoeiebtan aseti damokidebuleba socializmis dros cveni sauketeso tradiciis "ctumart-maspinzlobis" danaxinjebuli forma mgonia.

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
15.05.2011 09:52
არა რა, ყველაზე მეტად იმითი ვხალისობ, ასეთ თემებზე ეს ტუტუცი "ვითომლიბერალები" სასწაულად რომ აქტიურდებიან, თან ვერანაირი საწინააღმდეგო არგუმენტს ვერ მოიფიქრტებენ ხოლმე იწყებენ - "სამკურნალოა" "გიჟია" "დასაბმელია" "ჩამორჩენილია" "ბნელია" :)))) ჰო, კიდევ დარწმუნებული ვარ, ცოტა ხანში რომელიმე ასეთი დებილი აუცილებლად ახსენებს "საბჭოთა ცნობიერებას" :)))) მახარებს ამათი უსუსურობა:)

ავტორი: დ.
15.05.2011 02:33
ეს სვანიძე სამკურნალოა ნამდვილად.სულ იკბინება.ცოფი ხომ არ აქვს?

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
15.05.2011 00:17
"დღნავ", "ღლეო" - ნაცნობი გამოტქმებია ფორუმ.გე-ზე მპოსტველი პატარა ლუტუ-იუზერებისა:)) შენ რომ გითხრა ახლა დამირეკე და ვილაპარაკოთ მეტქი აზრი არ აქვს, რადგან როგორც ყველა "ნეტის ძველი ბიჭი" შენც აშკარა ჩამსვრელი ხარ რეალურ ცხოვრებაში:) ასე რომ გაიხარე პატარავ:)))) ტერმინატორო - სიტყვა "ამორალკური"-ს მნიშნელობა რომ იცი, ამაში დარწმუნებული ხარ?:)))))))))))

ავტორი: გიგიშა საიდან გვწერთ: თბილისი
14.05.2011 23:57
ამ კომენტარებიდან ყველაზე მაგარი პირველი, ნუნუს კომენტარია:):):) ბრავოოოო:)

ავტორი: /
14.05.2011 22:44
იაზროვნეთ და რაღაცა ისწავლეთ, ადამიანებად იქეცით.

ავტორი: /
14.05.2011 22:32
ევროპა რა გგონია შენ, საერთოდ, მაინტერესებს ერთი. რა იცი ევროპაზე? რა იცი მის ისტორიაზე და თანამედროვე ევროპული ცხოვრების სტატისტიკაზე? ევროპა გაერთიანდება და საქართველოს სხვა სახელმწიფოს ფარგლებში არაფერი ესაქმება, მით უმეტეს.

ავტორი: /
14.05.2011 22:27
ტერმინატორი, ევროპაში ვარ და სიბრძნეებს ნუ აფრქვევ რა.

ავტორი: ტერმინატორი
14.05.2011 22:05
ბატონო ბაკურ სვანიძე, რაც უფრო სხვის სასქესო ორგანოებისთვის ყურადღებას შეეშვებით, მით უფრო არავინ გკითხავთ, უკაცრავათ, თქვენ ვაჟიშვილი ხართ? ამორალური საზიზღარი სტატიაა... თქვენი ადგილი ჯუნგლებშია ხეზე.... და არა ევროპაში

ავტორი: /
14.05.2011 21:46
ფუტკარი, სანაპიროზეც იჭერს ინტერნეტს?

ავტორი: /
14.05.2011 21:42
ძალიან მაგარია, მეტი რაღა უნდა ითქვას ამ თემაზე, ევროპა და ამერიკა ღმერთებად რომ გვყავს ლამის ქცეული... ზოგს დედამიწაზე ჩამოტანილი სამოთხე რომ ჰგონია კიდევ და ზოგს-რა . 1000 პრომილით მართალი ხარ, ბაკურ. თავისუფლება არ ნიშნავს იმის ვალდებულებას, რომ ყოველდღე ახალი პარტნიორი ეძებო, თავისუფლება ნიშნავს იმას, რომ აკეთო ის რაც მართლა გინდა და სწორად მიიჩნევ... მაგრამ ამ გოიმების ტვინში ხომ ვერ შევა ელემენტარული რაღაცეებიც კი.

ავტორი: ფუტკარი საიდან გვწერთ: არსაიდან
14.05.2011 20:46
ტვინს ნუ დღნავ შე ღლეო ბაკურრრრრრრრრრრრრ

ავტორი: ემიგრანტი21 საიდან გვწერთ: ფრანკფურტი მაინზე
14.05.2011 13:05
პირიქით არის ჩემი აზრით, ჩვენ აღმოვაჩინეთ ევროპა,მოგვაქვს არაფერი,და აქედან ვეზიდებით ყველაფერს მიუხედავად იმისა გვჭირდება თუ არ გვჭირდება.

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
14.05.2011 11:08
პრობლემა ის კი არ არის, რომ "თავისუფალ სექსს" უკეთებენ რეკლამას, პრობლემა ის არის რომ მ ხ ო ლ ო დ თავისუფალ სექსს უკეთებენ რეკლამას, როგორც ძ ი რ ი თ ა დ ევროპულ ღირებულებას. სხვა, გაცილებით მთავარ ევროპულ თავისუფლებებს-არა. და კიდევ - ამ "თავისუფალი სექსის" რაობასაც არასწორად გვაწვდიან. თავისუფალი სექსი არ არის კვირაში სამი პარტნიორის ცვლა:)

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
13.05.2011 16:28
კატო, ოღონდ მცირე შესწორებას შევიტან თუ არ მიწყენ: - ძირს ევროპული ნაგავი და არა ნამდვილი ევროპული ღირებულებები და თავისუფლებები! გაუმარჯოს ქართულ ტრადიციებს, ოღონდ ჯანსაღად მოდერნიზებულს ოცდამეერთე საუკუნის მოთხოვნების შესაბამისად! :)

ავტორი: კატო საიდან გვწერთ: ჰამბურგი
13.05.2011 16:08
ყოჩაღ ბაკურ..გეტანხმები 100% სიმართლე წერია აქ.....ძირს ევროპული ნაგავი..გაუმარჯოს ენას, მამულს და სარწმუნოებას. (და ქართულ ტრადიციებს)

ავტორი: კატო საიდან გვწერთ: გერმანიიდან
13.05.2011 16:07
ყოჩაღ ბაკურ..გეტანხმები 100% სიმართლე წერია აქ.....ძირს ევროპული ნაგავი..გაუმარჯოს ენას, მამულს და სარწმუნოებას. (და ქართულ ტრადიციებს)

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
13.05.2011 15:16
ვფიქრობ, არ შეიძლება ამაზე კამათი, რომ ბლოგტექსტი "ინდივიდუალურ ფსიქოლოგურ მახასიათებლებს" ვერ მიმოიხილავს. აქ ლაპარაკია ზოგად ტენდენციებზე ნინო:) და ეს ნორმალურია. ზოგადი ტენდენცია - "რა სურთ ქალებს" და "რა სურთ კაცებს" - მარის ერთნაირი. მიუხედავად მათი დაბადების ადგილისა. ამას ვამბობ მე და ქართველი ქალები გოიმდებოან ძალიან ხშირად, რომ თითქოს "ევროპელი მამაკაცი" თავის "მამაკაცურ" აზრებშინ რაიომეთI განსხვავდება "ქართველი მამაკცისგან" - ეს სიგოიმეა, მეტი არაფერი! რაც შეეხება "ნაჯახს" თუკი შენგანვე დაკოპირებული ფრაზის შემდეგ კითხვას გააგრძელებ, დააკვირდი ფრჩხილებში რა წერია:)

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
13.05.2011 15:13
ნინი -"ფიქრი" არ არის აბსოლუტური კრიტერიუმი. თუმცა, ფსიქოლოგიაში ცნობილია, რომ არსებობს "მამაკაცური" ფიქრები და "ქალური" ფიქრები. ეს ფიქრები, ძირითად ასპექტებში, ერთნაირია მიუხედავად მამაკაცთა/ქალთა ეროვნებისა. მე აქ მას ვწერ, რომ ქართველი ქალების "ზებუნებრივი" წარმოდგენა ევროპელ მაკაცაბზე, მაგინებს ქართველი კაცები "ამასწინანდელ" ზებუნებრივ წარმოდგენს დავუშვათ, რუს ქალებზე. ეს სისულელეა! ზოგადი კრიტერიუმებით ევროპელი მამაკაცი არაფით არ განსხვავდება ქართველი მამაკცებისაგან. ანუ მე აქ გამოვდივარ იმ აზრის წინააღდგე, რასაც ქართველი ქალები ასე უხვად აფრქვევენ ამ ბოლო დროს - "ქართველი მამაკცები ასეთები არიან" "ევროპელი მამაკაცები ისეთები არიან" - ეს არის უდონო გოიმობა იმ ქალების მხრიდან, ვისაც ასეთი აზრები გააჩნია. თორემ ეგრე მამაკაცები ი არა კონკრეტული, ინდივიდუალური მახასიათებლებით, ძმები და ტყუპებიც კი ნასხვავდებიან ერთამენთისაგნ:)

ავტორი: ნინო
13.05.2011 15:07
”ვფიქრობ, “თავისუფალი სექსი” ეს მხოლოდ და მხოლოდ ის “ნაჯახია”, რომელსაც ევროპელები ჩვენს, ქართულ “ოქროში” გვიცვლიან” აი ამაში არ გეთანხმები. ევროპელებს სულ არ ადარდებთ არ ჩვენი სექსი და არც უსექსობა და არაფრის არაფერში გაცვლას არ ცდილობენ. თავისთვის ცხოვრობენ და არც ქართველი გოგების ”გერლფრენდებად” ყოფნა აქვთ თვითმიზნად და რაც მთავარია არ ვეთანხმები გამონათქვამებს, რომ თითქმის ყველა ევროპელი კაცი და თითქმის ყველა ქალი ერთნაირად ფიქრობს. არ არსებობს საკითხი, რომელზეც თითქმის ყველა ერთნაირად ფიქრობს.

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
13.05.2011 14:55
ნინო :)) აი შენი კი გამიკვირდა:)) "ბევრ რამეს არ ვეტანხმები"-ო იწყებ და მერე რა აზრებსაც ავითარებ ზუსტად ის წერია ამ ბლოგტექსტში:) ამ ბლოგტექსტის მთავარი ხაზი სწორედ ის არის, რომ "ის რაც ახლა ჩვენთან ხდება ჩვენივე ბრალია და არა ევროპელების" "რომ ქვეყანა სხვა უფრო მტავარი ღირებულებების დამკვიდრების გზით ნაბიჯ-ნაბიჯ უნდა მივიდეს თავისუფალ სექსამდე":) კარგად წაიკითხე ტექსტი?:) რომ არ მეთანხმები ეგ კარგია და დიდი სიამოვნებით მოვისმენდი რაში არ მეთანხმები, მაგრამ შენი კომენტარიდან ჩანს რომ ყველაფერში მეთანხმები:) აი, ეს ვერ გავიგე. იქნებ დაწერო კონკრეტულად რაში არ მეთანხმები?:)

ავტორი: ბაკურ სვანიძე საიდან გვწერთ: საქართველო, თბილისი, ვაზისუბანი:)
13.05.2011 14:51
ნინო-ს კომენტარი არ ჩანდა ეს რომ დავწერე. ანუ ჩემი კომენტარი პირველ კომენტატორს "ნუნუ"-ს ეხება...

ავტორი: ნინო
13.05.2011 14:48
ბევრ რამეს არ ვეთანხმები ამ ნაწერში, თუმცა იმას ვეთანხმები რომ ჩვენს ქვეყანაში ყველა წყალწაღებული ევროპელი კარგად გრძნობს თავს... ქალიც და კაციც. თავისუფალი სექსი კიდევ ნამდვილად არ არის დასავლური ღირებულება და ყველა ერი ნაბიჯ-ნაბიჯ მივა აქამდე. უბრალოდ ახლა ვართ გარდამავალ ეტაპზე და ეს ყოველტვის მტკივნეულია. იმ დღეს ერთ ევროპულ კინოს ვუყურე, სადაც შუახნის ქალები საუბრობენ, ბავშვობის მეგობრები. ერთი მეორეს ეუბნება 20 წლისა ინსტიტუტში ყველა ბიჭთან იწექიო და მეორე პასუხობს-კარგი რა ის ხომ 60-იანი წლები ოყოო. ასე რომ ახლა ჩვენთანაა 60-იანი წლები და ამაში მთლად ევროპელებიც არ არიან დამნაშავეები. სხვა მხრივ კი გეთანხმები. ჩვენ ზედმეტი ვიცით სხვებით აღტაცება. როგორც ილია ჭავჭავაძემ აღნიშნა ჩვენ ვართ ერი, რომელიც ყველაზე კარგს სიტყვა ”საუცხოოთი” აღნიშნავს. ეს ჩვენი სენია და მარტო დღეს არა ....

ავტორი: ნუნუ საიდან გვწერთ: ვაკიდან
13.05.2011 14:41
წაიყვანეთ ეს კაცი ვინმე მადლიანმა ბოზებში, თვითონაც ეშველებდა და ჩვენც დაგვასვენებს
ყველაზე ხშირად წაკითხული
1. წე­რი­ლი ჭორ­ვი­ლი­დან: ბო­რი­ა, იცი შენ, გლა­ხა რჩე­ვას არ მოგ­ცემ მე, შე­ნი კარ­გი­და­კე­თი­ლი მინ­და...
2. რო­გორ აღ­მოგ­ვა­ჩი­ნა ევ­რო­პამ (ნა­წი­ლი მერ­ვე – დას­კ­ვ­ნა, “ნა­პი­რე­ბი”)
3. ცუ­ნა­მი, იაპო­ნე­ლე­ბი, ქარ­თ­ვე­ლე­ბი და სო­ლი­და­რო­ბა
4. კა­ტე­ხიზ­მო: „მრგვა­ლი მა­გი­და – თა­ვი­სუ­ფა­ლი სა­ქარ­თ­ვე­ლო“ - პარ­ტი­ა?
5. დრო­ის მა­ხი­ნა (მოგ­ზა­უ­რო­ბა მო­მა­ვალ­ში)
ბლოგერები
ლაშა ბერულავა
"2012" - ის აურა და 2012 – ის მო­ლო­დი­ნი
ბესარიონ გუგუშვილი
კა­ტე­ხიზ­მო: „მრგვა­ლი მა­გი­და – თა­ვი­სუ­ფა­ლი სა­ქარ­თ­ვე­ლო“ - პარ­ტი­ა?
ლექსო ლეკიაშვილი
დრო­ის მა­ხი­ნა (მოგ­ზა­უ­რო­ბა მო­მა­ვალ­ში)
გაიოზ მამალაძე
ლა­ზა­რეს შა­ბა­თი - ქე­ბაჲ და დი­დე­ბაჲ ქარ­თუ­ლი­სა ენი­საჲ
ბაკურ სვანიძე
რო­გორ აღ­მოგ­ვა­ჩი­ნა ევ­რო­პამ (ნა­წი­ლი მერ­ვე – დას­კ­ვ­ნა, “ნა­პი­რე­ბი”)
ანასტასია ქართველიშვილი
ცუ­ნა­მი, იაპო­ნე­ლე­ბი, ქარ­თ­ვე­ლე­ბი და სო­ლი­და­რო­ბა
ალიოშა წერეთელი
წე­რი­ლი ჭორ­ვი­ლი­დან: ბო­რი­ა, იცი შენ, გლა­ხა რჩე­ვას არ მოგ­ცემ მე, შე­ნი კარ­გი­და­კე­თი­ლი მინ­და...
ამინდი
  თბილისი11°-25°
  ქუთაისი16°-29°
  ბათუმი17°-22°
რეკლამა საიტზე
ტელ.: (+995 32) 2-000-247, 595 58-18-18
599 877-901, 599 877-908
 
2014-04-16
visitor 48 819
visit 68 012
page 120 605
2014-04-17
  30 608
  39 624
  70 052