რეკლამა Presa.ge-ზე,
სპეციალური ფასები: 599 877 900

მთავარი | სიახლეები | ბიზნეს პრესა (BP.GE) | English | არჩევნები | პოლიტიკა | საზოგადოება | გმირები | კრიმინალი | დიასპორა | მედიცინა | სამხედრო | სპორტი | ხელოვნება | ლიტერატურა | ყვითელი | | ავტომარიაჟი | ბლოგები | ვიდეო | აფიშა | განრიგი | გურმანი | ვაკანსია 

და­ვით ნარ­მა­ნია ხან­დაზ­მულ­თა პან­სი­ო­ნატს ეწ­ვია და იქ არ­სე­ბულ პრობ­ლე­მებს გა­ეც­ნო
"ი­ა­ფი გათ­ბო­ბა და ცხე­ლი წყა­ლი"- ინო­ვა­ცი­უ­რი პრო­ექ­ტის პრე­ზენ­ტა­ცი­ას ნი­კა მე­ლია და­ეს­წ­რო
,,შე­მე­ჭი­დოს მთე­ლი "ნა­ცი­ო­ნა­ლუ­რი მოძ­რა­ო­ბა", და­მახ­ტით ყვე­ლა­ნი ერ­თად“ -ი­რაკ­ლი კა­კა­ბა­ძე
,,მა­შინ ვი­ყა­ვი 20 წლის­,­ვერ ვშო­უ­ლობ­დით სტუ­დენ­ტურ სა­მუ­შა­ოს“ - ღა­რი­ბაშ­ვი­ლის გუ­ლახ­დი­ლი ინ­ტერ­ვიუ
ყველა სიახლე
ბლოგები / გაიოზ მამალაძე

01.08.2011

თანამედროვე ეროვნული იდეოლოგიის აუცილებლობა

ყოველ ქვეყანას აქვს იდეოლოგია. ყოველი სახელმწიფო იდეოლოგიურ ბაზისზე არის აშენებული. ვერც ერთი ხალხი ვერ შექმნის სახელმწიფოს თუ დამუშავებული არ აქვს ისეთი იდეოლოგია, რომელიც მისი მოქალაქეების აბსოლუტური უმრავლესობის მიერ არ არის მოწონებული.

გარდა ამისა, ადამიანებმა უნდა იცოდნენ როგორია მათი პერსპექტივა, როგორი ცხოვრება ექნებათ, როგორ სახელმწიფოში იცხოვრებენ. რა ერქმევათ მათ შვილებს, რა ენაზე ილაპარაკებენ საზოგადოებაში თუ ოჯახში, რომელი სარწმუნოება იქნება მათი შთამომავლობის რელიგია და თუ იქნება საერთოდ რწმენის თავისუფლება, თუ ექნებათ სიტყვის თავისუფლება.

რაიმე მიზეზები ხომ არ შეუშლის ხელს მათი უფლებების განხორციელებას, ადამიანის უფლებათა და თავისუფლებათა საერთაშორისო  დეკლარაციით აღიარებული პრინციპების გატარებას ცხოვრებაში.

თუ ექნებათ სრულფასოვნობის განცდა საკუთარ ქვეყანაში, ქალაქში, საზოგადოებაში. თუ იქნება დაცული მათი უსაფრთხოება, მათ შორის ფსიქოლოგიური და ა. შ და ა. შ.

ამ ყველაფერზე პასუხებს ელის საქართველოს მოსახლეობა. მათ შორის არა მხოლოდ ქართველი მოქალაქეები, არამედ საქართველოს არაქართული წარმოშობის მოქალაქეები (თუმცა, ვფიქრობ ყველაფერი ცხადია, ჩვენი ხასიათიდან გამომდინარე).

ჩვენ გვჭირდება რაღაც ისეთი, რაც დაგვარწმუნებს ყველას, რომ ისტორიულად ჩვენი ეროვნების წარმომადგენლების ერთად ცხოვრება შესაძლებელი იყო ადრეც.

სხვადასხვა ერების წარმომადგენელთა ისტორიაში ხშირი იყო მტრული ურთიერთობები, მაგრამ, უფრო მეტად, ჩვეულებრივი ადამიანები, ჰუმანური, კეთილი, ადამიანური დამოკიდებულებით გამოირჩევიან ერთმანეთისადმი, მათ შორის სხვა ეროვნების წარმომადგენლებისადმი. ასე რომ არ იყოს, კაცობრიობა დიდი ხანია შეწყვეტდა არსებობას.

ქართველი ხალხის გადარჩენის საიდუმლოს ამოხსნას ბევრი ცდილობს. ყველა მკვლევარი მართალია. ალბათ, ერთ-ერთი უმნიშვნელოვანეში ის არის, რომ ქართველი კაცი ტოლერანტია.

ქართველ კაცს არასოდეს ურბევია თავის ქვეყანაში უცხო, განსხვავებული. არასოდეს დაუჩაგრავს უცხო ქვეყნების, მეზობელი ხალხები (ნურავინ იტყვის არ შეეძლოო. უდიდესი სამხედრო ძალის მქონე მეფეების: დავით აღმაშენებლის, გიორგი III-ის, გიორგი ბრწყინვალისა და სხვების ისტიორიები მერე გავიხსენოთ).

ქართველი ერის გადარჩენაში უდიდესი წვლილი მიუძღვის საქართველოს მისიას. საქართველოს მისიაზე წერდნენ მეოცე საუკუნის ბოლო ოცწლეულის ისეთი დიდი ეროვნული იდეოლოგები, როგორებიც იყვნენ ზვიად გამსახურდია, მერაბ კოსტავა, აკაკი ბაქრაძე. მათი ნააზრევი უმნიშვნელოვანესია.

საქართველოს მისიაში, ჩემი აზრით შეიმჩნევა (სხვა ასპექტებთან ერთად), მსოფლიოსათვის კეთილშობილების, ტოლერანტული მაგალითის მიცემის მისია. ევროკავშირის ქვეყნების ხალხთა და ლიდერთა მიერ მეოცე საუკუნეში ჩამოყალიბებული კონცეფციები, ადამიანთა და ერთა მეგობრული თანაცხოვრებისა, უძველესი დროიდან იყო გამჯდარი ქართველი ერის ფსიქოლოგიაში: "ვინც მოყვარესა არ ეძებს, იგი თავისა მტერია".

ქართველი ერის ტოლერანტული და კეთილშობილური ხასიათის ჩამოყალიბებაში უდიდესი როლი მიუძღვის ქრისტიანულ რელიგიას, თუმცა უნდა ითქვას, რომ ქართველები იმთავითვე მზად ვიყავით, რომ ყოველგვარი ძალდატანებისა და პოლიტიკური მოტივების გარეშე მიგვეღო ქრისტიანობა უუძველესი და უკეთილშობილესი, ჭეშმარიტი ფორმით - მართლმადიდებლობის სახით.

იმიტომ გვგონია მართლმადიდებლობა ძალიან კეთილშობილი, რომ საკუთარ ენაზე ლოცვას არ უკრძალავდა ხალხებს. არც ქართველს აუკრძალია ვინმესთვის საკუთარ ენაზე და საკუთარი რწმენითურთ უფლის სადიდებლის აღვლენა.

ასეთი კეთილშობილური საფუძველები აქვს ჩვენს ქვეყანას.

თანამედროვეობაშიც არაფერი შეცვლილა, არც ანტისემიტიზმი, არც ანტიარმენიზმი, არც ანტისლავიზმი, არც ანტიალანიზმი და ა. შ. არ დათესილა ქართველთა გულებში.

ამის გახსენება კიდევ ერთხელ გვმართებს ჩვენ.

ჩვენ უნდა გავახსენოთ არაქართველ მოსახლეობას საქართველოისას, რომ მათივე და ჩვენი ბედნიერებისათვის უკეთესია, რაც უფრო მეტად მეგობრული ურთიერთობები გვექნება და რაც უფრო მალე ინტეგრირდებიან ჩვენი მოქალაქეები საქართველოს სახელმწიფოში და ქართულ საზოგადოებაში, მით უფრო სწრაფად გამოვალთ პოლიტიკური თუ ეკონომიკური პრობლემებიდან და უფრო ადრე ავაშენებთ ბედნიერ სახელმწიფოს ჩვენი შვილებისათვის.

საქართველოს არაქართული მოსახლეობა უნდა გახდეს ქართული კულტურის მატარებელი და უმდიდრესი ქართული კულტურა კიდევ უფრო გამდიდრდება ახალი შენაკადებით.

მიტროპოლიტი ანანია ჯაფარიძე ამბობს: "აი, სწორედ ამ ხალხების (ქართველებისა და საქართველოში მცხოვრები სათვისტომოების - გ. მ.) გადაქცევაა საჭირო თანამედროვე ერთიან ერად, ისევე როგორც ეს მოახერხეს ჩვენმა მეზობელმა სახელმწიფოებმა.

საქართველოში მცხოვრები სხვადასხვა ხალხების ინტეგრაცია არ გულისხმობს იმას, რომ ვთქვათ, მაგალითად, აზერბაიჯანელები ქართველ ეთნიკურ ჯგუფად გადაიქცევიან, არამედ იმას, რომ ისინი შეინარჩუნებენ შიდა ეთნიკურ თავისთავადობას, მაგრამ საქართველოს თანამედროვე ერის ნაწილად იქცევიან ქართული ენის ცოდნით, საქართველოს საკუთარ სახელმწიფოდ აღიარებით, მისი კულტურის მატარებლობით, მის სრულფასოვან მოქალაქეებად გადაქცევით"

ახალი ქართული, თანამედროვე ნაციის განმტკიცება არის უმთავრესი ამოცანა დღევანდელი ქართული სახელმწიფოსი. თუმცა, ეს არ ნიშნავს არც “ნაციის მოდერნიზებას”, როგორც ზოგიერთებს უყვართ თქმა, ეს არ იქნება არც “მრავალეროვანი ერი”, როგორც ზოგიერთებს ჰგონიათ.

ყველას უნდა ესმოდეს, რომ ახალი სახელმწიფოს, “ახალი ნაციის” საფუძველი არის ქართული ეთნოსი. როგორც სხვაგან, ნებისმიერ თანამედროვე სახელმწიფოში. დღევანდელი ქართული ეთნოსის საფუძველი კი არის ის, ისტორიულად ქართველი ერი ერქვა; ქართული სახელმწიფოს საფუძველი იქნება, რა თქმა უნდა, დემოკრატია და რაც ყველაზე მთავარია, ქართული ტრადიციები, ქართული კულტურა და მსოფლმიმართება, რომლის ჩამოყალიბებაშიც უდიდესი წვლილი მიუძღვის მართლმადიდებლურ სარწმუნოებას.

ამიტომ, ჩვენც ვთხოვთ ყველას, გაგებით მოეკიდეოს ყველა ამას და სამაგიეროდ ჩვენისათანა კარგი ძმები, ტკბილი თანამოქალაქეები არავის, არც ერთ სათვისტომოს არ ეყოლება მსოფლიოს არც ერთ სახელმწიფოში. 

ბეჭდვა  
დაწერეთ კომენტარი (10)

ავტორი: ანონიმი
12.12.2012 19:38

ავტორი: ანონიმი
12.12.2012 19:37

ავტორი: ამირან გაბისონია საიდან გვწერთ: თბილისი
12.12.2012 19:35

ავტორი: ანონიმი
19.08.2011 04:17
თქვენთან სტანდარტი არ არსებობს? რას გავს ეს? ნორჩი ლენინელი ხომ არ არის ეს გაზეთი. (მივმართავ რედაქტორებს). ბოდიში ავტორთან: პატივს ვცემ თქვენს შეხედულებებს, მაგრამ ძალიან გულუბრყვილო მსჯელობები სრულიად ზედმეტია ახლა. დაგვაწყდა ნერვები.

ავტორი: ანონიმი
12.08.2011 08:54
ზოგი თვლის რომ ტოლერანტობას საქართველოშ დავით აღმაშენებელმა ჩაუყარა საფუძველი, როდესაც თბილისი დაუბრუნა საქართველოს და მუსულმანები არც ამოუწყვეტია და არც გაყარა, პირიქით.. ზოგიც თვლის, რომ ტოლერანტობა ქრისტიანობასთან ერთად შემოვიდა, და საერთოდ, ყველაფერი რაც დადებითი გვაქვს, ქრისტიანობით გვაქვს.. ამ ბოლო მოსაზრებას სასტიკად არ ვეთანხმები, აბა რუსებს რატომ არაფერი ეშველათ, ან დას. ევროპას თავის დროზე? ტოლერანტობა ქართველ ხალხში ბევრად უფრო ძველია და არც ხელწამოსაკრავი და არც გამოგონილია, მხოლოდ ის ფაქტი რად ღირს, რომ ებრაელი საზოგადოება ჩვენთან 2600 წელია ცხოვრობს, მშვიდობიანად, იმ ეპოქაშიც, ცეცხლს და კერპებს რომ ვეთაყვანებოდით. ავტორს respect, კარგი სტატიაა..

ავტორი: საქართველო
11.08.2011 19:06
მოგესალმებით თემა თავისი არსზით ძალიან მნიშვნელოვანია, საჭირო და აქედან გამომდინარე აქტუალური. ავტორი შესანიშნავად ძერწავს იმ კონტურებს რომელიც ნებისმიერი სახელმწიფოსათვის უპირველეს ამოცანას უნდა წარმოადგენდეს. ავიღოთ ამერიკის მაგალითი სადაც იდეოლოგიამ გარკვეული საფეხურები გაიარა... ამერიკელი მამები - ამერიკელი საზოგადოება - ამერიკული სახელმწიფო - ამერიკული იდეოლოგია... საქართველოს შემთხვევაში ჩვენი უდიდესი და უღრმესი ისტორიაა ჩვენი იდეოლოგია მა მომავლის მიზანი. ამ ისტორიაშია ჩაშენებული მართმადიდებლური მრწამსი, სწორედ რომ მართმადიდებლობაა ქართველი ხალხის საზრდო და გზა ტაძრისკენ, დიდი საქართველოსკენ. და ბოლოს კომენტარების წერისას ძალიან მნიშვნელოვანია აზრი ჩამოვაყალიბოთ ღრმა და საფუძვლიანი ანალიზის შედეგად და არა ცხელ გულზე პირს მომდგარი სიტყვებით. აქვე მინდა დიდი პატივისცემა გამოვხატო სტატიის ავტორის მიმართ პატივისცემით,

ავტორი: ანონიმი
10.08.2011 11:46
რა სულელური კომენტარია ზოგიერთი, ვინ აღიარებს "ოსეთს" სად წაიკითხეთ?

ავტორი: მ.თ. საიდან გვწერთ: თბილისი
09.08.2011 01:54
რაო, გაიოზ, ეგ რომელი ტოლერანტობაა, როდიდან აღიარებ, რომ ამ ქვყანაში სამხრეთ ოსეთის სახელმწიფო არსებობს გორის გვერდით!.... მართალია დათო, ქრისტიანობამდე რომ მეფე ,მყავდა, ვთქვათ აიეტი, ის გავაქროთ??? მარტო ქრისტიანულმა ტოლერანტობამ იხსნა ქვეყანა, თუ ქრისტიანულად ვერ ჟუჟავდა მტერს შინაურსა და გარეულს აღმაშენებელი (მათ შორის სასულიოერო პირებ საც, თუ ეს სახელმწიფოს ინტერესებს სჭირდებოდა), იქნებ ქრისტიანი არ იყო თორნიკე ერისთავი და ტოლერანტულად იქნევდა ხმალს? ქრისტიანი მე თევდორე ბერი ვიცი..... სარწმუნოებას ამოფარებული სახელმწიფო იდეოლოგია ვერაფერი საქმეა, ხმლიანი ბერებიც ჰყოლია ამ ქვეყანას და ქრისტეს სახელით სამშობლოს შეწირულები!!!!! იდეოლოგია კი სჭირდება, მაგრამ მართალი და სუფთა... "ქმნა მართლისა სამართლისა ხესა შეიქმს ხმელსა ნედლად" მართალ სამართალს მართალი ხალხი ქმნის, ნაკომუნისტარი კი არა....

ავტორი: მამუკა
04.08.2011 17:56
რას მისტირით ახლა რა ვართ, ისეთივე ყ სახელმწიფო, როგორიც, ალბანეთი, უნგრეთი და ა>შ,ანუ არაფრები.რა მისია, რის მისია.სასაცილოა ერთი მიშა ცდილობს, რაღაც გააკეთოს და იმასაც ვაგინებთ მოიხვევენ ჩვენი ქალები თავსაფარს და დადიან ეკლესიებში, რომ, ქმრების ცოდვები გამოისყიდონ:)რომლებსაც ილია მეორის ხელმოწერილი სამაჯური უკეთიათ ხელზე .(ეგენი ოქროსას ატარებენ და მე რომ ვიყიდე ვერცხლის 40 ლარად, ვერცხლი არ გამოდგა) ყყყ,ქვეყანა ვართ.

ავტორი: პირ: დათო საიდან გვწერთ: თბილისი
01.08.2011 22:17
აქ არსებული თქვენი წერილი ერთობ საგულისხმოა, მაგრამ საქმე იმაშია, რომ ვისაც ჩვენ ძმობა გავუწიეთ, მათ ზურგში დანა დაგვარტყეს. კი, კარგია ტოლერანტობა, მაგრამ მასაც საზღვრები აქვს. ყველას აქ მარტო კარგი ცხოვრება უნდა, გაჭირვებაში კი ყველა განზე დგება. აქ მოსახლე უცხოელებს მარტო ჩვენი მიწები სურთ. ამის ნათელი მაგალითია სულ ბოლო 20 წლის მანძილზე იგივე ოსები, აფხაზები რომლებიც მარტო სსრკ--ს დროს ერთობ კარგად რომ ცხოვრობდნენ, არაფერი აკლდათ ამ სიტყვის პირდაპირი გაგებით, ქონდათ შესანიშნავი შერეული ოჯახები და ა.შ. ბოლოს კი მოსკოვის მიერ ინპირირებულებმა ქართველების სისხლი დალიეს და მოჭრილი თავებით ფეხბურთი ითამაშეს. კი მესმის რომ ეს საქმე ბრბოს გაკეთებულია, მაგრამ ამ საქმისთვის კი მრავალი ათეული წელი შეგნებულად, ხაზს ვუსვამ შეგნებულად ფარულად ემზადებოდნენ და თანაც მასობრივად.აი ეს არის საყურადღებო. ეპისკოპოსი ანანია სასულიერო პირია და მას აქვს მიტევების უფლება, მაგრამ ჩვენ კი გვაქვს ამის უფლება, როდესაც დახოცეს ჩვენი დები, ძმები მომავალი წაგვართვეს და დღეს ჩვენს ადგილზე უცხოელი ტომელი ხალხი კარგად ცხოვრობს. მათ გაყრას რა მოყვება კარგად აცნობიერებ ალბათ. დღესაც ომია საქართველოში. გაიხსენე მარაბდის ომი, სადაც სამღვდელოებასც კი ხმლით ხელსი იბრძოდა ირანის წინააღმდეგ შესანიშნავი სარდლისა და მამილიშვილის გ. სააკაძის მეთაურობით და ორი მათგანი გმირულად დაეცა ბრძოლის ველზე--რუსთავისა და ხარჭასნოს ეპისკოპოსები.აი ესე უნდა იყოს მუდამ თუ გინდა რომ საქართველო და ქართველობა გადარჩეს.!!! პატ: პირობ: დათო.
ყველაზე ხშირად წაკითხული
1. წე­რი­ლი ჭორ­ვი­ლი­დან: ბო­რი­ა, იცი შენ, გლა­ხა რჩე­ვას არ მოგ­ცემ მე, შე­ნი კარ­გი­და­კე­თი­ლი მინ­და...
2. რო­გორ აღ­მოგ­ვა­ჩი­ნა ევ­რო­პამ (ნა­წი­ლი მერ­ვე – დას­კ­ვ­ნა, “ნა­პი­რე­ბი”)
3. ცუ­ნა­მი, იაპო­ნე­ლე­ბი, ქარ­თ­ვე­ლე­ბი და სო­ლი­და­რო­ბა
4. კა­ტე­ხიზ­მო: „მრგვა­ლი მა­გი­და – თა­ვი­სუ­ფა­ლი სა­ქარ­თ­ვე­ლო“ - პარ­ტი­ა?
5. დრო­ის მა­ხი­ნა (მოგ­ზა­უ­რო­ბა მო­მა­ვალ­ში)
ბლოგერები
ლაშა ბერულავა
"2012" - ის აურა და 2012 – ის მო­ლო­დი­ნი
ბესარიონ გუგუშვილი
კა­ტე­ხიზ­მო: „მრგვა­ლი მა­გი­და – თა­ვი­სუ­ფა­ლი სა­ქარ­თ­ვე­ლო“ - პარ­ტი­ა?
ლექსო ლეკიაშვილი
დრო­ის მა­ხი­ნა (მოგ­ზა­უ­რო­ბა მო­მა­ვალ­ში)
გაიოზ მამალაძე
ლა­ზა­რეს შა­ბა­თი - ქე­ბაჲ და დი­დე­ბაჲ ქარ­თუ­ლი­სა ენი­საჲ
ბაკურ სვანიძე
რო­გორ აღ­მოგ­ვა­ჩი­ნა ევ­რო­პამ (ნა­წი­ლი მერ­ვე – დას­კ­ვ­ნა, “ნა­პი­რე­ბი”)
ანასტასია ქართველიშვილი
ცუ­ნა­მი, იაპო­ნე­ლე­ბი, ქარ­თ­ვე­ლე­ბი და სო­ლი­და­რო­ბა
ალიოშა წერეთელი
წე­რი­ლი ჭორ­ვი­ლი­დან: ბო­რი­ა, იცი შენ, გლა­ხა რჩე­ვას არ მოგ­ცემ მე, შე­ნი კარ­გი­და­კე­თი­ლი მინ­და...
ამინდი
  თბილისი11°-25°
  ქუთაისი16°-29°
  ბათუმი17°-22°
რეკლამა საიტზე
ტელ.: (+995 32) 2-000-247, 595 58-18-18
599 877-901, 599 877-908
 
2014-04-16
visitor 48 819
visit 68 012
page 120 605
2014-04-17
  30 608
  39 624
  70 052