• თბილისი
  • 24°C
  • 29 მაისი, 2017
article

ზაზა გოროზია მუხრანში

სოფლის მეურნეობის მინისტრი ზაზა გოროზია შიდა ქართლის რეგიონში, სოფელ მუხრანში, ნიადაგიდან  ქვების ამკრეფ-გამასუფთავებელი თანამედროვე ტექნიკის მუშაობის პროცესს ადგილზე  გაეცნო.

ახალი მანქანა ნიადაგს  ქვებისგან წმენდს, რაც ხელს უწყობს სასოფლო–სამეურნეო სამუშაოების სრულფასოვნად ჩატარებას.  ეს, მიღებული მოსავლის გაორმაგების ან, ზოგ შემთხვევაში, უფრო მნიშვნელოვნად გაზრდის საშუალებას იძლევა.

საქართველოს  სასოფლო-სამეურნეო მიწების 30%-ზე მეტი ქვიანია, რაც  ართულებს მის დამუშავებას და ტექნიკური პროცესების შესრულებას. ასეთ ნიადაგზე მოსავლიანობაც დაბალია.

„სოფლის მეურნეობის სამინისტრომ საცდელად ნიადაგის ქვებისგან გამწმენდი რამდენიმე აგრეგატი შემოიყვანა. მცდელობამ გაამართლა და მიღებული ხარისხიანი შედეგის გათვალისწინებით, ჩვენ ამავე დანადგარს უკვე საქართველოს ყველა რეგიონისთის შევიძენთ.  ეს თანამედროვე ტექნიკა ჩვენს ფერმერებს მიწის ხარისხიანად დამუშავების საშუალებას და შესაბამისად, გაზრდილი მოსავლისა და შემოსავლის მიღების შესაძლებლობას მისცემს“, განუცხადა ზაზა გოროზიამ ჟურნალისტებს.

მიწის ქვებისგან ხელით გასუფთავება დიდ დროსა და ფინანსურ დანახარჯებთან იყო დაკავშირებული, თუმცა შედეგი ხარისხით მაინც არ გამოირჩეოდა. ქვებისგან გამწმენდი ახალი აგრეგატის საშუალებით, შესაძლებელი გახდა 1 დღეში 2-3 ჰექტარი მიწის 7-10 სანტიმეტრ სიღრმემდე ხარისხიანი  გასუფთავება.