დიასპორის საკითხებში საქართველოს სახელმწიფო მინისტრი, მირზა დავითაია სამუშაო ვიზიტით საფრანგეთის რესპუბლიკაში იმყოფება. 12–13 ნოემბერს, ლევილის მამულში მე–9 საერთაშორისო ფრანგულ–ქართული კულტურის დღეები გაიმართა. 12 ნოემბერს, კულტურის დღეების ოფიციალურ გახსნამდე, პაპუნა დავითაიამ ლევილის სასაფლაოზე საქართველოს პირველი რესპუბლიკის მთავრობის თავმჯდომარის, ნოე ჟორდანიას და პირველი რესპუბლიკის მთავრობის წევრების საფლავები გვირგვინებით შეამკო და ფრანგულ–ქართული კულტურის დღეების ოფიციალურ გახსნაში მიიღო მონაწილეობა.

პაპუნა დავითაიამ, საქართველოს სოფლის მეურნეობის სამინისტროს წარმომადგენლებთან ერთად, ლევილის მერიასთან და ლევილის შატოში ქართული ვაზის ჯიშები დარგო. პაპუნა დავითაია ლევილის მერიასთან არსებულ ფლორანს ლებლანის სახელობის დარბაზში ქართველი მხატვრის, გიორგი რურუას ნამუშევრების გამოფენის გახსნას, ქართული ეროვნული კოსტუმების გამოფენას და პარიზში არსებული ქართული კულტურის კერა „ლაზის“ ანსამბლის მიერ წარმოდგენილ კონცერტს დაესწრო. საღამოს კი ნოე ჟორდანიას ინსტიტუტის მიერ მომზადებული ქართული კერძების დეგუსტაციაში მიიღო მონაწილეობა.