მიხეილ გიორგის ძე კალატოზიშვილი, კინორეჟისორი, პროდიუსერი, სცენარისტი და მსახიობი, 1959 წლის 19 მაისს, თბილისში, დაიბადა.  

მისი მამა - გიორგი კალატოზიშვილი და ბაბუა - მიხეილ კალატოზიშვილი, ასევე კინორეჟისორები იყვნენ. 1981 წელს დაამთავრა მოსკოვის კინემატოგრაფიის საკავშირო ინსტიტუტის (ВГИК), მუშაობდა მეორე რეჟისორად მამამისთან -გიორგი კალატოზიშვილთან (ფილმი „გმადლობთ, რატილი“).

1984 წლიდან მიხეილი საქართველოშია. გადაიღო ფილმები „სკაპენის ოინები“ და „რჩეული“ („მატეო ფალკონეს“ ადაპტირებული ვარიანტი). ეს უკანასკნელი მადრიდის კინოფესტივალზე, 1992 წელს, სპეციალური პრიზით, და „ოქროს არწივით“ დაჯილდოვდა.

1992 წლიდან კალატოზიშვილი კვლავ მოსკოვში მიემგზავრება. მისი ყველაზე ცნობილი ნამუშევარია, უკანასკნელი, „ველური მდელო“ (2008 წელი). ამ ფილმმა ვენეციის, მარაკეშის, კოტბუსის და სხვა ფესტივალების პრიზები დაიმსახურა. იყო რამდენიმე ფილმის პროდიუსერი.

2000 წელს რუსული კინოს განვითარებისათვის დააარსა „მიხეილ კალატოზოვის ფონდი“.

2009 წლის 12 ოქტომბერს, 52 წლის ასაკში, მოსკოვში, ინფარქტით გარდაიცვალა. დაკრძალულია ნოვოდევიჩევოს სასაფლაოზე.

წყარო