• თბილისი
  • 24°C
  • 29 მაისი, 2017
article

საპატიო წარმომადგენლები დიასპორის საკითხებში

საქართველოს პრეზიდენტის, მიხეილ სააკაშვილის ბრძანებულებით, საქართველოს, მსოფლიოს თითქმის ყველა ქვეყანაში, ქართული დიასპორის საკითხებში, საპატიო წარმომადგენლები ჰყავს.

საპატიო წარმომადგენელის მიზანია, კოორდინირება გაუწიოს დიასპორის საკითხებში საქართველოს სახელმწიფო მინისტრის აპარატის პროგრამების განხორციელებას, აქტიურად მიიღოს მონაწილეობა ქართული დიასპორის მიერ ჩატარებულ ღონისძიებებში და ხელი შეუწყოს მათ კოორდინირებულ საქმიანობას. მან სახელმწიფო მინისტრის აპარატს ყოველგვარი ინფორმაცია უნდა მიაწოდოს მიმდინარე მოვლენებზე და უნდა ჰქონდეს სხვა ქვეყნების დიასპორებთან მჭიდრო ურთიერთობა. მისი ერთ–ერთი მთავარი მოვალეობაა, საქართველოსა და იმ ქვეყანას შორის, რომლის ქართული დიასპორის წარმომადგენელიც არის, ურთიერთობის გაღრმავება.

წარმომადგენლების გარდა, დიასპორის განვითარებასა და ყოველდღიურ ცხოვრებაზე, აქტიურად იღწვიან ამა თუ იმ სათვისტომოების ხელმძღვანელები, საქველმოქმედო ორგანიზაციების წარმომადგენლები, ბიზნესმენები, სწავლულები, კონსულები და რაც მთავარია, დიასპორის აქტიური წევრები.