რეკლამა Presa.ge-ზე,
სპეციალური ფასები: 599 877 900
ხა­თუ­ნა ჟორ­და­ნი­ა: ურ­ტ­ყით, ჩა­ქო­ლეთ, აფურ­თ­ხეთ… მე ხვა­ლი­დან ასე მო­ვიქ­ცე­ვი...
22 ოქ­ტომ­ბ­რის ას­ტ­რო­ლო­გი­უ­რი პროგ­ნო­ზი
გა­მო­კით­ხ­ვა: არის თუ არა და­ნა­შა­უ­ლი ქმრის მი­ერ ცო­ლის ცე­მის ფაქ­ტი? პა­სუ­ხე­ბი ნამ­დ­ვი­ლად გა­გა­ო­ცებთ
“შენ ამ­ბობ, ჩვენ ვეხ­მა­რე­ბით...“ - „ფუდ­პან­დას” საქ­ველ­მოქ­მე­დო კამ­პა­ნია წარ­მა­ტე­ბით დას­რულ­და
ყველა სიახლე
 კალენდარი
ორშ სამშ ოთხ ხუთ პარ შაბ კვ
293012345
6789101112
13141516171819
20212223242526
272829303112
ამინდი
ვიცე–პოლკოვნიკი ჯენერი ცხონდია ოთხმა შეიარაღებულმა პირმა წამებით მოკლა

17:16 25.10.2011
[სოფო ედიბერიძე]

სამეგრელო–ზემო სვანეთის სამხარეო მთავარი სამმართველოს, მესტიის შს რაიონული განყოფილების, ბეჩოს პოლიციის უფროსის მოადგილე, პოლიციის ვიცე–პოლკოვნიკი, ჯენერი ცხონდია სოფელ ეცერში, ოთხმა შეიარაღებულმა კრიმინალმა განსაკუთრებული სისასტიკით მოკლა. როგორც შემდგომ გაირკვა, მისი მკვლელობა წინასწარ იყო დაგეგმილი და ერთ–ერთი დამნაშავის ჩვენების თანახმად, მათი თანასოფლელის ლიკვიდაციის გამო, შურისძიებას ისახავდა მიზნად.

ჯენერი ცხონდია აღნიშნულ თანამდებობაზე 6 თვის დანიშნული იყო, მას მეგობრისთვის უთქვამს რომ ემუქრებოდნენ, სატელეფონო საუბარში რამდენჯერმე უთხრეს, მის თავს ოჯახს გაუგზავნიდნენ თუ ეცერიდან არ წავიდოდა. ცხონდია წარმოშობით ჩხოროწყუდან იყო. სამსახურის გამო ბინა ეცერში ჰქონდა ნაქირავები. 22 თებერვალს, ოთხმა შეიარაღებულმა პირმა სწორედ იმ სახლში მიაკითხა და ტყვია–წამალი მოსთხოვა.

დოდო სახურია, ჯენერი ცხონდიას მეუღლე: ,,ჯენერის მეგობრისთვის უთქვამს, რომ რაც იქ დაიწყო მუშაობა სულ ემუქრებოდნენ. ვიცე–პოლკოვნიკი იყო, ასეთი ჩინით იქ არავინ იყო იმ დროს. გასაგებია ალბათ, ეცერში, პოლიციის ვიცე-პოლკოვნიკი მათ თვალში როგორი იქნებოდა იმ დროს. ჯენერი სულით და გულით მუშაობდა, უდიდესი პასუხისმგებლობის გრძნობა ჰქონდა და თავის მოვალეობას კეთილსინდისიერად ასრულებდა. 2005 წლის 22 თებერვალს იგი წამებით მოკლეს. ოთხი კაცი დაესხა თავს. როგორც ჩვენებაში ერთ-ერთმა დაკავებულმა განაცხადა, თავიდან ტყვია–წამალი მოუთხოვიათ,  მე პოლიციელი ვარ და თქვენ ტყვია–წამალს როგორ მოგცემთო, უპასუხია ჩემს მეუღლეს. ეს მიზეზი იყო, ისინი ტყვია–წამლისთვის არ მისულან, მოსაკლავად მივიდნენ და წამებით მოკლეს იგი. რა თქმა უნდა, წინააღმდეგობა გაუწევია, ჯერ ბლაგვი საგანი ჩარტყეს თავში, შემდეგ ესროლეს, ერთი ტყვია გულში ჰქონდა მოხვედრილი, საკონტროლო გასროლაც განახორციელეს და გაიქცნენ.’’

ჯენერი ცხონდიას მკვლელობის საქმის გახსნაზე სამართალდამცავები დიდხანს მუშაობდნენ. მოგვიანებით, მათ მკვლელობაში მონაწილე სამი პირი დააკავეს. ახლახანს კი ცხონდიას მკვლელობის საქმეში ახალი გარემოება გამოიკვეთა. პაატა გურჩიანმა, რომელიც სამართალდამცავებმა 2004 წლის 22 დეკემბერს ვაკე-საბურთალოს რაიონში მდებარე თბილისის სახანძრო სამასახურის დაყაჩაღების საქმესთან დაკავშირებით დააკავეს, აღიარა რომ მისი ძმა, გიორგი გურჩიანი ჯენერი ცხონდიას მკვლელობის ორგანიზატორი იყო.

დოდო სახურია, ჯენერი ცხონდიას მეუღლე: ,,ჩემი მეუღლის მკვლელები არიან: ბონდო, ზურაბ, სლავა და იულონ გურჩიანები, იმ დროს პოლიციის უფროსიც გურჩიანი იყო, როგორც ჩანს ეს გვარი ცხოვრობს იმ სოფელში. ერთ–ერთმა აიღო თავის თავზე მკვლელობა, თუმცა, ცხადია, მხოლოდ ერთი მათგანი არ მონაწილეობდა ამაში. მითუმეტეს რომ ის, პაატა გურჩიანის ჩვენებით, წინასწარ დაგეგმილი იყო მისი ძმის ორგანიზატორობით. ერთ–ერთმა მათგანმა ჩვენებაში ისიც აღნიშნა, რომ სახანძრო სამსახურის ხელფასების თანხის გატაცებაში მონაწილე ელდარ აფრასიძის ლიკვიდაციის გამო იძიეს შური პოლიციელზე, ვინაიდან აფრასიძე პოლიციელებთან შეიარაღებული დაპირისპირებისას დაიღუპა. იმ დროს კი მისი წლისთავი იყო.

ეს საქმე მაშინვე არ გახსნილა, ისინი ჩემი მეუღლის მკვლელობიდან სამი წლის შემდეგ დააკავეს. მოსახლეობამ იცოდა ვინ იყვნენ მკვლელები და სწორედ მათგან გახდა მოგვიანებით ცნობილი პოლიციისთვის. სამი წელი ვიარე ამ საქმესთან დაკავშირებით.

– შს სამინისტრო არ იყო დაინტერესებული საქმის გახსნით, თუ რატომ იქმნებოდა პრობლემა მათ დაკავებაზე?

– პრობლემა არ იქმნებოდა. შს სამინისტროს, რა თქმა უნდა, სურდა მათი დაკავება, მაგრამ ეს იყო მრავალრიცხოვანი შეიარაღებული ბანდა. იმ დროს ძალიან ბევრი ასეთი ბანდფორმირებები მოქმედებდნენ სვანეთში. პოლიცია მუშაობდა მათ დაკავებაზე, მაგრამ ჩემზე ძალიან მოქმედებდა, რომ ჩემი მეუღლის მკვლელები თავისუფლად იყვნენ და დავდიოდი, ვცდილობდი თავი შემხსენებინა.

– ოჯახში არასდროს უთქვამს რომ მის სიცოცხლეს საფრთხე ემუქრებოდა?

– არა, არც დედასთან და არც ჩემთან ამაზე არ საუბრობდა. როგორც გითხარით, მხოლოდ მეგობრისთვის უთქვამს ტელეფონით მემუქრებიანო. რამდენჯერმე დამირეკეს და მითხრეს წადი აქედან, თორემ შენს თავს ოჯახს გავუგზავნითო, მაგრამ მე მათი შიშით აქედან არ წავალ. კურდღელივით ჩირგვებში არ დავიმალებიო. თუ მიკერძოებაში არ ჩამეთვლება ჩემს მეუღლეზე საუბარი, ვიტყვი, რომ სულით და გულით, ძალიან დიდი პასუხისმგებლობით ეკიდებოდა თავის საქმეს. ძალიან ჰუმანური და კაცთმოყვარე იყო. სამსახურში ვინმე გაჭირვებულს თუ ნახავდა მაშინვე გულთან მიიტანდა მის პრობლემას. არეულობის პერიოდში რაიონში ერთი ინციდენტიც კი არ მომხდარა მისი უფროსობის დროს. იყო უკონფლიქტო, გაწონასწორებული, უბოროტო ადამიანი. შვიდი წელი გავიდა მისი გარდაცვალებიდან და დღემდე ყველა დიდი სიყვარულითა და პატივისცემით იხსენებს.

– შს სამინისტრომ თუ დააფასა თქვენი მეუღლის გმირობა?

– შს სამინისტრომ ნამდვილად დააფასა მისი გმირობა. ჩვენთვის ძალიან ბევრს ნიშნავს ის დახმარება, რომელსაც სამინისტრო გვიწევს. მადლობელი ვარ მათი, ასევე მადლობა მინდა გითხრათ თქვენც და ყველა იმ ადამიანს, ვინც არ ივიწყებს ჩემს მეუღლეს. ახლახანს ადგილობრივ გაზეთშიც დაიბეჭდა მასზე მასალა, ადგილობრივმა კორესპონდენტმა ასე შეაფასა ჩემი მეუღლე: ,,ჩვენდა სამწუხაროდ ძალიან ცოტანიღა თუ შემოგვრჩნენ მისთანები. კაცი შემკული სიკეთით, პატიოსნებითა და ჰუმანურობით. თანამოძმის მოყვარული და მხარში მდგომი, უღალატო მეგობარი, ჭეშმარიტი პატრიოტი, რომელიც იმედის თვალით უყურებდა მომავალს, საკუთარსაც და თავისი ქვეყნისასაც. ის თავადვე იყო მომავლის მშენებელი  და საკუთარ ძალებში დარწმუნებული, გაბედულად და უშიშრად ეჭიდებოდა ყოველგვარ სიძნელეს’’...

ბეჭდვა  
კომენტარები:
25.2011-10-25 17:31:12
ნათელში ამყოფოს მისი სული!

lacosta2011-10-25 17:40:53
კაცურად ემსახურა თავის საქმეს

ნინო ვეკუა2011-10-25 18:22:11
ამინ

მთიელი2011-10-25 18:42:50
სვანების სისხლი არავის არ შერჩება ეს კარგად გახსოვდეთ!!!

შორენა2011-10-25 20:18:00
ნამდვილად ღირსეული,მისაბაძი,საამაყო და ვაჯკაცი ადამიანი იყო ბატონი ჯენერი. ნათელი და სასუფეველი დაგიმკვიდროს უფალმა ბატონო ჯენერ!

ქართული კრამიტი2011-10-25 21:40:09
მთიელო უბერავ უშნოდ. მართალი რომ იყო ის კაცი და ტყუილად მოკლა 4 მა კაცმა ეს როგორია? სვანების სისხლი......კარგი რა არ მოგწყინდათ მაინც ეს ბლატაობა??

2011-10-25 22:35:23
მთიელო შეგრჩა რამე საბლატაო?! იმ ხის თავზე დიდიხანია ლურსმანი ჩაგიჟანგდა!!!

2011-10-25 22:39:39
ნათელში ამყოფოს საწყალი ცხონდია!

დოიადოი2011-10-26 14:59:27
პოლიციელები თავს ჩვენს გამო, ჩვენი უსაფრთხოების გამო წირავენ და ვინც ვერ, ან არ დაინახავს მათ ამაგს , ღმერთმა და ბუნების ძალამ საერთოდ არაფერი არ დაანახოდ. და ერთიც , პოლიციელის სიცოცხლის ხელყოფაც არც არასოდეს შერჩენია ვინმე გარეწარს და არც არასოდეს შერჩება

დოიადოი2011-10-26 15:00:23
ღმერთმა ნათელში ამყოფოს მისი სული.

სამურაი2011-10-26 15:02:14
მთიელოს---------------------არ იქნები მთიელი . მთიელების სახელით ნუ მაიმუნობ.

ზუგდიდი2011-10-26 19:26:59
მთიელო მიუთითე შენი ვინაობა

ზუგდიდი2011-10-26 19:28:30
ნათელში ამყოფოს ღმერთმა ამ ღირსეული კაცის სული

2011-10-31 08:19:06
გაანათლოს!!!

ჩხოროწყუელი2012-07-18 13:06:05
ნათელში იყოს ამ კაცის სახელი,

2013-03-16 11:57:08
мтиело гамоклевебуло)))))ра шуашиа сванебис сисхли))) важкацеби квелган ариан да квшапсиебиц))))шен геткоба ан квешапсиа хар ан гамоклевебули)))

თამაზი პაპავა2013-04-14 21:04:20
ნათელში ამყოფოს მისი სული ღმერთმა, კაცური კაცი იყო.

ქქქქ2013-06-28 13:55:42
....

ქქქქ2013-06-28 13:56:50
ვაი პოლიტიკოსები რომ გაჰყვირიან აფრასიძეები დახოცესო... ეს პატრიოტი ადამიანი რატომ არავის ახსოვს რომელიც ხალხის სამსახურში შეეწირა

crorkservice2014-07-18 23:43:28
gN8ICL I loved your blog.Much thanks again. Cool.

2014-08-22 13:36:31
სამწუხაროდ მთიელები ჯერ კიდევ ბევრი დარჩნენ ამ ქვეყანაზე. ამ ტვინჩაჟანგებულ მთისკაცებს სულ ცოტა ორი საუკუნე მაინც უნდათ, რომ ცოტათი დაემსგავსონ ხალხს.

დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



ტოპ ათეული
1. გამაოგნებელი სანახაობა, რომელიც გრენლანდიაში გადაიღეს (ვიდეო)
2. გაერო: ებოლა კონტროლს აღარ ექვემდებარება - ვირუსით კვირაში 10 000 ადამიანის სიკვდილს პროგნოზირებენ
3. ნაყენი, რომელიც მთელი ზამთრის მანძილზე უნდა მიიღოთ სურდოს თავიდან ასაცილებლად
4. ”პატრული პატრული!... სვანი ვარ დედას მოგი...ავ” - ჩხუბი ვარკეთილში (ვიდეო)
5. როგორ დავიკლოთ კვირაში 3 კგ დიეტის გარეშე
6. უმშვენიერესი გოგონას მიერ შესრულებული სიმღერა, რომელიც მალე ჰიტი გახდება
7. უნიკალური რეცეპტი - გათავისუფლდით სახსრების ტკივილისგან
8. 5 ყველაზე ძვირადღირებული სახლი მსოფლიოში - სად ცხოვრებენ მილიარდერები
9. სიკვდილი, სახელად ებოლა - ემუქრება თუ არა საფრთხე საქართველოს?
10. 5 წუთი და მელოტი აღარ ხართ (ვიდეო)
ბლოგები
კა­ტე­ხიზ­მო: „მრგვა­ლი მა­გი­და – თა­ვი­სუ­ფა­ლი სა­ქარ­თ­ვე­ლო“ - პარ­ტი­ა?
რეკლამა საიტზე
ტელ.: (+995 32) 2-000-247, 595 58-18-18
599 877-901, 599 877-908
 
2014-10-21
visitor 43 279
visit 57 827
page 93 090
2014-10-22
  10 203
  11 100
  17 264