• თბილისი
  • 24°C
  • 29 მაისი, 2017
article

მეჭეჭი – ვირუსული დაავადება

მეჭეჭი კანის ვირუსული დაავადებაა. არჩევენ ჩვეულებრივ ბრტყელ, ანუ სიჭაბუკის მეჭეჭს და მოხუცებულობის მახვილწვეტიან მეჭეჭს, კონდილომას. ჩვეულებრივი მეჭეჭები სფეროსებრი ან ოვალური ფორმისაა და უფრო ხშირად ხელის მტევნებისა და თითების მიდამოებში ვითარდება.

 

ბრტყელი ანუ სიჭაბუკის მეჭეჭი უმტკივნეულოა. ის დიდხანს ძლებს და უკვალოდ ქრება, ზოგჯერ კი რეციდივს იძლევა. ახალგაზრდობის მეჭეჭებს ფილტრში გამავალი ვირუსი იწვევს. დასნებოვანება ხდება პირდაპირი კონტაქტის ან საოჯახო ნივთების მეშვეობით. ინკუბაციური პერიოდი ორ-სამ თვეს და მეტხანს გრძელდება.

 

მოხუცებულობის მეჭეჭი ხანშიშესულობის პერიოდში ვითარდება და ვირუსით გამოწვეულ მეჭეჭთან საერთო არაფერი აქვს. იგი მრგვალი, ოვალური ან არასწორი ფორმისაა. უფრო ხშირად მკერდზე ვითარდება.

 

მეჭეჭის შინაურულად მკურნალობა რეკომენდებული არ არის. მჟავათი მოწვამ შეიძლება ნაწიბური და დამწვრობა გამოიწვიოს. მეჭეჭის სამკურნალოდ აუცილებლად ექიმს უნდა მივმართოთ.