• თბილისი
  • 27°C
  • 24 ივნისი, 2017
article

ათეროსკლეროზის კლინიკური ნიშნები

ათეროსკლეროზის კლინიკური გამოვლინება დამოკიდებულია იმაზე, თუ რომელი არტერია დააზიანა ამ დაავადებამ, რომელ ორგანოს და ქსოვილს მოაკლდა სისხლის მიწოდება. ყველაზე ხშირად თავს იჩენს გულის კუნთის მკვებავი გვირგვიროვანი არტერიების ათეროსკლეროზი, რომლის ნიადაგზეც აღმოცენდება გულის იშემიური დაავადება, ე.ი. სტენოკარდია, გულის კუნთის ინფარქტი, ათეროსკლეროზული კარდიოსკლეროზი, გულის რიტმის დარღვევები, გულის მწვავე და ქრონიკული უკმარისობა.

თავის ტვინის მკვებავი არტერიების ათეროსკლეროზის ნიადაგზე, ვითარდება ცენტრალურ ნერვულ სისტემაში, სისხლის მიმოქცევის მწვავე და ქრონიკული მოშლა, ტვინის არტერიების თრომბოზი, თავის ტვინის სკლეროზი, ინტელექტის დაქვეითებით, ტვინის ინფარქტი.

 

თირკმლების ათეროსკლეროზი იწვევს ამ ორგანოების განლევას, შეჭმუხვნასა და თირკმლების ქრონიკულ უკმარისობას. ქვედა კიდურების არტერიების ათეროსკლეროზის, შევიწროებისა და დახშობის შედეგად, ვითარდება განგრენა. ნაწლავების ათეროსკლეროზი და თრომბოზი მათ ნეკროზს განაპირობებს. მსგავსი ცვლილებები აღინიშნება სხვა ორგანოებშიც, მაგრამ იქ პროცესი იშვიათად მიდის ასეთ მძიმე ცვლილებებამდე.