• თბილისი
  • 31°C
  • 19 სექტემბერი, 2017
article

დაბალი არტერიული წნევა: მასთან ბრძოლის გზები

დაბალ წნევაზე მაშინ საუბრობენ, თუ იგი 95/65-ზე შეადგენს. ამის მიზეზებად სახელდება ისეთი არასასიამოვნო ფაქტორები, როგორებიცაა სისხლის, გულისა და ტვინისთვის მიწოდებული ჟანგბადის ნაკლებობა. ეს შიშისმომგვრელად და დრამატულადაც კი ჟღერს, მაგრამ, საბედნიეროდ, ასეთი შემთხვევების უმრავლესობა საშიში არ არის.ადამიანების საკმაოდ დიდი რაოდენობა ატარებს დაბალ წნევას, რაც მათ არავითარ პრობლემას არ უქმნის.

თუმცა, არც ისეთები არიან ცოტანი, რომლებიც თავბრუსხვევას, თვალების დაბნელებას, თავისტკივილებს, კიდურების გაციებას, დაღლილობას, უძილობას, სიფერმკრთალესა და გულის ჩხვლეტას უჩივის. 

როგორ დავძლიოთ აღნიშნული პრობლემები? აი, რამდენიმე რჩევაც:

1) დალიეთ ბევრი წყალი.

აუცილებელია ორიდან სამ ლიტრამდე წყლის მიღება. ამასთანავე, საკმაოდ დიდი რაოდენობის წყლის მიღება იმოქმედებს დადებითად თუ თქვენ ამას დილით, გაღვიძებისთანავე გააკეთებთ.

2) ნელ-ნელა წამოდექით საწოლიდან.

დილით ლოგინიდან ძალიან ნელა უნდა წამოდგეთ. შესაბამისი პოზა მიიღეთ საწოლში და ადგომამდე კარგად გაიზმორეთ.

3) კონტრასტული შხაპი.

დილის კონტრასტული შხაპი გამბედაობას გმატებთ და ასტიმულირებს სისხლის მიმოქცევას. მაგრამ აქ ერთი რამ არის გასათვალისწინებელი: კონტრასტული შხაპი, ყოველთვის ცივი წყლის გადავლებით უნდა დასრულდეს.

4) დარეგულირებული კვება.

დაბალი არტერიული წნევის მქონე ადამიანები, შესაბამისად უნდა იკვებებოდნენ. აუცილებელია ბევრი ხილისა და ბოსტნეულის მიღება. აღსანიშნავია, რომ ეს ყველასთვის სასარგებლოა. შემდგომი რეკომენდაცია კი საკმაოდ სპეციფიურია: დაბალი წნევის მატარებლებმა სკმაო რაოდენობის მარილი და მსგავსი მინერალები უნდა მიიღონ. მარილიანი ორცხობილა დილით, საუზმეზე, საკმაოდ კარგად დაარეგულირებენ სისხლის მიმოქცევას.

5) მეტი მოქმედება.

სირბილი და ცურვაც საუკეთესოდ არეგულირებს სისხლის მიმოქცევას!

6) უარი არ თქვათ საუნაზე.

კარგი იქნება, თუ კვირაში ერთხელ მაინც ესტუმრებით საუნას. ზოგადად, ყვეელა მკურნალობა, რომელიც წყალთან არის დაკავშირებული, დადებითად მოქმედებს ჰიპერტონიკებზე.

7) სრულფასოვანი ძილი.

სისხლის მიმოქცევის დარღვევის მქონე ადამიანებისთვის, მნიშვნელოვანია კარგი ძილი ამ მდგომარეობის გამოსასწორებლად.