თურქეთის შეიარაღებული ძალების წარმომადგენელთა განცხადებით, „ქურთისტანის მშრომელთა პარტიის“ (PKK)  წევრებამა თურქი დეპუტატი, ჰუსეინ აიგუნი მძევლად აიყვანეს.

„ეს არ არის პირველი შემთხვევა. ქურთმა მეამბოხეებმა მსგავსი ქმედებები აქამდეც განახორციელეს და ეს ტერორიზმის გარკვეულ დონეზე მიუთითებს“, - განაცხადა ხელისუფლების წარმომადგენელმა ჰალუკ კოკმა.

დეპუტატთან ერთად იმყოფებოდა მისი მრჩეველი და ჟურნალისტი, თუმცა, ისინი უკვე  გათავისუფლებული არიან.

„washingtonpost“- ის ინფორმაციით, ქურთი მეამბოხეები ავტონომიისათვის იბრძვიან და მათი მხრიდან გააქტიურებას კავშირი აქვს სირიაში მიმდინარე მოვლენებთან.

თურქეთი 1984 წლიდან ებრძვის PKK-ს. თავდაპირველად ქურთი მეამბოხეების მოთხოვნა ავტონომიის მინიჭება იყო,  თუმცა, ახლა აცხადებენ, რომ მეტი ენობრივი და კულტურული თავისუფლებისათვის იბრძვიან.

თურქეთი, ამერიკის შეერთებული შტატები და ევროკავშირი  PKK-ს ტერორისტულ ორგანიზაციად აფასებს.

1984 წლიდან მოყოლებული, ამ კონფლიქტში 40 000 ადამიანი დაიღუპა.

Internet.ge