• თბილისი
  • 9°C
  • 13 დეკემბერი, 2017
article

ივანიშვილი „მაესტროს“ ძირავს

ეკა ხვედელიძის მიერ, კაპიკებად ნაყიდი ტელევიზია, როგორც ამბობენ, ადამიანურ რესურსს "მაესტროს" წაართმევს.  ხვედელიძის  მიერ,  "მაესტროს"  დირექტორის, ილია კიკაბიძისაგან კაპიკებად  ნაყიდ ტელეკომპანიაში, უკვე გადაწყვეტილია  ჟურნალისტ გოგი ახალკაცის დასაქმება. 

ჩვენი ინფორმატორის ცნობით, ახალკაცმა უკვე დაიწყო პოლიტიკურ თოქ-შოუზე მუშაობა. ამბობენ, რომ ახალკაცი თავდაპირველად, იმ მოტივით გადავიდა ივანიშვილის ახალ ტელე-კომპანიაში, რომ  საინფორმაციო სამსახურის უფროსად  დანიშნავდნენ.  ბოლო მომენტში, მის ამ პოსტზე დანიშვნაზე უარი, თავად ივანიშვილს უთქვამს. ცნობილია, რომ იგი, დღეში ექვსჯერ იცვლის გადაწყვეტილებებს. ხან რევოლუციებით გვემუქრება და ხან ხელებს ასავსავებს, ღმერთმა დამიფაროს რევოლუციებისგანო.

 სხვათაშორის, გოგი ახალკაცი ჟურნალისტურ კარიერამდე, შევარდანაძის აპარატში მუშაობდა და როგორც ჩანს,  ეს გახდა გადამწყვეტი ფაქტორი, მისი ბიძინასთან დასაქმებისა. რატომ დაბლოკა საინფორმაციო სამსახურის უფროსად ახალკაცი ბიძინამ? როგორც გარემოცვა ამბობს, ეს ივანიშვილის "შიზოიდურ" შიშებს უკავშირდება. ბიძინას მიაჩნია, რომ მისი გარემოცვიდან ინფორმაცია მუდმივად ჟონავს.  

„ახალკაცი,  ტელეკომპანია "იმედის" ყოფილ თანამშრომლებთან ისევ იმეგობრებს,  ამიტომ მას, ასე ძალიანაც ნუ ვენდობით“ – უთქვამს ივანიშვილს. ტელევიზიაში, სიტუაციას მთლიანად ოლიგარქი განკარგავს.  ამას, ის ფაქტიც  ადასტურებს,  რომ  ტელევიზიის სახელი "იგრიკა" არ მოეწონა და ისევ "მეცხრე არხის" დარქმევის განკარგულება გასცა.  

ტელეკომპანიის მაუწყებლობაც, "მეცხრე არხის" ყოფილი შენობიდან დაიწყება და ფორმატითა და შინაარსით "მაესტროს" სტილი იქნება. ის, რომ ბიძინა ჯიბის ტელევიაზიას ქმნის, კადრების შერჩევისას ჩანს. ტელეკომპანიაში "მაესტროდან" ეკა ბერიძის გადაყვანას გეგმავს, ჩემს ეზოთერიკულ გამოსვლებს არ მაწყვეტინებდაო.  

ივანიშვილის გარშემო რომ მხოლოდ ნათესაურ-ახლობლური ნიშნით საქმდებიან, ამაზე მაია ფანჯიკიძის გარდა, კიდევ ერთი ფაქტიც მეტყველებს:, "იმედის" ყოფილი ტელეწამყვანი თამთა სანიკიძე საინფორმაციოს წამყვანად იწყებს მუშაობას. ცხადია, ივანიშვილის ნათესავის საცოლე რომ არ ყოფილიყო, ივანიშვილის ტელევიზიაში, ელენე ახვლედიანთან სინქრონის ჩაწერის მსურველ თამთა სანიკიძეს, ცხვირს არავინ შეაყოფინებდა.