რეკლამა Presa.ge-ზე,
სპეციალური ფასები: 599 877 900
ქე­თე­ვან დარ­სა­ძე: ონ­ლა­ინ­-­დაკ­რე­დი­ტე­ბა – მიკ­რო­სა­ფი­ნან­სო ბაზ­რის მო­მა­ვა­ლი­ა.
სა­ქარ­თ­ვე­ლოს ბან­კ­მა და DEG–ემ 35 მი­ლი­ო­ნი აშშ დო­ლა­რის მო­ცუ­ლო­ბის სა­სეს­ხო ხელ­შეკ­რუ­ლე­ბა გა­ა­ფორ­მეს
ციტ­რუ­სის სე­ზო­ნი და პრობ­ლე­მე­ბი
„ზე­და­ზე­ნი“ - „ჟურ­ნა­ლის­ტე­ბის რჩე­უ­ლი“ წლის კომ­პა­ნია
ყველა სიახლე
 კალენდარი
ორშ სამშ ოთხ ხუთ პარ შაბ კვ
293012345
6789101112
13141516171819
20212223242526
272829303112
ამინდი
გენერალი მაზნიაშვილი – გმირი საფლავის გარეშე

13:49 25.02.2011
[გიორგი ჩხაიძე]

“სიცოცხლე არც დაბადებით იწყება და არც სიკვდილით მთავრდება”, ეს სიტყვები, ცნობილ ქართველ გენერალს გიორგი მაზნიაშვილს ეკუთვნის, რომლის  ღვაწლიც დიდია საქართველოს დამოუკიდებლობისთვის ბრძოლაში.

გიორგი მაზნიაშვილი, 1871 წელს კასპის რაიონში დაიბადა. მათი გვარი მესხეთიდან ყოფილა. მამა ივანე მაზნიაშვილი, შვილის სამხედრო კარიერაზე ოცნებობდა.  ეს პატარა გიორგის სურვილიც ყოფილა, ამიტომ  თბილისის იუნკერთა სასწავლებელში შეუყვანიათ, რომლის დამთავრების შემდეგ გიორგიმ მეფის არმიაში დაიწყო სამსახური. ქართველმა გენერალმა რუსეთ-იაპონიის ომში გამოიჩინა თავი, რის გამოც იმპერატორმა ნიკოლოზ მეორემ, წმინდა გიორგის ჯვრის ორდენით დააჯილდოვა. საკმაოდ მნიშვნელოვანია ქართველი გენერლის ღვაწლი მსოფლიო ომშიც, სადაც ის დაიჭრა.

გიორგი მაზნიაშვილმა, რუსეთიდან საქართველოში დაბრუნებისთანავე, მეორე ქართული დივიზია ჩამოაყალიბა. იმ დროისათვის დამოუკიდებელი საქართველოს ტერიტორიების მიტაცების ბევრი მსურველი იყო. დასავლეთიდან ოსმალები და გერმანელები გვიტევდნენ, ჩრდილოეთიდან  რუსი ბოლშევიკები და დენიკინელები, აღმოსვლეთიდან – მუსავატისტები, სამხრეთიდან დაშნაკები. გენერალი  ცდილობდა, ოთხივე მხრიდან დაეცვა სამშობლო.

როდესაც საქართველოში ბოლშევიკები შემოვიდნენ, გიორგი მაზნიაშვილი მე-11 არმიის წინააღმდეგ ბრძოლაში ჩაერთო. თავიდან საკმაოდ დიდ წარმატებისათვის მიუღწევია, რის გამოც მე-11 წითელი არმია იძულებული გახდა უკან დაეხია. დამოუკიდებელი საქართველოს მთავრობამ, რატომღაც უცნაური გადაწყვეტილება მიიღო და მისთვის უკან დახევა უბრძანებია. გენერალი ბრძოლის შეწყვეტის  წინააღმდეგი ყოფილა, თუმცა მთავრობის დაჟინებული თხოვნის შემდეგ  მაზნიაშვილი იძულებული გამხდარა  დამორჩილებოდა მთავრობის ნებას.

გენერალი შემდეგ ამ ამბავს ასე იხსენებდა: “იმ კრებაზე, სადაც ეს გადამწყვეტი დადგენილება მიიღეს, არამცთუ მიგვიწვიეს ჩვენ, ფრონტის უფროსები, რომელნიც ფრონტს თვალით დავყურებდით და კარგად ვიცოდით მოწინააღმდეგის და ჩვენი ძალები, არამედ არც შეგვეკითხნენ, ჩვენი აზრის მოსმენაც კი არ ინებეს”.

1921 წლის თებერვალში თბილისიდან მთავრობის გაყვანა გიორგი მაზნიაშვილს დაევალა, მან 17 მარტს, ბათუმამადე ჩააცილა მთავრობა, მაგრამ ემიგრაციაში არ გაჰყვა, გენერალმა სამშობლო ვერ მიატოვა, რადგან თურქეთმა ისარგებლა რა, საქართველოში არსებული მდგომარეობით, ქიაზიმ-ბეის ჯარის ნაწილებმა საქართველოს საზღვარი გადმოლახეს და ბათუმის ოლქი მთლიანად დაიკავეს. ქიზიმ-ბეიმ თავი ბათუმის ოლქის გენერალ-გუბერნატორად გამოაცხადა.

გენერალმა პოლიტიკურ ინტერესებზე მაღლა  კვლავ ქვეყნის ინტერესები დააყენა, მან არეულობისას აქეთ-იქით გაფანტული ქართველები გაერთიანა, მის არმიაში წითელგვარდიელები და თეთრგვარდიელები გვერდიგვერდ იბრძოდნენ. ცნობილია მისი სიტყვა, რომელიც სუფსის სადგურთან მდებარე ეკლესიის ეზოში წარმოთქვა: “მამებო, ძმებო, შვილებო! უჭირს სამშობლოს, გვართმევენ ბათუმს. ჩვენს ჯარსა და არმიას დახმარება სჭირდება. თოფ-იარაღი და ტყვია-წამალი ჯარისკაცებს არ გვყოფნის, პურსაც ვერ მოგცემთ... ისევ თქვენი მჭადითა და ცულით უნდა დავხვდეთ მტერს და ვძლიოთ... ქუდზე კაცი უნდა გამოხვიდეთ!”

სამი დღის განმავლობაში, მიმდინარეობდა ოსმალებთან ბრძოლები, 1921 წლის 20 მარტს ოსმალები დამარცხდნენ, ქართველებმა ბათუმი და მისი ოლქიც დაიბრუნეს. ამ ბრძოლის შემდეგ, ბოლშევიკებმა გიორგი მაზნიაშვილი დააპატიმრეს, საგანგებო კომისიამ, მაზნიაშვილს, კონტრევოლუციონერობის და ბანდიტიზმის ბრალდებით დახვრეტა მიუსაჯეს. საბოლოო განაჩენი, პატიმრობით შეუცვალეს, გაითვალისწინეს რა მისი ღვაწლი ოსმალეთთან ბრძოლაში. სამი წლის შემდეგ, მაზნიაშვილი გაათავისუფლეს და როგორც მენშევიკების გენერალს სამშობლოდან გაძევება მიუსაჯეს.

გიორგი მაზნიაშვილი პარიზში დამოუკიდებელი მთავრობის წევრებთან ჩავიდა. გენერალს უსაყვედურეს, რევოლუციურ კომიტეტს რატომ დაეხმარე და წითელგვარდილების გვერდით რატომ იბრძოდიო. 1924 წლის აჯანყების დამარცხების შემდეგ, გენერალ მაზნიაშვილზე ახალი ჭორები გაავრცელეს. ქაქუცა ჩოლოყაშვილის რაზმი იმიტომ დამარცხდა, რომ ბოლშევიკებს მაზნიაშვილმა გადასცა აჯანყების გეგმაო. გენერალი, ცილისმწამებელი საწინააღმდეგო განცხადების გამოქვეყნებას ითხოვდა ემიგრანტების გაზეთში. თუმცა, მისი განცხადება არ გამოაქვეყნეს.

სასოწარკვეთილი მაზნიაშვილი წერდა: “გიორგი მაზნიაშვილი უმალ მოკვდება, ვიდრე უღალატებს სამშობლოს...  დავკარგე სრული იმედი და რწმენა მენშევიკების პარტიის ლიდერებისა... გადავწყვიტე დავბრუნებულიყავი სამშობლოში, შევერთებოდი ჩემ ორ მილიონ მოძმეს და მათთან ერთად  გამეზიარებინა ბედნიერებაცა და უბედურებაც და აგრეთვე ხმამაღლა მეთქვა, ყველა ქართველის გასაგონად, რომ რამიშვილისა და მისი დამქაშების ავანტურაში და დონკიხოტობაში მე არავითარი წილი არ მიდევს”.

საქართველოში დაბრუნებული გენერალი, საკუთაღ სოფელში ცხოვრობდა. როგორც თანამედროვენი იხსენებენ, ძალიან უჭირდა. 30-იან წლებში, როცა უდანაშაულო ადამიანებს იჭერდნენ და ხვრეტდნენ, უკვე ღრმად მოხუცებულ გენერალს ახლობლები და მეგობრები მალავდნენ. 

გენერლის შვილიშვილის, მიხეილის გადმოცემით, ერთხელ მათთან ოჯახში ყოფილა მისული, თუმცა ოჯახის წევრები იმდენად შეშენებულები იყვნენ, რომ პატარა მიხეილისათვის არ გაუმხელიათ, რომ სტუმარი მისი პაპა იყო. ამ დღის შემდეგ, მალევე დააპატიმრეს გიორგი მაზნიაშვილი.

ყოველგვარი გასამართლების გარეშე  დახვრიტეს.. ასე დაამთავრა სიცოცხლე დიდმა პიროვნებამ, რომელიც  მუდამ საქართველოსთვის იბრძოდა და იღწვოდა, კომუნისტური მთავრობა მას სიკვდილის შემდეგაც ებრძოდა და მასზე არსებულ რეალურ ინფორმაციას მალავდა. გენერალ გიორგი მაზნიაშვილის საფლავის ადგილსამყოფელი, დღემდე უცნობია.

ბეჭდვა  
კომენტარები:
დავით2011-02-25 14:14:11
გენერალი მაზნიაშვილი იმ დიდი ქართველი მეომრების უკანასკნელი მოჰიკანი იყო, ვინც მედგრად იდგა სამშობლოს სადარაჯოზე,რომ არა უვიცი,კლასობრივი დაპირისპირებით დაბრმავეული ადამიანების ხელისუფლებაში ყოფნა საქართველო ასე იოლად ვერ გახდებოდა წითელი ჭირის ლუკმა,ნათელში ამყოფოს მისი სული ღმერთმა.

2011-02-25 14:16:44
ეს პიროვნება უდიდესია. იგი არის მაგალითი იმისა რომ ყველანაირი რეჟიმის პირობებში უმთავრესია სამშობლოს ინტერესები და სხვა არავინ და არაფერი. მასთან შედარებით არავინაა ჯორდანია, კვინიტაძე, და თუნდაც ჩოლოყაშვილი.
კაი კაცი

კახა2011-02-25 14:19:44
ესაა მაგალითი იმის რომ ბრძოლა შესაძლებელია ნებისმიერ მტერთან, ეს იმ სულმოკლეთა გასაგონად ვისაც აკანკალებს რუსეთის უძლეველობის შიშიყველას უნდა ახსოვდეს რომ საკუთარ მიწაზე ერთიანობა და სიმამაცეა უპირველესი იარაღი, მომხდურს ყოველთვის აქვს შიშის განცდა და თუ გავითვალისწინებთ ძველ გაკვეთილებს გავიმარჯვებთ ყოველთვის.

2011-02-25 14:31:36
რატომ არავინ არის ჩოლოყაშვილი ვერ გავიგე? ასე თქმა არ შეიძლება. ორივე დიდი გმირი იყო.

მენაბდე2011-02-25 14:32:12
ეხ, ნეტავ ერთი ესეთი გენერალი მანც გვყავდეს ეხლა, ნეტავ გვყოლოდა აფხაზეთის და "ოსეთის" ომის დროს. აცხოვნოს უფალმა

ვახო2011-02-25 14:32:51
ასეთი ადამიანები გვაკლია დღეს

სამურაი2011-02-25 14:34:11
და ამ დროს, თბილისში, სანაპიროს არქმევენ ჟორდანიას სახელს!!! მაზნიაშვილის სახელზე ერტი პატარა ქუXაა, რომლის არსებობაც ნახევარმა თბილისმაც არ იცის, ისევე როგორც მისი ვიანობა.

2011-02-25 14:39:06
დამოუკიდებელი საქართველოს მთავრობამ, რატომღაც უცნაური გადაწყვეტილება მიიღო და მისთვის უკან დახევა უბრძანებია. გენერალი ბრძოლის შეწყვეტის წინააღმდეგი ყოფილა, თუმცა მთავრობის დაჟინებული თხოვნის შემდეგ მაზნიაშვილი იძულებული გამხდარა დამორჩილებოდა მთავრობის ნებას.

ამის გამო ჟორდანია საფლავიდან არის ამოსაღები

სამურაი2011-02-25 14:47:48
ჟორდანიასათვის წითლები ნაკლები ბოროტება იყო, ვიდრე ეროვნული დამოუკიდებლობა. მისთვის დამოუკიდებლობა იძულებითი იყო.

2011-02-25 14:55:00
ასეა ქართველმა ხალხმა არ ვიცით დაფასება გმირის. მენშევიკებმაც გაყიდეს და ბოლშევიკებმაც. ახლაც ასე არ არის? ქქართველები გაუტანელი ხალხი ვართ. ერთმანეთის გვშურს! მეორეს მხრივ თუ მიეცა საშუალება მიითვისებს ყველაფერს, სახLსი წაიღებს, საზოგადო საქმე ფეხებზე კიდია. ერთი სიტყვით რასაც ვიმსახურებთ, ის გვაქვს რა!

სოსო2011-02-25 14:55:38
დიდებულია ერი რომელსაც ასეთი შვილების გაჩენა ძალუძს, ვაი, იმ ხალხს და თაობას რომლებსაც ასეთი შვილების დაფასება არ შეუძლია.

ქართველები2011-02-25 14:55:58
საქართველო გაბრწყინდება

2011-02-25 14:56:59
ზესთაფონში არის მაზნიაშვილის ქუჩა! თბილისში ბუშის, ალიევის, კაჩინსკი და .... ვიღაცების ქუჩებია სამაგიეროდ!

ბაკურ სვანიძე2011-02-25 14:58:26
ვინც ასე აღტყინებით წერს - რუსეთთან კონტექსტში მაზნიაშვილის ვაჟკაცობაზე ლაპარაკობს, ცოტა დაკვირვებით წაიკითხოს ეს ყველაფერი. მაზნიაშვილი გმირის და ვაჟკაცის გარდა ჭკვიანიც იყო! დღეს ჩვენ სწორედ ჭკუა გვაკლია! ვაჟკაცობა ჭკუის გარეშე ფუჭად გაფლანგულია ძალაა მეტი არაფერი!

2011-02-25 15:02:04
ჩოლოყაშვილი იმიტომ იყო არავინ მაზნიაშვილთან შედარებით რომ იგი არასწორ დროს აჯანყდა. განწირული აჯანყება მოაწყო რის გამოც დავკარგეთ ჯიქეთი, ლორე, დვალეთი, ჰერეთი. მაგ დროს (1924წ)უკვე აზრი არ ქონდა უკვე აჯანყებებს. საჭირო იყო ვაზელინობანას თამაში რუსებთან, რასაც გ. ორბელიანი, ა.ჭავჭავადზედა სხვები აკეთებდნენ.
კაი კაცი

სანდრო2011-02-25 15:07:10
ჟორდანიას ბევრი შეცდომაა დაშვებული,მისი საქციელით და გადაწყვეტილებით, ისეთი შთაბეჭდილება მრჩება რომ,შეგნებულად აკეთებდა ყველაფერს რათა წითლები შემოსულიყვნენ. შეიძლება ვცდები, არ ვიცი,მაგრამ ანალოგიური გააკეთა მან, როცა აჭარიდან დაბრუნებული გამარჯვებული კვინიკაძის არმია,რომელიც შედგებოდა გამოცდილი ოფიცრებისგან, დაშალა და შექმნა გვარდია,სრულიად გამოუცდელი უბრალო ხალხისგან.მათწააგეს ომი წითლებთან,უბრალოდ გარბოდნენ. განა ეს ფაქტიც არ ნიშნავს მის კაბალურ გადაწყვეტილებას ქვეყნისთვის?

გალელი2011-02-25 15:09:20
ერთ-ერთი თუ არა საუკეთესო გენერალი საქართველოს ისტორიაში,პირველი რესპუბლიკის დროსაც არ იყო ერთიანი ქართველი ერი,თორემ ბევრად გაუძნელდებოდათ ოკუპაცია ბოლშევიკებს,მაგრამ დიდხანს მაინც ვერ შეინარჩუნებდა დამოუკიდებლობას მაშინ საქართველო,მთელი კავკასია დაიპყრეს მაშინ ბოლშევიკებმა და საქართველოს დამოუკიდებლობას არ დაუშვებდნენ წითლები

ბაკურ სვანიძე2011-02-25 15:14:00
უკაცრავად უსახელოვ, მაგრამ მაგას ვ.ა.ზ.ე.ლ.ი.ნ.ობანა კი არა ჭკუა ჰქვია! "ვ.ა.ზ.ე.ლ.ი.ნობანა" ის არის, როცა პირადი გამორჩენისთვის თამაშობ! როცა ეს ქვეყანას სჭირდება, მაშინ მაგას ჭკუა ჰქვია! ეგრე, ყველაზე დიდი ვ.ა.ზ.ე.ლ.ი.ნ.იანი გიორგი ბრწყინვალე გამოდის მაშინ!!!
და კიდევ - ვიღაცეები, მუშტებს რომ იბრახუნებენ გულზე და როცა რუსეთი უკვე გადაწყვეტილია რომ თბილისში აღარ შემოდის და მაშინ რომ გამორბიან პარლამენტში და "მე ვხედავ სიზმრებს არათქვენებურსო" - რომ გაჰყვირიან და ამას "ვაჟკაცობად" ასაღებენ,იცი რა? როცა საქმე პირადად შენს საფრთხეს ეხება, როგორი სიზმრებიც გინდა ისეთი ნახე! მაგრამ როცა საქმე ქვეყნის უსაფრთხოებას ეხება, შენს ფსიქოპათიას და "ვაჟკაცობანას" თამაშს არ უნდა გადააყოლო ქვეყანა! არ გაქვს ამის უფლება!

დომენტი2011-02-25 15:15:46
მაზნიაშვილისთანა ქართველები ახლაც იქნებიან მაგრამ შევჭამთ რომ გამოჩეს

ბაკურ სვანიძე2011-02-25 15:17:26
დომენტი - უკვე შევჭამეთ რამდენიმე!:)

2011-02-25 15:31:17
ამ დიდი ქართველის ძეგლი რატომ არ დგას ბათუმში (და საქართველოს სხვა ქალაქებში)?

ბაკურ სვანიძე2011-02-25 15:33:48
"რამიშვილისა და მისი დამქაშების ავანტურაში და დონკიხოტობაში მე არავითარი წილი არ მიდევს”.



აქ სიტყვა "დონკიხოტობა" შემთხვევითი გგონიათ???

გენერალ მაზნიაშვილს პირველ რიგში შეჭამდა დღევანდელი ხელისუფლება!!! თუმცა ასეთ ადამიანებს ყველა ხელისუფლება "ჭამს"!

გიორგი2011-02-25 15:41:09
როგორც ვიცი ნაძალადევის რაიონშია მაზნიაშვილის ქუჩა და კარგი იქნება თუ ძეგლიც დაიდგმება ამ დიდი პიროვნების.....

2011-02-25 15:57:56
"ამ დიდი ქართველის ძეგლი რატომ არ დგას ბათუმში (და საქართველოს სხვა ქალაქებში)?"
ბათუმში ვინ დადგამს მაზნიასვილის ძეგლს,იქ სიყვარულის ქანდაკებები იდგმება და მეჩეთიც აშენდება ჩვენი "დიდი მეგობრის"-თურქეთის მოთხოვნით, მაზნიაშვილისთვის სადღაა ადგილი.

ოპოზიციას!!!!!!!!!2011-02-25 16:06:32
ოპოზიციას მოვუწოდებ! ელექტრონული პირადობების დაბეჭვდაზე გამოცხადებულ თენდერში რომ გაამარჯვებინეს უგანდაში კორუფციულ სკანდალში გახვეულ ფირმას, იმ თენდერის გადახედვა მოითხოვეთ!!!!!!!!!!

2011-02-25 16:07:51
კვინიტაძეც არაა ცუდად სახსენებელი, ისიც გააგდო ჟორდანიამ ჯარიდან. მეფის ჯარსი მსახურობდაო, ქართული არ იცისო. წავიდა ეს გენარალი და სოფელში ცხოვრობდა და სწავლობდა ქართულს. მერე როცა სომხები თბილისს მოუახლოვდენ და ალბათ აიღებდნენ კიდეც (ვალიკო ჯუღელი დაიცავდა თბილისს? მაშინდელი კეზერაშვილი)დაუძახეს ამ გენერალს და მან განდევნა სომხები და ერევნის აღების გეგმაც ჰქონდა, მაგრამ ჟორდანიამ მალულად ინგლისის ზეწოლით დადო ზავი და ჩაუშალეს გეგმა კვინიტაძეს, ლორე-ტაშირი გამოაცხადებინეს ნეიტრალურ ზონად და მას ინგლისელები აკონტროლებდნენ, მერე ინგლისელები აიბარგნენ საერთოდ და ლორე-ტაშირიც დაიკარგა, მათი წყალობით. ასე რომ კვინიტაძე არაა გასალანძღი კაცი

Monatrebuli2011-02-25 16:12:56
გენერალი მაზნიაშვილის ძეგლი აუცილებლად უნდა დაიდგას ბათუმში მნიშვნელოვან და გამოსაჩენ ადგილას! საშური და სასწრაფო საქმეა!!!

2011-02-25 16:16:51
"ცუდას რად უნდა მტერობა, კარგია მუდამ მტრიანი"

ძირს ყველა დროის მოღალატე-გამყიდველები, ისინი პირსისხლიან მტერზე უარესნი არიან!

ბაკურ სვანიძე2011-02-25 16:20:39
გიორგის - გენერალ გიორგი მაზნიაშვილის ქუჩა მდებარეობს არა ნაძალადევის, არამედ ჩუღურეთის რაიონში. ის ჩამოდის საბჭოს მოედნის მიმდებარე ტერიტორიიდან და უერთდება, თუ არ ვცდები, კიევის ქუჩას, რომელიც გადის უშუალოდ აღმაშენებლის გამზირზე. ზოგადად, გიორგი მაზნიაშვილის ძეგლის დადგმა სწორედ საბჭოს მოედანზეც შეიძლება (ახლა არ ვიცი რა ჰქვია ამ მოედანს) და წინააღმდეგი არ ვიქნები თU ეს მაზნიაშვილის მოედანი იქნება საერთოდ:)

მავნე2011-02-25 16:22:50
თბილიში არა ბათუმში უნდა დაიდგას მაგის ძეგლი

2011-02-25 16:29:21
როგორ მივაღწიოთ გენერალ მაზნიაშვილის ძეგლის დადგმის საკითხის გააქტიურებას ქართულ საზოგადოებაში? (თუ გაქვთ იდეები, დაწერეთ).

2011-02-25 16:42:59
იქნებ სოციალური ქსელების დახმარებით მოვახდინოთ გენერალ მაზნიაშვილის ძეგლის დადგმის საკითხის გააქტიურება.

გორისციხელი2011-02-25 16:49:29
საქართველოში ამ ბოლო დროს ბევრი უგემოვნო და "ძვირადღირებული" ძეგლი დაიდგა, მაგრამ გამოჩენილი მხედართმთვარი რატომღაც ყველას ავიწყდება.
ბათუმის აღების შემდეგ: Серго (გრიგორი) Орджоникидзе заявил: «как меньшевистский генерал ты объявлен вне закона и любой может тебя расстрелять, поэтому переходи на сторону большевиков». Мазниашвили ответил: «я не меньшевистский и не большевистский генерал. Я грузинский генерал».
ვფიქრობ, ყველაფერი ნათლად და გარკვევითაა ნათქვამი

ჩონჩოლ მუსა2011-02-25 17:23:42
კარგით რა...მაშინ საქართველოს ვერც ჟორდანია ვერ უშველიდა, ვერც გიორგი მაზნიაშვილი და ვერც წმინდა გიორგი...ჩვენ განწირულები ვიყავით...კი, ეჭვიც არ მეპარება, რომ თბილისთან რუსები ღირსეულ წინააღმდეგობას წააწყდებოდნენ, მაგრამ კვინიტაძე არ ცდებოდა, დროზე თუ არ გავიდოდნენ, მტერი მთელ მთავრობას დედაქალაქში გამოამწყვდევდა და ყველას დახვრეტდნენ...ქართველებმა შეცდომა მაშინ დაუშვეს, როცა აზერბაიჯანის გაწითლებას არ შეუშალეს ხელი...აზერბაიჯანის გარეშე საქართველომაც დაჰკარგა ფასი ევროპის თვალში...წარსულის მაგალითებიდან ჩვენც უნდა ვისწავლოთ რაღაც და რეგიონალურ პოლიტიკაში უფრო აქტიურად უნდა ჩავერთოთ....დავით აღმაშენებელი სულელი კი არ იყო საქართველოს სახელმწიფო საზღვრები ქართული ეთნიკური საზღვრებიდან შორს, სამხრეთით რომ გადასწია...

2011-02-25 17:24:05
მაზნიაშვილი გენიალური სამხედრო მოღვაწეა, კასპიდან. სააკაძე გენიალური სამხედრო მოღვაწეა, კასპიდან. ივანე ჯავახიშვილი გენიალური ქართველია კასპიდან. საერთოდ კასპელები გენიალური ხალხია, როგორც ყველა ქართველი. გაგიმარჯოს ქართველო

ბულდოზერისტი2011-02-25 17:41:30
კასპელო, აი სააკაძეზე რა გითხრა...

ზუხუშა2011-02-25 17:42:31
რას ამბობთ? განსჯის უნარი დაჰკარგეთ? ბათუმში რომ მაზნიაშვილის ძეგლი დავდგათ, თურქებს არ ეწყინებათ? ძლივს შემოვიტყუეთ ისინი ბათუმში და ახლა რაღაც რამოდენიმე ათასი თურქს ძლივს ვითვლით ბათუმის პრესტჟულ უბნებში მცხოვრებთ. ადრე რატომ გარეკა მაგ კაცმა, ვინ ეკითხებოდა?

ლალი2011-02-25 18:01:54
ტურკიტს კარგია რუსიტა და ამერიკელიტს სამოკვროდ და სასიკეტოდ მოსული,სამტროდ მოსულ ოსმალებს დაერია მაზნიასჰვილი,დგევანდელი ტურკებივიტ ინვესტიტსიები კი არ მოკონდატ დგევანდელი რუსებივიტ ტერიტორიებს იტატსებდნენ.როტსა დეოკუპატსიას დაიტსკებენ და ინვესტიტსიებიტ სჰემოვლენ.რუსებსატს სიამოვნებიტ მივეგებებიტ...სამტროდ მოსულს არა

სვანი2011-02-25 18:43:21
მაზნიაშვილი იყო და არის ერთ-ერთი უდიდესი სამხედრო და საზოგადო მოგვაწე. ის თამამად შეგვიძლია მოვიხსენიოთ ვახტანგ გორგასალის, გიორგი ბრწყინვალეს, გიორგი XI, გიორგი ანდრონიკაშვილის გვერდით. მისი ძეგლი მარტო ბათუმში კი არა, ყველგან უნდა დაიდგას, რათა მომავალმა თაობამ, ახალგაზრდებმა იცოდნენ როგორი უნდა იყოს ნამდვილი მამულუშვილი და კარგი ქართველი

სვანი2011-02-25 18:44:30
დიდი ბოდიში ხალხნო, დავით აღმაშენებელი როგორ გამომრჩა, ყველაზე დიდი ქართველი

ბაკურ სვანიძე2011-02-25 18:59:24
ლალი - მოდი ასე ვქნათ მაშინ, დავუტოვოთ რუსებს ის ტერიტორიები, რაც ახლა აქვთ მიტაცებული და ასი წლის მერე უკვე სამოყვროდ მოსულ რუსებს აღარ გავიხსენოთ ის ტერიტორიები და მოვატანინოთ ინვესტიციები ა? არა?
ან მაშინ მე დამეთანხმე, რომ მაგ თურქმა მამაძაღლებმა ტაო, ბანა და შატბერდი "მოგვიტანონ", როგორც წაიღეს და ის თავისი "მოტანილი" ინვესტიციები გაიკეთონ ერთ ადგილზე, კაი???

ბაკურ სვანიძე2011-02-25 19:01:51
"როტსა დეოკუპატსიას დაიტსკებენ და ინვესტიტსიებიტ სჰემოვლენ.რუსებსატს სიამოვნებიტ მივეგებებიტ...სამტროდ მოსულს არა"

ლალის - და დეოკუპაცია რატო უნდა დაიწყონ? თურქებმა გააკეთეს ტაოს, ბანას, შატბერდის და ამ ტერიტორიების დეოკუპაცია? თუ ის რადგან 100 წლის წინ წაიღეს ამიტომ არ არის ოკუპირებული???

კაი, მაშინ გავიდეს 100 წელიწადი და არარც რუსებს ექნებათ აფხაზეთი ოკუპირებული ხო???

და მერე რომ შემოვლენ უკვე ინვესტიციებით ზუგდიდში, სოხუმი აღარც კი ვუხსენოთ...

ლოგიკა გაქვს - ქვას ხეთქს:))

ბაკურ სვანიძე2011-02-25 19:06:33
თურქები იმიტომ შემოდიან ინვესტიციებით, რომ ჩვენ ფაქტობრივად დავყაბულდით უზარმაზარი ქართUლი ტერიტორიების თურქეთის ტერიტორიებად აღიარებას!
აბა, მიდი ახლა შენ თუქრეთი გამოაცხადე ოკუპანტად და ნახავ რაის ინვესტიციებს შემოგიტანენ!

ან მეორე ვარიანტი - მიდი დაყაბულდი, რუსებს უთხარი - კაი, ჯანდაბას, აფხაზეთი სენი იყოს თქო და შემოვლენ ისინიც ინვესტიციებით მერე, არ გინდა???


ერთი შედარე, თუნდაც რუკაზე თვალზომით, რამხელა ტერიტორიები აქვს წაღებული თურქეთს საქართველოსი და რამხელა რუსეთს...

ორივე ოკუპანტია და თუ ერთს ებრძვი მეორეს უ.კ.ა.ნა.ლ.შ.ი არ უნდა უძვრებოდე!

მაგრამ სიმართლე ისაა, რომ თურქეთთან ზედმეტად "შემეტენე" დამოკიდებულება საქართველოს, ამერიკის დაკვეთა, მოთხოვნა, ბრძანებაა!!!

მუმუ2011-02-25 19:31:56
ვალიკო გოგუაძე, ასევე დიდი ქართველი გენერალი.

პიპი2011-02-25 19:39:09
ვაი ავადმყოფო ზუხუშა!გამო..ევდი თავიდან ბოლომდე?!ამით ხომ ვაი თურქების
ვაი საქმეს აკეთებს?!

ჩონჩოლ მუსა2011-02-25 19:40:40
არ ღირს საკითხის ასე დრამატიზირება...საქართველო დროებით შემგუებლობით უფრო მეტს მოიგებს თურქეთთან ,ვიდრე ჯიქური მიწოლით...არ დაგვავიწყდეს, რომ ტაო-კლარჯეთს ოფიციალურად ყველა თურქეთის ტერიტორიად აღიქვამს....ჩვენ რომ სომხებივით ვიჭყიპინოთ,იმასაც დავკარგავთ რაც გვაქვს...საქართველოს შემადგენლობაში ყოფნა არა თუ თურქებს,იქაურ ქართველებსაც კი არ უნდათ...ასე რომ ამ საკითხის დაყენება ჯერ ძალიან ადრეა და დიდი უგუნურებაც იქნებოდა...მითუმეტეს როდესაც აგერ რუსი მოგვდგომია....ყველას ხომ ვერ გადავიმტერებთ ირგვლივ?რა დროს ტაო/კლარჯეთია, როცა მტერი იმას გვედავება, რაც ოფიციალურად ჩვენ გვეკუთვნის?

მთული2011-02-25 19:43:31
გიორგი მაზნიაშვილი - საქართველოს საუკეთესო გენერალი,ნამდვილი მამულიშვილი და უჭკვიანესი პიროვნება.
ამ უდიდესმა კაცმა,რაც გააკეთა იმ ქაოსურ და საზიზღარ პერიოდში,საქართველოს მიწა-წლისათვის,ასეთ რამეს ბევრი სარდალი ვერ გააკეთებდა,ასე რომ შეიძლება ითქვას,ყველა დროის საუკეთესო გენერალია გენერალი გიორგი მაზნიაშვილი.
უფალმა ნათელში ამყოფოს და დაუმკვიდროს ცათა სასუფეველი.

"კიდევაც დაიზრდებიან,
ალგეთს ლეკვები მგლისანი,
ისე არ ამოსწყდებიან,
ჯარვი არ სჭამონ მტრისანი".

ბაკურ სვანიძე2011-02-25 19:56:57
ჩონჩოლ მუსას - მე კონკრეტულ უაზრო აზრზე კონკრეტული პასუხი გავეცი. თორემ შენ რასაც ამბობ, ეგ ეგრეა, რა თქმა უნდა.

2011-02-25 20:02:21
ზოგადად კი, "ჯიქური მიწოლით" რუსეთთანაც ბევრი დავკარგეთ. ჯიქურ მიწოლას ერთI ადგილი სჭირდება და როცა ეს ადგილი არ გაქვს, მაშინ ზოგჯერ მელასავითაც უნდა შემოუარო. თუ ეს არ შეგიძლია დაჯექი სახლში და ნუ გაქვს პტერენზია, რომ "სახელმწიფო მოღვაწე" ხარ.
გულზე მჯიღების უაზრო ბრახუნი ყველას შეუძლია!!!

ჩონჩოლ მუსა2011-02-25 20:20:01
ერთადერთი შანსი ტაო-კლარჯეთის დასაბრუნებლად საქართველოს გაუჩნდება იმ შემთხვევაში, თუკი თურქეთი აგრესიულ ისლამისტურ ქვეყნად იქცევა და სხვა მსგავს სახელმწიფოებთან ერთად ომს წამოიწყებს....ლოგიკური ჩაწიხლვის შემდეგ თურქეთს ტერიტორიების ჩამოჭრის გზით დასჯიან და ამ კონტეკსტშიც ეგებ ჩვენც გამოვრჩეთ რამეს:))ასე რომ ილოცეთ რომ თურქეთი ფუნდამენტალურ ისლამისტურ სახელმწიფოდ იქცეს:)))))ოღონდ ახლა არა,ჯერ რუსეთმა უნდა დაგვანებოს თავი:)

ჯუბა2011-02-25 20:23:38
ამის მერე დაუდგან ძეგლი მოღალატე ნოე ჟორდანიას.

კახი2011-02-25 21:45:18
მე მეამაყება, რომ ჩემი ერთ-ერთი პაპა. მაზნიაშვილის თანამებრძოლი იყო და სომხებთან ბრძოლაში დაიჭრა კიდეც. ხსოვნა იყოს ჭეშმარიტი გმირების.

გიორგი2011-02-25 21:48:14
იმ ინფორმაციის მიხედვით, რაც მე ვიცი გიორგი მაზნიაშვილზე, თამამად ვიტყვი:
შენ გენაცვალე გიორგი მაზნიაშვილო!!!

2011-02-25 22:10:41
ინვალიდი ყარყარაშვილი უფრო გააკეთებდა სამხედრო საქმეს რუსებთან თუ გოგავა,ასე რომ დგესაც არ ვიცით ვის რა უნდა ვანდოთ,ან ჩოყლაყი ჩალიჩობს ზაკაზად

ლევან2011-02-26 03:20:22
მართლები ხართ სამურაი, სანდრო, გალელი...

ტყუილით და ნახევარსიმართლით ქვეყანას ვერ ავაშენებთ. თუ ოცი და ათი წლის წინანდელ ამბებზე ვერ ვლაპარაკობთ ღიად - ვიღაცას არ ეწყინოსო, ჟორდანიაზე მაინც ვთქვათ სიმართლე. არ იყო ეს კაცი საქართველოს პატრიოტი, რუსებს მისტიროდა ყოველთვის...
საჭიროა ფართო საზოგადოებისთვის ცნობილი გახდეს ჟორდანიას (და არა მარტო მისი!)მოღვაწეობის ჭეშმარიტი ისტორია.

საქართველოს ისტორია სავსეა გმირებით და ჭეშმარიტი მამულიშვილებით. ცრუ კერპები არავის სჭირდება.

გიო332011-02-26 04:44:06
საქართველოში სანამ მონარქია არ აღსდგება, მშვიდობა ვერ დაისადგურებს.

2011-02-26 10:45:36
რასაც აქ იხსენებენ, რაც კიდევ ისეა ცნობილი ისტორიიდან ჯორდანიასა და მისი მთავრობის შესახებ , საკმარისი არაა იმისთვის, რომ გამოჩნდეს მათი ნამდვილი სახე. საკვირველია რომ დღესდღეობით რამის ღმერტებად აქციონ ისინი, ხოლო ვინც ნაღდათ იბრძოლა ბოლომდე იარაღიტ ხელში საქარტველოსთვის და საქარტველოსი დაიღუპნენ არაკაცების ხელით, მათ შესახებ არავინ არ ლაპარაკობს.აბა, თუ ვინმემ ახსენა გუშინ ან მაზნიაშვილი, ან კვენეტაძე. ჯორდანია და სხვები კი იყვნენ განცხრომით პარიზში. რატომ არავინ კითხულობს დღესდღეობით, რატომ უბრძანა ჯორდანიამ გადამწყვეტ მომენტში მაზნიაშვილს უკან დახევა. შეიძლება დღეს ასეთ დღეში არ ვყოფილიყავით

თემური2011-02-26 11:14:32
ჟორდანიას ყოფნა დამოუკიდებელი საქართველოს მეთაურად იყო ისტორიის პარადოქსი.
სომხებტან ომში სარდალი იყო მაზნიაშვილი და არა კვინიტაძე.კარგი იქნება მაზნიაშვილის მამუარების გამოცემა.

2011-02-26 11:24:52
წაიკითხდეთ გაბაშვილის (ოღონდ არა მამა-შვილისი) მოგონებების წიგნი, იქ არის თავი "რა მოასწრეს და რა ვერ მოასწრეს" მენშევიკებმა. ისტორია მეორდება ხოლმე,

гиорги2011-02-26 11:56:59
ქართველებს არასოდეს არ უნდა დაგვავიწყდეს, გმირი გენერლის გიორგი მაზნიაშვილის სახელი. ჩვენს შვილებს პატარაობიდანვე უნდა ვასწავლოთ თუ რაოდენ კარგი გმირები ჰყავდა საქართველოს.

2011-02-26 12:14:15
საქართველო გაბრწყინდება მალე

ფორცა იუვე2011-02-27 00:44:40
სიმართლე იქნება თუ ვიტყვით, რომ მაზნიაშვილიც და კვინიტაძეც ორი დიდი ქართველი გენერალი იყო. ორივეს დიდი დამსახურება აქვს ქართველი ერის წინაშე.ძნელი სათქმელი ვის მეტი. მე არანაირად არ ვარ ნოე ჟორდანიას აპოლოგეტი, ღმერთმა დამიფაროს, მაგრამ მასაც და განსაკუთრებით ნოე რამიშვილსაც უნდა დავუფასოთ ის რაც მათ საქართველოსთვის გააკეთეს, თუნდაც გაიხსენეთ ნოე რამიშვილის ავანტიურისტული მოქმედება ქართული უნივერსიტეტის დაარსებისას. ამ გადასახედიდან ადვილი განსასჯელია ბევრი რამ. ჩემთვის მიუღებელია სოციალ დემოკრატთა ეროვნული პოზიცია, თუმცა შევხედოთ სიმართლეს თვალებში და სწორედ ეს პარტია იყო ყველაზე პოპულარული იმ დროინდელ საქართველოში. მათმა გვარდიამ განაიარაღა თურქეთი ფრონტიდან გამოქცეული რუსის ჯარი, მათ აიღეს არსენალი, თუნდაც პირველი საზღვაო დესანტი ფოთიდან ოჩამჩირეში. ჩემთვის გაცილებით მისაღებია ეროვნულ დემოკრატიული (იმ პერიოდისას ვგულისხმობ და არა 90 წლებისას, მათ შორის ისეთივე მსგავსებაა როგორც მილანის მილანს და წნორის მილანს შორის) პარტიის იდეოლოგია, მაგრამ ამ პარტიას იმ პერიოდში არანაირი რეალური ძალა არ გააჩნდა. ერთი ეგზარხოსი გამოაგდეს რეზიდენციიდან. რაც შეეხება რეზო გაბაშვილის მემუარებს, ამ კაცის პატიოსნების მიმართ პატივისცემის მიუხედავად არ დარჩენილა იმ პერიოდში ქართველი მოღვაწე მაგას რომ არ გაელანძღოს. როგორც მენშევიკები, ასევე სპირიდონ კედია, გიორგი გვაზავა, შალვა მაღლაკელიძე და რაც მთავარია თაღლითად ჰყავს გამოყვანილი დიდი ექვთიმე თაყაიშვილი. წაიკითხეთ მისი მემუარები, ვისაც არ სჯერავს გვერდსაც მივუთითებ. და კიდევ ერთი ჟორდანიას ჰქონდა იმის ნება, რომ ქვეყნისთვის მძიმე დროს ჯარების სარდლად დაენიშნა არა თავის ფავორიტი, არამედ ის სამხედრო მოღვაწე (კვინიკაძე, თუ მაზნიაშვილი), ვინც მის მიმართ ნაკლებ ლოიალური იყო, მაგრამ გაცილებით სასარგებლო კონკრეტული მომენტისთვის. როგორ ფიქრობთ დღევანდელი ხელისუფალი წავა მასეთ ნაბიჯზე?. და კიდევ ერთი იმ წლებში საქართველომ ასე თუ ისე შეაჩერა თურქების აგრესია, კუდით ქვა ასროლინა სომხებს, დენიკინს, სეპარატისტულ გამოხტომებს სათანადო პასუხი გასცა ყველგან.რაც შეეხაბა იმ ფაქტს, რომ ერმა არ გამოამჟღავნა სათანადო დარაზმულობა, ამაში ბრალი ალბათ იმასაც მი

ექსპერტი2011-02-27 18:44:05
მაზნიაშვილი დიდი ქართველი გენერალი იყო ეს არის იმართლე და არა ბოლშევიკების ერთ EრტI ფრთის მიერ გამოცხადებული დამოუკიდებლობა.

2011-02-28 00:19:29
მაზნიაჰვილის ნაირები 2008 ცელს ვყოლოდა და არა.........................

ფორცა იუვე2011-02-28 15:43:42
ექსპერტს: ბოლშევიკების კი არა სოციალ დემოკრატების, შეიძლება დიდი განსხვავება არ იყოს (ცნობილი ანეგდოტია ნაკელს რომ ურემმა გადაუარა). არავის შეუტანია მაზნიაშვილის დიდ გენერლობაში ეჭვი. უბრალოდ სიმართლეა, რომ იმ პერიოდში ეს იყო ყველაზე ავტორიტეტული ძალა იმ დროინდელ საქართველოში. ამის ერთ ერთი მიზეზი ალბათ ისიც არის რომ საქართველოში ნაციონალიზმი რატომღაც გოიმობად ითვლებოდამაშინაც და დღესაც. ილია რომ მოკვდა პეტერბურგის სტუდენტთა სათვისტომოს 55 პროცენტმა უარი განაცხადა ელემენტარულ სამძიმარზე, ვინაიდან ილია იყო ნაციონალისტი და ჩამორჩენილი. ასევე იყო 90 წლებში, ჩვენი ინტელიგენციის ნაწილი "თავისი შეგნებით მაღლა იდგა ვიწრო ნაციონალიზმზე". აბა რა უბედურებაა სომხეთში, აზერბაიჯანში და უკრაინაში ყველგან ნაციონალისტებმა გამოაცხადეს დამოუკიდებლობა, საქართველოს გარდა.

გიორგი2011-08-26 13:41:44
ეს ზუხუსჰა მემგონი კრეტინია, თურქებს არ ეტსკინებატო რას ბოდავს ეტსკინებატ და ეტსკინოტ , ვიგაცას რაგაც ეტსკინება გმირებზე უარი ვისდ უტქვამს , ზუხუშა დიდი სიამოვნებიტ დაგამტვრევსი ძვლებში..

მიშა2011-12-10 00:54:36
ვენაცვალე ასეთ ქართველებს. კი დახვრიტეს ის უღმერთო კომუნისტებმა მაგრამ მისი სახელი ყოვეთვის იცოცხლებს. ღმერთმა უმრავლოს საქარტველოს ასეთი ქართველები. დღეს როგორც არასდროს ისე გვჭირდება ახალი მაზნიაშვილები და კვინიტაძეები თორემ წალეკა საქართველო თანამედროვე სერგო ორჯონიკიძეებმა და იოსებ ჯუღაშვილებმა ანუ მოღალატეებმა!

ბათუმელი2011-12-12 01:11:34
გიორგი ჩხაიძეს: ეს ფოტო გაქვს დიდი რეზოლუციით?

ტაოკლარჯეთი19212011-12-31 00:41:46
გიორგი მაზნიაშვილი საქართველოს ისტორიაში, არის შესული დაუმარცხებელი გენერლის სახელით, ეს ბევრ რამეზე მეტყველებს, აჭარაც რო დღეს ჩვენია ამ კაცის დამსახურება, სხვა მიწების შენარჩუნება ვეხარ შეძლო ჟორდანიას უტვინობის გამო, რიეზემდ იყო კაცი ჩასული ტაოკლარჯეთში და უკან დახია, ლორე აიხო უკან დახია, წითლებს ბაქომდე ზდია უკან დახია, ვინ კვინიკაძე და ვინ ჩოლოყაშვილი, მაზნიაშვილმა რო ბრძოლები მოიგო ბარეულს არახსოვს ბოლო საუკუნეში, სოჩა ვინ აიხო და მანამდე რამდენი საუკუნე იყო დაკარგული????? ეს კაცი უდიდესი ქართველი იყო, მე მას ვაგმერთებ, მან ჩემ საქართველოს სული ჩაბერა, უბრალოდ სიგიჟემდე უყვარდა, მე მადლობელი ვარ ჩემ საყვარელ საქართველოს ამდენი რამე რომ გაუკეთა სასიკეთო, და არშემირცხვინა. (((((((((((;

გურული2012-03-20 23:57:18
ბგ

გიორგია2013-02-02 19:46:19
მაზნიაშვილი გმირია საქართველოსთვის, მაგრამ გერმანელებზე საიდან მოიტანეთ რომ საქართველოს ეომებოდნენ ოსმალებთან ერთად. პირიქით იკო გერმანელები მოელაპარაკნენ თურქებს და დააზავეს ქართველებთან

ბეტო2014-07-02 20:18:32
"სიცოცხლე არც დაბადებით იწყება და არც სიკვდილით მთავრდე" ეს სიტყვები უკვე ნისშნავს თავდადებას.

kaspelizaura2014-07-03 16:01:57
ვკითხულობ ამდენ კომენტარს და ჩემდაუნებურად მებადება ერთი კითხვა-ამ კომენტარების ავტორებიდან,რამდენი ხართ ნამყოფი მაზნიაშვილის სახლ მუზეუმში? ან რამდენს გინახავთ მისი ,,ბიუსტი,, კასპში?

დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



ტოპ ათეული
1. თბილისში მგზავრებმა ავტობუსიდან შავკანიანი ახალგაზრდა გადმოაგდეს
2. გამაოგნებელი სანახაობა, რომელიც გრენლანდიაში გადაიღეს (ვიდეო)
3. გაერო: ებოლა კონტროლს აღარ ექვემდებარება - ვირუსით კვირაში 10 000 ადამიანის სიკვდილს პროგნოზირებენ
4. ნაყენი, რომელიც მთელი ზამთრის მანძილზე უნდა მიიღოთ სურდოს თავიდან ასაცილებლად
5. უმშვენიერესი გოგონას მიერ შესრულებული სიმღერა, რომელიც მალე ჰიტი გახდება
6. ”პატრული პატრული!... სვანი ვარ დედას მოგი...ავ” - ჩხუბი ვარკეთილში (ვიდეო)
7. უნიკალური რეცეპტი - გათავისუფლდით სახსრების ტკივილისგან
8. როგორ დავიკლოთ კვირაში 3 კგ დიეტის გარეშე
9. 5 ყველაზე ძვირადღირებული სახლი მსოფლიოში - სად ცხოვრებენ მილიარდერები
10. 5 წუთი და მელოტი აღარ ხართ (ვიდეო)
ბლოგები
დრო­ის მა­ხი­ნა (მოგ­ზა­უ­რო­ბა მო­მა­ვალ­ში)
რეკლამა საიტზე
ტელ.: (+995 32) 2-000-247, 595 58-18-18
599 877-901, 599 877-908
 
2014-10-24
visitor 37 957
visit 47 277
page 75 620
2014-10-25
  8 867
  9 571
  14 136