რეკლამა Presa.ge-ზე,
სპეციალური ფასები: 599 877 900
ციტ­რუ­სის სე­ზო­ნი 2014 და პრობ­ლე­მე­ბი. სა­ხელ­მ­წი­ფო სუბ­სი­დი­რე­ბის გა­რე­შე ექ­ს­პორ­ტი არა­კონ­კუ­რენ­ტუ­ნა­რი­ა­ნი იქ­ნე­ბა.
რა ვერ­სი­ებ­ზე სა­უბ­რო­ბენ 22 წლის გო­გო­ნას ახ­ლობ­ლე­ბი,­რო­მელ­მაც სი­ცოც­ხ­ლე თვით­მ­კ­ვ­ლე­ლო­ბით და­ას­რუ­ლა
სუ­პერ­მარ­კეტ „სმარ­ტ­ში“ გერ­მა­ნუ­ლი პრო­დუქ­ტე­ბის ფეს­ტი­ვა­ლი და­იწ­ყო
უკ­რა­ი­ნუ­ლი წამ­ყ­ვა­ნი სა­ვაჭ­რო ქსე­ლე­ბი და მწარ­მო­ებ­ლე­ბი სა­ქარ­თ­ვე­ლო­ში
ყველა სიახლე
 კალენდარი
ორშ სამშ ოთხ ხუთ პარ შაბ კვ
272829303112
3456789
10111213141516
17181920212223
24252627282930
ამინდი
დიტო გელოვანი: მობილურები და რეაქტიულები

10:59 04.10.2010

[დიტო გელოვანი. ის, რაც ხდებოდა წინა კვირაში - “ვერსია”]

რა ჯანდაბად გინდათ ფოსტა ბოლდუინს-რანჩოში? რა სარგებლობას მოგცემთ? ჭერილები, კიდეც რომ მოვიდეს მანდ, რად გინდათ? ჭერა კითხვა რომ იცოდეთ, მესმის, წაიკითხავდით. ღაც შეეხება სხვა რაიონებისთვის გადასაცემ ფულიან ბანდეროლებს, ნუთუ ამდენ ხანს ვერ გაიგეთ, რომ მათ არასდროს მიუღწევიათ დანიშნულების ადგილამდე? ეს კი უსიამოვნების მეტს არას მოგიტანთ. ჰოდა, ტყუილად რას იტკივებთ თავს და რას დაგიჩემებიათ, ფოსტა, ფოსტაო. თქვენზე რომ შემტკივა გული, იმიტომ გირჩევთ, თავი დაანებოთ ამ სისულელეს. აი, მესმის ციხე, დიდი ტევადი ციხე და უფასო სკოლა რომ მოითხოვოთ. ეს თქვენ ნამდვილად გესაჭიროებათ, ნამდვილად გაგახარებთ და გაგაბედნიერებთ. ამ საქმეს ახლავე მივხედავ.

(მარკ ტვენი, “როგორ ვმსახურობდი სენატორის მდივნად”)

 

“წარმომადგენლობით სახალხო კრება”... კრებას ნამდვილად ჰგავდა – შეიკრიბნენ. ნამდვილად სახალხო იყო – ეგენიც ხალხია. წარმომადგენლობითიც იყო, რადგან კრების თითოეული მონაწილე, სულ მინიმუმ, ერთ ადამიანს მაინც წარმოადგენდა – საკუთარ თავს. რაც იყო – იყო, მაგრამ მე ის გამახსენდა, რაც მანამდე იყო, 1990 წლის 15-16 მარტს - “ეროვნული მოძრაობის საგანგებო კონფერენცია. ისეთი საგანგებო სისულლე ბევრი არ მომხდარა ამ ქვეყანაში და მას შემდეგ ვეღარც გავიგე სიტყვა “კონფერენციის” მნიშვნელობა. სულ მგონია, რომ კონფერენციებზე ერთმანეთს სუკის აგენტებად აცხადებენ, მკვდარს არ უტოვებენ საფლავში და ტკბილად იხსენიებენ ოპონენტის საგვარეულოში ვინც კი გაუთხოვარია.

 

იმიტომაც ვინახავ სათუთად 1990 წლის იმ კონფერენციის მოსაწვევს, რომ ერთხელაც ვინმემ მითხრას, ბოლო-ბოლო, რა იყო ის.

და რა იყო ეს, ანუ, ის, რაც ხდებოდა წინა კვირაში? კრება იყო... პედსაბჭო მახსოვს, კრებებს ვერ ვიხსენებ.

თუ გვინდა რომ გავიგოთ, რა იყო ეს, ალბათ, სჯობს ლეიბორისტებს მოვუსმინოთ: “ჩვენ სოლიდარობას ვუცხადებთ ხალხის მანდატით აღჭურვილ ნებისმიერ შეკრებასა და გაერთიანებას, რომელიც რეალური დემოკრატიული პროცესებისკენ, უკეთესი საარჩევნო გარემოსა და ქვეყანაში უკეთესი მდგომარეობის შექმნისკენ არის მიმართული”.

 

აი, თურმე, რა ყოფილა... თუმცა, რადგან იქვე ლეიბორისტებმა თქვეს, ასეთ შეკრებაში მონაწილეობისთვის ჯერ მზად არ ვართო, ისიც გაირკვა, რომ სადაც შეკრება ხალხის მანდატით არის აღჭურვილი, იქ ლეიბორისტები მისვლას ვერ ახერხებენ.

 

ჭეშმარიტად გეუბნებით: ლეიბორისტებისთვის ყველაზე მისაღები ის იქნებოდა, ფილარმონიაში არმისვლისთვის მათთვის ვინმეს ხელფასი რომ გადაეხადა.

 

მოკლედ, პარლამენტი არ არის ხალხის მანდატით აჭღურვილი, ლეიბორისტები იქ არ დადიან და იღებენ ხელფასს კრებაზე ვერც გოგი თოფაძე მივიდა - მის სამონადირეო მეურნეობაში ხანძარი გაჩნდა. ეგ რომ არა, ნამდვილად მივიდოდიო. ალბათ, საკუთარი ხელით აქრობდა ხანძარს და შთაბეჭდილებებს ვერ უზიარებდა თემურ გიორგაძეს, რომელიც მხოლოდ იმ ხანძრებზე ესწრება, რომლებსაც ტელეჟურნალისტები ესწრებიან.

 

ეს იყო და ეს, რაც წარმომადგენლობით სახალხო კრებიდან დამამახსოვრდა. ვფიქრობ, არც კრების მონაწილეებს დაამახსოვრდებოდათ ბევრად მეტი. ან კი როგორ დაამახსოვრდებოდათ, როდესაც თვით კრების სულისჩამდგმელმა ნინო ბურჯანაძემაც არაფერი იცოდა. 27 სექტემბერს “ბროშკების მბრძანებელი” არ ფლობდა ინფორმაციას გარდაიქმნება თუ არა პარტიად “წარმომადგენლობითი სახალხო კრება”, ხოლო 29 სექტემბერს არ გამორიცხავდა 25 ნოემბრის შემდეგ საპროტესტო გამოსვლების დაიწყებას.

 

დამეთანხმებით, ეს ყველაფერი არცთუ სერიოზულ შთაბეჭდილებას ტოვებს. “ვინც არ მოვა, ინანებს” - თქვა ნონა გაფრინდაშვილმა და შთაბეჭდილება უფრო დაამძიმა. მიხვალ – ინანებ, არ მიხვალ – ინანებ. ზუსტად ისე გამოვიდა, ლადო ასათიანმა როგორც თქვა: საქართველოში იბადებოდნენ და შემდეგ მუდამ წუხდნენ ამაზე”.

 

ხოლო მიხეილ სააკაშვილმა თქვა: “როცა პოლიტიკურ ოპონენტს ჭადრაკს ეთამაშები, ის კი შაშს გეთამაშება, ვერასოდეს მოგიგებს”.

 

ჭადრაკი და შაში... იქით ერთი მეფეა და მრავალი პაიკი, აქეთ კი ყველა ერთმანეთს გავს და ყველას თვითონ უნდა დამკაში გასვლა. არ არის  გამორიცხული, რომ გუბაზ სანიკიძეს ასეთი რამ გაეფიქრებინოს: “როცა შენ შტანგას ეწევი და ამ დროს მოწინააღმდეგე ბატუტზე ხტუნაობს, აქვს კი თამაშს აზრი?” “ეგრე არ ვთამაშობ” - იტყოდა სახურავზე მცხოვრები კარლსონი და ამით ზუსტად გამოხარავდა ქართველთა საერთო-სახალხო აზრს.

 

“ვაგრძელებ თამაშს” - თქვა ირაკლი ოქრუაშვილმა და ინტერპრესნიუსს პარიზიდან აცნობა, რომ კონსულტაციები უკვე მიმდინარეობს და ამის დამალვას არც ცდილობს. შემდეგ. სააგენტომ უთხრა, აღიარე, რომ ახალი პარტიის თანათავმჯდომარეები ლევან გაჩეჩილაძე და სოზარ სუბარი იქნებიანო. აქ კი, თავდაცვის ექს-მინისტრმა კალამს ხელი სტაცა (როგორც მაშინ, დაკითხვაზე) - არა მხოლოდ ეს გვარები, არამედ შეიძლება, სხვა გვარებიც იყოსო და დააპირა ისეთი გვარების ჩამოწერა, რომლებიც ისედაც აღწერილებიც არიან (მიშამ აღწერა) და ჩამოწერილებიც (საკუთარი თავი თვითონვე ჩამოწერეს). არ არის საჭიროო – უთხრა სააგენტომ და ოქრუაშვილი ხალხს დაპირდა, რომ ახალ წელს პარიზში ახალ პარტიასთან ერთად შეხვდება.

 

ოქრუაშვილის ახალი პარტიის პრეზენტაციისთვის უკვე ემზადება საქართველოს სტატისტიკის დეპარტამენტი. გასულ კვირაში გენდერული სტატისტიკის შესახებ თბილისში რეგიონალური სემინარი გაიმართა. შემინარის მონაწილეებმა საერთოდ არ გამოხატეს შეშფოთება და აღშფოთება იმის თაობაზე, რომ ზეინკლებად, ელექტროშემდუღებლებად და მატარებლის მემანქანეებას საერთოდ არ მუშაობენ ქალები. მარჯვედ აუარეს გვერდი იმ საკითხს, რომ საჭადრაკო ოლიმპიადა ქალებს შორის ცალკე იმართება და კაცებს შორის - ცალკე. სამაგიეროდ, გააკრიტიკეს ირაკლი ოქრუაშვილი იმის გამო, რომ ამ ბოლო დროს საერთოდ აღარ ახსენებს თეო ტლაშაძეს.

 

ედუარდ კოკოითმა ახსენა სიტყვა “ურთიერთობა” და ლეიბორისტები მაშინვე ფინთი გოიმებივით ავარდნენ. “ლეიბორისტული პარტია” მზად არის დიალოგის რეჟიმში ურთიერთობებისთვის როგორც თბილისში, ასევე ცხინვალში და ასევე სოხუმში” - მოგეხსენებათ, ლეიბორისტებს რამდენიმე ათასი მდივანი ჰყავთ, მაგრამ ეს განცხადება საერთაშორისო მდივანმა, ნესტან კირთაძემ გააკეთა. თავის მხრივ, “ნინა წკრიალაშვილის მოყვარულთა კლუბში” ბევრი ნაციონალია გაერთიანებული, მაგრამ კოკოითი-კირთაძის ტრფობაზე შეშფოთება მხოლოდ კობა ხაბაზმა გამოხატა.

 

მგონი, ჯერჯერობით, ასე თუ ისე, ვიცავ გენდერულ ბალანსს. თოფაძე, სააკაშვილი, ოქრუაშვილი, ხაბაზი და კარლსონი – ერთი მხრივ, ხოლო ბურჯანაძე, გაფრინდაშვილი, ტლაშაძე და წკრიალაშვილი – მეორე მხრივ.

იქვე, ბარემ, სრული ბალანსისთვის, “თავისუფალი აზრის სახლი” და მისი ხელხმლიანი და ხელთასიანი ლიდერი, ბაკურ ბაკურაძე: “ხელისუფლების მიერ შემოთავაზებული კონსტიტუცია არ წარმოადგენს საყოველთაო შეთანხმების შედეგად მიღებულ საბაზისო დოკუმენტს”.

 

მაინც რამდენს ნიშნავს, როცა გაქვს სახლი, გიტრიალებს აზრი და ხარ თავისუფალი. სხვათა შორის, სახლებთან დაკავშირებით საინტერესო ინიციატივით გამოვიდა ნესტან კირთაძე - თბილისში შეიქმნას ქართულ-აფხაზური და ქართულ-ოსური სახლი, სადაც შედგება ორმხრივი და მრავალმხრივი დიალოგები. საინტერესო ინიციატივაა... თან, უკვე გვაქვს სახლის შავი კარკასი და საჭიროა რემონტი. ვფიქრობ, რემონტის გაკეთება ლეიბორისტებს უნდა დაევალოთ, რადგან ამ მხრივ ბოლო დროს მათ უზარმაზარი გამოცდილება დააგროვეს.

 

სახლი და ბინა ცუდი არ არის, მაგრამ ოთახების და ტიხრების საკითხია მოუგვარებელი – რა მასალით უნდა გაკეთდეს, იყოს თუ არა გამავალი კარებები, შესაძლოა, ჯობდეს ფარდა, მაგრამ ფარდა ნაჭრის უნდა იყოს თუ რკინის? მოკლედ, საქმე არის რთულად და ვერ მარტივდება. თან, ოჯახის უფროსის საკითხიც არ არის მოგვარებული.

 

“რომ გვქონდეს ისეთი გეოგრაფია, როგორიც აქვს ახალ ზელანდიას, კიდევ შეიძლება, მაგრამ ჩვენ არ შეიძლება პრეზიდენტის ინსტიტუტის ნიველირება მოვახდინოთ” - თქვა მიშამ და დასძინა: “იყო რჩევები, რომ პრეზიდენტს ისეთივე ფუნქცია ჰქონოდა, როგორც ინგლისის დედოფალს, მაგრამ ეს საქართველოს მთავრობისთვის მიუღებელია”.

 

საქართველო რომ ახალი ზელანდია იყოს და მიშა ინგლისის დედოფალი, ჩვენს ბედს ძაღლი არ დაყეფდა, მაგრამ ეგრე არ არის და არც ღირს მაგაზე ლაპარაკი.

 

მიშა რომ ინგლისის დედოფალი იყოს, სულ სკანდალებში იქნებოდა. ახლა კი, თვე ისე გაივლის, ვერაფრეს გაიგონებ. ისევ საკუთარ თავზე თუ არ იხუმრა, მასზე არავინ ხუმრობს. ნიუსიც კი იყო შესაბამისი - “მიხეილ სააკაშვილი საკუთარ თავზე ანეკდოტს ჰყვება”. ”ჩემზე ანეკდოტები დადის, თითქოს სააკაშვილმა ვიღაცას ჩაუქროლა, მას ფილტვების ანთება დაემართა”, _ ამის შესახებ საქართველოს პრეზიდენტმა მიხეილ სააკაშვილმა დღეს, უმრავლესობასთან შეხვედრისას განაცხადა.

 

პრეზიდენტის თქმით, საქართველოს დინამიური და მობილური მთავრობა ჰყავს და მათ შორის ყველაზე რეაქტიული მინისტრი რამაზ ნიკოლაიშვილია”.

 

მთავრობა მართლაც მობილურია, დღეს ლოპოტას ტბაზე არიან, ხვალ გონიოში, ზეგ ყვარლის ტბაზე ან ბაზალეთზე და ა.შ. ნიკოლაიშვილი რეაქტიულია, ვერა ქობალია ინჟექტორზე მუშაობს, ხოლო კობა სუბელიანს ტურბოდიზელი უყენია. “მუდმივად გადავადგილდებით. ტყეშელაშვილი ხან აქ არის, ხან იქ, უგულავა მუდმივად ხან ბენზინგასამართ სადგურზე დგას და ხან პურს აცხობს” - ესეც პრეზიდენტის სიტყვებია.

 

თბილისში ნიუ-იორკის ფილარმონიის ორკესტრი უნდა ჩამოსულიყო, მაგრამ აღარ ჩამოვა. კულტურის სამინისტროში აცხადებენ, ძაან ბევრი მოითხოვესო, მაგრამ რად გვინდა ამერიკის ორკესტრი, როცა ასეთი მთავრობა და ასეთი მერი გვყავს? მიშა იქნება დირიჟორი, ნინო კალანდაძე და ვერა ქობალია კლარნეტებზე დაუკრავენ, მალაშხია ჩაბერავს, ნუგზარ წიკლაური შემოკრავს და თუ გიგი უგულავასაც დარჩება თავისუფალი დრო, დაგვიკრავს ვიოლინოზე. ფული დაიზოგება, ქვეყანა აშენდება.

 

ქვეყანა ისედაც შენდება. იყო პატარა შეფერხება - ”National Geographic”-ის ვებ-გვერდზე აფხაზეთი და ე.წ. სამხრეთ ოსეთი, დამოუკიდებელი პოლიტიკური სტატუსის მქონე სუბიექტებად იყვნენ მოხსენიებულნი, მაგრამ შოთა მალაშხიას ძალისხმევამ შედეგი გამოიღო. სიმართლე გითხრათ, მალაშხიას კომისია იმისთვის არსებობს, ვებ-გვერდებზე შეცდომები რომ გაასწოროს. ამიტომ, წინადადება შემომაქვს აღნიშნულ კომისიას შეეცვალოს სახელი და ეწოდოს “ინტერნეტ სივრცეში საქართველოს ტერიტორიული მთლიანობის აღდგენის კომისია”.

 

საერთოდ, ძალიან უინტერესო კვირა იყო. სულ დაიკარგნენ ჯონდი ბაღათურია და ნუგზარ წიკლაური, ზაზა გაბუნია და გოკა გაბაშვილი, რა ხანია არც გიორგი ბარამიძე ჩამოსულა საქართველოში სამუშაო ვიზიტით. ერთადერთი, ლეიბორისტები გააქტიურდნენ და რაღაც-რაღაცეები მოითხოვეს. მაგალითად, “ლეიბორისტული პარტია” ხელისუფლებისგან საქართველოს რეგიონების მოსახლეობის შეშით მომარაგებას ითხოვს. ეს წინადადება პარტიის გენერალურმა მდივანმა სოსო შატბერაშვილმა გაახმოვანა. უცხო ქვეყნის რეგიონების მოსახლეობის შეშით მომარაგების საკითხზე ალბათ ნესტან კირთაძე ისაუბრებს, რომელიც, როგორც იცით, არის საერთაშორისო მდივანი.

 

გვამხიარულეს ლეიბორისტებმა.

 

მართლაც, ძალიან უინტერესო კვირა იყო, ეს პრეზიდენტმაც შენიშნა და შეეცადა კახელები გაემხიარულებინა. მიშამ კახელებს ასეთი ამბავი მოუყვა: “საქართველოში ჩამოიყვანეს ბაგრატიონების შთამომავალი დავით ბაგრატიონი, რომელიც მეფედ უნდა ეკურთხებინათ. მას მეგობარი ჰყავდა, რომელიც რაღაც საცირკო ნომრის მსგავსს აკეთებდა, მაგიდაზე ადიოდა ჭიქას, ბოთლს თავზე იდგამდა და არ უვარდებოდა. ერთხელაც დავით ბაგრატიონმა კახეთში წაიყვანა, იქეიფეს, და, ასეთი შემოდგმის დროს, ჭიქა გაუტყდა, სახე დაუზიანდა. კახეთიდან წამოსულები თელავში პატრულმა გააჩერა. პატრულმა სთხოვა ეთქვა ვინ სცემა. დავით ბაგრატიონის მეგობრის მოყოლილი არ დაიჯერეს  და კიდევ სთხოვეს ეთქვა ვინ სცემა, ამ დროს კი, დავით ბაგრატიონმა, რომელიც გვერდზე ეჯდა პატრულს უთხრა, რომ მე თქვენი მეფე ვარო”.

 

ძალიან უინტერესო კვირა იყო და ძალიან ტრაგიკულიც – ავღანეთი, ბიჭები... არც სახალხო-წარმომადგენლობით კრება დარჩა მხიარული და დარწმუნებული ვარ იმ კახელ გლეხებსაც უფრო მძიმედ დააწვათ გულზე ლოდი, როდესაც სააკაშვილს უსმენდნენ.

 

დაახლოებით ვხვდები, რასაც ფიქრობდნენ იმ წუთებში კახელები და ახლაღა ვხვდები, რომ ქართველებს ერთიანობა ფიქრებშიც კი გვმართებს.

 

.. (ხშირად მოიწერეთ) ღრმად პატივცემულო ჯენტლმენებო! ხშირად მოიწერეთ, ადამიანს ისე არაფერი უხდება, როგორც მეგობრული მიწერ-მოწერა. თუ ამ თქვენს წერილში იყო რაიმე განსაკუთრებული აზრი, ხელახლა მომწერეთ და განმიმარტეთ, ნუ მოგერიდებათ, დარწმუნებული ბრძანდებოდეთ, ჩვენ სიამოვნებით მოვისმენთ თქვენს ჭიკჭიკს.

(მარკ ტვენი, “როგორ ვმსახურობდი სენატორის მდივნად”)

ბეჭდვა  
კომენტარები:
ედო ქობულეთელი2010-10-04 11:33:46
დიტო რასმუსენი და ლუჟკოვი ამ კვირის მოვლენებში არ შედიან? არ უყურებ თავისუფალ-დამოუკიდებელ ტელევიზიებს?

dato2010-10-04 12:04:01
ბევრ რამეზე შეიძლება შაყირი, თუნდაც ასეთ მდარე პროფესიულ დონეზე, მაგრამ ისეთ მოუშუშებელ ტკივილზე, როგორიც ოკუპირებული ტერიტორიებია სარკაზმი მიუღებელია.ეს უკვე ცინიზმია...

დათო2010-10-04 12:34:57
“ინტერნეტ სივრცეში საქართველოს ტერიტორიული მთლიანობის აღდგენის კომისია”... კარგი აზრია. სხვათაშორის, ამ კომისიისთვის კარგი რეკლამაცაა: ”National Geographic”–ზეც ჰქონია გავლენა. ეტყობა, შოთა მალაშხია ყოჩაღი კაცია.

დათო.ჩ2010-10-04 12:42:01
დატო-ს

ქვეყანაში არსებული სიტუაცია ტრაგიკომედიურია და აბა რა დაწეროს???აბა ვისხდეთ ვუყუროთ რუსტავი2-ს და გულდამშვიდებულად დავიძინოთ ქვეყანა შენდებაო???

ბაკურ სვანიძე2010-10-04 12:52:49
ლადოს სიტყვების: "საქასღტველოში იბადებოდნენ, და მერე მუდან წუხდნენ ამაზე"-ს მერეს ორწერტილია და წერია "ეჰ, წუთით მაინც დაბრუნდებოდეს, ჩვენი ბავშვობა და სილამაზე". ანუ წუხდნენ ამაზე- რომ წუთით მაინც დაბრუნებულიყო ბავშვობა და სილამაზე, და არა იმაზე რომ საქართველოში იბადებოდნენ.
როცა ავტორის აზრს ამახინჯება, მგონია რომ კი არ უნდა დაწერო - "როგორც ლადო ასათიანი ამბობდაო" - არამედ უნდა დაწერო - ლადაო ასათიანის ფრაზის ჩემეული ინტერპრეტაცია ასეთია-თქო. იმედია, ეს მართლა ინტერპრეტაცია იყო და ეგ შენ მართლა ეგრე არ გგონია, როგოც გიწერია:)
ამას იმიტომ გწერ, რომ ბევრმა ვინმემ შეიძლება ეგ წაიკითხოს და მართლა ეგონოს რომ ლადომ მასე თქვა... (არ მინდა მე ბევრს ეგონოს ჩემს ქვეყანაში, რომ ლადო ასათიანი სწუხდა - საქართველოში რატომ დავიბადეო)...

თაზო2010-10-04 13:01:01
ბაკურ სვანიძე
+++++ მართალია!!!!

კიბატონო2010-10-04 13:21:18
არ აქვს ამ წერილს ავტორს დიდი პრეტენზიები რაღაც–რაღაცეებზე და ის სტრიქონებიც მისეულ ინტერპრეტაციად უნდა აღვიქვათ. ასე მგონია მე...

გიორგი2010-10-04 13:39:05
(ბაკურ-ს)

მაიცა, მაიცა... უცხოეთებში არ ბერდებიან?

ვაჟა2010-10-04 14:10:26
დიტო ვითომ შაყირობს, სინამდვილეში მიშას საქმეს აკეთებს. ამ ბიჭმა ქიც იცის და ქიცმაცურიც.
ისე, საქართველოს ბედი რომ სულ არ ანაღვლებს - ცხადია.

კიაზო2010-10-04 14:18:17
ბაკურ სვანიძე

კარგი რა ბაკურ ჩემო, ნუ გწყინს, ღადაობაში დიტო ნაღდად გჯობნის. შენს ტავტოლოგიას მიხედე, გროტესკად რომ ასაღებ

Givi2010-10-04 14:34:33
როგორც ყოველთვის დიტო მაგარია!!!!!! საღოლ დიტო!!! ნუ მიაქცევ ყურადღებას ლანძღვა-გინება კომენტების ნიაღვარს,ზოგ ზოგები რომ უშვებენ შენი მისამართით..ვიცი,რომ დღესაც გექნება ეგ სიამოვნება...ადმინის საყურადღებოდ! ან დახურეთ ეს კომენტების ფორუმი,ან კიდევ ლანძღვა გინების კომენტები დაიბლოკოს!!! რაა?ადრე ამ ფორუმის გარეშე ცუდად ვკითხულობდით პრესა.გე-ს????

გიორგი2010-10-04 14:55:17
ოჰ, ერთგული მკითხველი მორიგ აღფრთოვანებას ვერ მალავს... დაილოცოს საბაზრო ეკონომიკა: ყველაზე უვარგისი პროდუქტიც კი (და დიტო გელოვანის "სტატიები" ცალსახად "ლიდერობენ" უვარგისი პროდუქტების გრძელ სიაში) იწარმოება მანამ, სანამ მასზე მოთხოვნა არსებობს. გაუგებარია, რატომ შფოთავენ "ფანები" კრიტიკული კომენტარების გამო. თქვენ, ბატონებო, თქვენი არსებობით უზრუნველყოფთ დიტო გელოვანის "შემოქმედების" არსებობას და ვერანაირი ნეგატიური კომენტარი ამ კანონზმოიერებას ვერ დაარღვევს

დათო ლაცუზბაია2010-10-04 15:35:00
შეფასების კრიტერიუმები სხვადასხვა რომ არის, გასაკვირი არც უნდა იყოს. ეს ნორმალურია, მით უმეტეს, საქართველოში. იმაზე ჭიჭყინი, ადმინმა რამე ამგვარი დაბლოკოს – ოპონენტის სისუსტეა. ამგვარად, წეროს დიტომ და თუ ვინმეს მისი აზრები ნაღრძობი ტვინის ნაყოფი ჰგონია, ასეც თქვას. დასაძრახი არაფერია ამაში... პატარა რაღაცეებზე ნუ გადავეკიდებით ერთმანეთს. არ წაადგება ეს საქმეს... მე სოხუმში უნდა ჩავიდე იქ გავზარდო ბავშვები. მთავარია, ამის ყველას გვჯეროდეს!

ირინე2010-10-04 15:56:13
ბატონ გიორგის,
(და კიდევ ბევრს :)
უდავოდ მართალი ბრძანდებით, როდესაც ბრძანებთ: გაუგებარია, რატომ შფოთავენ "ფანები" კრიტიკული კომენტარების გამო-ო...თქვენც ხომ გელოვანის და,ა ლბათ, პრესა.გე-ს "ფანს' მიეკუთვნებით,წინააღმდეგ შემთხვევაში ნებისმიერი სტატიის ბოლოს თვქნი კომენტარის ხილვის სიამოვნება, უბრალოდ, არ გვქენებოდა. თვქნ ბატონო გიორგი, ინტქლექტუალი და ლიბერალი ადამინას შტაბეწდილებას ტოვებთ (ან ცდილობთ, ასეთად გვეჩვენოთ), და თუკი ასეა, მაშინ უნდა დამეთანხმოთ, რომ დემოკრატიულ ქვეყანაში, რომლის "შუქურაც" საქართველოა, ნებისმიერ აზრს და, მათ შორის, სტატიასაც უნდა ჰქონდეს თავისუფალი არსებობის უფლება...გვაცალეთ ზხბოს აღტაცება" იმ "უგუნურ" და მდარე გემოვნების მქონე მკითხველებს, რომლებიც ჯერჯერობით ვერ ავმაღლდით თქვენს სიმაღლემდე....
და, საერთოდ, რა აუცილებელია, იკითხოთ ის, რაც არ მოგწონთ?! ბოდიშს ვიხდი, მაგრამ ეს ძალიან წააგავს მაზოხიზმს :)(კვლავ ბოდიში სიმწვავისათვის-ი.ს.), მე , მაგალითად , არ ვუყურებ ხოლმე შაბათის შოუს, რადგან ვიცი, რომ ნერვებს მიშლის , ჩემი აზრით( pardon)უნიჭობა, თქვენც ნუ წაიკითხავთ იმას, რაც არ მოგწონთ...თუ ეს თქვენი პირდაპირი მოვალეობაა?! განქიქებას და ქირქილს ვგულისხობ :)
მომიტევეთ უხვსიტყვიანობისთვის...

იერემია2010-10-04 16:04:28
"დავთმე! დროშა დავუშვი და იარაღი დავყარე. აღმოჩნდა,რომ საარჩევნო კამპანიის ჩატარება (უკაცრავად, ყველასთვის მოსაწონი მიმოხილვების წერა) ჩემს ძალღონეს აღემატებოდა. დავჯექი და დავწერე_ჩემს კანდიდატურას ვხსნი-მეთქი,(უკაცრავად, პრესა.გე-ზე სტატიების გამოქვეყნებას ვწყვეტ-მეთქი)და ხელი მოვაწერე.პატივისცემით თქვენი, ოდესღაც პატიოსანი, ამჯერად კი შ.ფ.(შერცხვენილი ფიცისგამტეხი); მ.ქ.(მონტანელი ქურდი);ს.შ. (საფლავების შემგინებელი); გ.ლ. (გამოუსწორებელი ლოთი); ბ.გ. (ბილწი გაიძვერა); და ს.ყ.(საზიზღარი ყალთაბანდი) მარკ ტვენი (უკაცრავად, დიტო გელოვანი). გიორგი, ჯიგრიანად, ხო გაგისწორდა. მე მაქვს იდეა, დავხუროთ პრესა.გე, დავიჭიროთ ეს მესვეტე დიტო იაკობაშვილი, გამოვააშკარავოთ მისი ნამდვილი სახე (ანუ_ მოვხსნათ ზორგეს სათვალეები), გავასამართლოთ და 2013 წლამდე მივუსაჯოთ მუშაობა X სამინისტროში, Alex-ის მოპირდაპირე მაგიდაზე. ასე ეკუთვნის მაგას წესიერი მიშოფილების ნერვებზე აშლისათვის). რა საქმე დავავალოთ? მაგალითად, Alex-ის კომენტარების სტილის დამუშავება და კორექტურა. რას იტყვი, ხო მაგარია. დამიჭირე მხარი, ერთი წერილი ზოდელავას და საქმე დამშია.

გიორგი2010-10-04 16:05:27
ირინე:

დიახ, ლიბერალური ღირებულებების ერთგული გახლავართ და თქვენს კომენტარსაც, ძირითადად, ვიზიარებ. თქვენ გაქვთ უფლება ეს უხარისხო "სტატია" მოგეწონოთ, მე უფლება მაქვს - არ მომეწონოს. უფრო მეტიც: თვქნც და მეც გვაქვს უფლება ეს ჩვენი დამოკიდებულება საჯაროდ გამოვხატოთ. ეს დემოკრატიული საზოგადოების ანბანია და რაც მალე შევისწავლით მას, უკეთესია ჩვენთვის. "განქიქება" და "ქირქილი" უსარგებლო სენტიმენტებია და მათზე დროს ნუ და(ვ)ხარჯავთ.

მხოლოდ ერთ საკითხში ვერ დაგეთანხმებით: მარტო მოსაწონი ტექსტების კითხვა აჩლუნგებს აზროვნებას და გემოვნებას. თუმცა, ესეც თავისუფალი არჩევანის საგანია: ვიღაცას შეუძლია მხოლოდ შოკოლადით იკვებოს (მანამდე, სანამ მისი ორგანიზმი ამას გაუძლებს), ვიღაცას უფლება აქვს დიტო გელოვანის და მსგავსი ავტორების სტატები იკითხოს, მხოლოდ და ამ გზით მიიღოს ინტელექტუალური საზრდო. მე ცდილობ მრავალფეროვანი მენიუ მქონდეს, კულინარიულიც და ინტელექტუალურიც. ასე უფრო საინტერესოა

ირინე2010-10-04 16:16:26
გიორგი,
უკვე ავღნიშნე,ინტელექტუალი და ლიბერალის შთაბეჭდილებას ტოვებთ-მეთქი...გპასუხობთ იმიტომ, რომ თქვენს კომენტარებში ძირითადად, ცალხრივობა და სწორხაზოვნება იგრძნობა, ყოველ შემთხვევაში, მე ასე მეჩვენება..." ვიღაცას უფლება აქვს დიტო გელოვანის და მსგავსი ავტორების სტატები იკითხოს, მხოლოდ და ამ გზით მიიღოს ინტელექტუალური საზრდო" აშკარად სუბიექტური განსჯაა და ამიტომ არსებობს იმის საფრთხეც , რომ არ იყოს ჭეშმარიტი..ანუ, ვგულისხმობ, რომ იქნებ თქვენ არასწორად ასკვნით, რომ დიტო გელოვანის ე.წ. ფანები მხოლოდ დიტო გელოვანს კითხულობენ?! ეს, ისე, რიტორიკული კითხვა ტვინის საზრდოსათვის :)

მე პირადად, მაინცდამაინც ამგვარი პოლემიკის მომხრე არ გახლავართ, რადგან , როგორც წესი, ამ დროს ადმიანები მუდამ საკუთარი მოსაზრებების მომხრეებად რჩებიან ხოლმე, რაც ბუნებრივად მიმაჩნია, მთავარია, კორექტულობა არ დაირღვეს, რაც ასე ძალიან დიდი პრობლემაა ჩვენს საზოგადოებაში...ამიტომ მგონია "განქიქება" სწორედაც რომ უსარგებლო, თუნდაც "სენტიმენტები"
მე მეტს თავს აღარ შეგაწყენთ, პატივცემულო საზოგადოებავ :)

გიორგი2010-10-04 16:24:29
კორექტულობა დაირღვევა მაშინ, როდესაც რომელიმე კომენტარის ავტორი დაიწყებს ყურადღების გამახვილებას ბ-ნი გელოვანის (ან სხვა ადამიანის) პიროვნულ თვისებებზე, ან ნაკლზე (იმისგან დამოუკიდებლად, არსებობს თუ არა ეს ნაკლი რეალურად). თუ კრიტიკის საფუძველია ადამიანის პროფესიული საქმიანობა და ამ საქმიანობის ხარისხი, კრიტიკა კორექტულია, მაშინაც კი, თუ ის თავისი ფორმით უხეში ან შინაარსობრივად დაუსაბუთებელია. აქ უკვე გემოვნებაზე შეგვიძლია კამათი და ბუნებრივია, ვერ შევთანხმდებით

პორფილე2010-10-04 16:49:43
პირადად მე ამ ავტორის მიმოხილვებზე კარგად ვხალისობ. ცხადია არა ფაქტებზე, არამედ იმ ინტერპრეტაციებზე, რომელიც აქაა ხოლმე. კვირის ყველა მოვლენა ვიცი და შესაბამისად იმისთვის არ ვეცნობი ამ სტატიას რომ ამბავი გავიგო. უბრალოდ ეს სტილი ცოტათი მართობს, ცოტათი მასერიოზულებს და ხანდახან იმის შესაძლებლობას მაძლევს, "ყველაზე სერიოზულ და გლობალურ ნიუსს" სხვანაირად შევხედო.
პ.ს. ცხადია, არ მახალისებს ტრაგიკული ნაწილი, და ეს არც ავტორს ახალისებს. ამას იმიტომ ვაზუსტებ რომ არ დამაბრალონ ჩვენი ბიჭების დაღუპვაზე ხალისი. ამაზე ხო ყველა ვწუხვართ.

2010-10-04 16:51:24
გიორგი პრესა გე–ს ხარჯზე პიარს იკეთებს. აუუუუუუუუუუუუუუუუუუუუუ რაღას კითხულობ

ირმა ნ2010-10-04 17:23:57
დათო ლაცუზბაია,
დევნილებთან დაკავშირებულ სტატია 29.09.10.
ბატონო დათო,ჩემი თხოვნა წაიკითხეთ?
მე, ისევ ვეძებ დოკუმენტს,როდის შეუთანხმდა სახელმწიფო დევნილებს ე.წ.განსახლებებთან დაკავშირებით.

ანასტასია2010-10-04 17:41:11
გიორგი !მარტო მოსაწონი ტექსტების კიტხვა .........,-ეს სიტკვები ტკვენია,რა გამოდის სააკიანის ხროვა მიზანს აგწევს ტკვილებიტ,ტკვენ ვიტომ ლიბერალები კი კმაყოპილდებიტ.ირინე!გეტანხმებიტ.

გიორგი2010-10-04 18:24:35
ანასტასია:
სიამოვნებით გიპასუხებდით, თქვენი კომენტარის შინაარსი რომ გამეგო. დამავალებთ, თუ ჩემთვის განკუთვნილ კომენტარებს ქართულ ენაზე დაწერთ ხოლმე

ბარონ მიუნჰაუზენ2010-10-04 18:51:07
გაიღიმეთ ბატონებო,გაიღიმეთ... სერიოზული გამომეტყველებით ნუ ეპაექრებით ერთმანეთს ,წყალქვეშა ნავში ვართ ყველა ,,საქართველოს,, სახელწოდებით

gipsy2010-10-04 19:00:21
ეს მათთვის, ვინც ცდილობს საზოგადოების დარწმუნებას, რომ ვცხოვრობთ დემოკრატიულ საქართველოში, სადაც აზრის გამოხატვის თავისუფლებაა და ცხოვრების უმთავრესი ღირებულებები ლიბერალურია. ვერ დაგეთანხმებით. ჩვენ ვცხოვრობთ მოჩვენებით დემოკრატიულ საზოგადოებაში, სადაც მოჩვენებით "გვიგდებენ" "ტლიკინის" უფლებას და ლიბერალობანას გვათამაშებენ. ამის საუკეთესო თვალსაჩინო დასტური არის კომენტარების ნიკნეიმები, ანუ- ზედმეტისახელები. თავისუფალ საზოგადოებაში ადამიანები არ არიდებენ თავს საკუთარი სახელებით აზრის გამოხატვის საპატიო და საამაყო უფლებას. ქართულ ინტერნეტ ქსელში კი, ალბათ 1% თუ ბედავს თავის სახელის გამომზეურებას.

მ ა რ ე2010-10-04 19:05:56
“ინტერნეტ სივრცეში საქართველოს ტერიტორიული მთლიანობის აღდგენის კომისია” - ზუსტად მოძებნილი ფორმულირებაა.არანაირი სხვა ფუნქცია ამ კომისიას არ გააჩნია და არავითარი ფასი - მისი თავმჯდომარის,შოთა მალაშხიას "განცხადებებს".
საინტერესო იქნებოდა მეორე,ასევე მკვდრადშობილი "რეინტეგრაციის სამინისტროს" ახალი დეფინიცია.

მდოგვი2010-10-04 19:33:21
რატომღაც შთაბეჭდილება მრჩება, რომ დიტო ჩენს პოსტებს აღარ კითხულობს.

დიტო2010-10-04 21:26:31
ვკითხულობ

კიაზო2010-10-04 22:07:48
ანასტასია

შეეშვით ამ პატრიოტულ გამოხტომებს. არც ანასტასიაა ქართული სახელი. ქართული არის მაგალითად კეკე. მოგიხდებოდათ.:)

ზუგსვანი2010-10-04 22:33:48
როგორც ყოველთვის გენიალურად ხუმრობ დიმიტრი:)))ჭადრაკზე და შაშზე იყო ძალიან მაგარი,იქეთ ერთი მეფე და ბევრი პაიკი,აქეთ ყველა ერთნაირი:))

ბაკურ სვანიძე2010-10-04 23:08:36
გიორგი, კი, ბერდებიან "უცხოეთებშიც" და ისინიც სწუხან - ნეტავ ჩვენი ბავშვობა და სილამაზე წუთით მაინც დაბრუნდებოდესო, მერე რა? ვერ გავიგე რას ამბობ. ეგ სტრიქონი პოეზიაა და არა "სტატია". მეტს ვერაფერს გეტყვი.
კიაზო:)))))))) ძალიანმაგარი ხარ შენ:))))))))))) ამ შემთხვევაშიც კი "წყენა", "ბოღმა" და "შური" გელანდება:) მართლა ვერ მიდის ამის იქით ეტყობა თქვენი შეზღუდული აზროვნება:) ისე, ტავტოლოგია არის, როდესაც შემთხვევით, გაუცნობიერებლად გაიმერებ ერთი და იმავე სიტყვას რამდენჯერმე. როცა რაიმეს (თუნდაც სიტყვების გამეორებას) შეგნებულად აკეთებ და ხაზს უსვამ ეს გროტესკია. ანუ შენ მიმტკიცებ რომ "წარმოუდგენელი წარმოდგენები წარმომდგენთა წარმოდგენებში" - ფრაზა მე "გამეპარა" და ვერ მივხვდი ტავტოლოგია რომ მომდიოდა ხო?:)))))))))) არა ძალიანმაგარზე მაგარი ხარ კიდე:)))))))))))
და სერიოზულად ვამბობ, რომ ამას ბევრი წაიკითხავს და მართლა ისე ეგონება, როგორც ტექსტშია განმარტებული ლადოს ეს ფრაზა. ამიტომ, მართლა აუცილებლად მეჩვენება, რომ იქ იყოს მითითებული, რომ ეს ავტორისეული ინტერპრეტაციაა...
(კიაზო, "ინტერპრეტაცია" იცი რას ნიშნავს?) :)))))))

მდოგვი2010-10-05 00:22:37
დიტო,
აბა, თუ კითხულობ -გეტყვი:
აქ ყველა დითირამბებს გიმღერს, მე კი გეტყვი, რომ ეს სტატია ადრინდელ სხვა სტატიებთან შედარებით მიტოვებს სურვილს-იყოს უკეთესი.
შენი ,,დაუძინებელი'' მკითხველი.
იმედია საწყენად არ მიიღებ.
შენი ,,ბრალია'', რომ მიგვაჩვიე მაღალი სტანდარტის სტატიებს.

იერემია2010-10-05 00:48:50
მარე, გთავაზობთ ვერსიას: უცხოეთში მიშას ვიზიტების დროს მთავრობის მიმართ ლოიალურად განწყობილ ემიგრანტთა შამკრებ-შამყრელი და პარლამენტში მორჩენილი დეპუტატების დროებითი დასაქმების ბიურო.

ლადო(ოღონდ არა ასათანი)2010-10-05 01:04:24
დიტო!გაიხარე–მთელი კვირა ველოდები შენს სტატიას.იუმორის გრძნობა თუ გადაგვარჩენს ამ
ქვეყანაში.
ირინე–ყველაფერში გეთანხმებით!
ბარონ მიუნჰაუზენ–ეს თქვენ გგონიათ თავი(სრულიად სამართლიანად)წყალქვეშა ნავში,რომელშიც,დავამატებდი,ნაცებმა
"ფორტოჩკა"გამოაღეს გასანიავებლათ,თორემ
გიორგი და მისნაერები კარგა ხანია მიშას მატარებელს შეახტნენ და ჩვენ უკან ჩამოგვიტოვეს.

იერემია2010-10-05 01:09:01
დიტო, ძმაო! საქართველოს ბედი არ ადარდებსო, ვაჟამ. შენც ადექი და ამ ინტერნეტ-დუქანს პრესა.გე-ს ნაცვლად პრესა.რუ დაარქვი, გნებავს პრესა.USA. რა გენაღვლება, მაინც გამოაშკარავებული ხარ.

იერემია2010-10-05 01:23:26
ვაჟას კომენტარმა მუზა მაწვია და მის გასახარებლად გელოვანზე 30-იანი წლების სტილში ლექსი დავწერე: "რად არ ფიქრობ სამშობლოზე, მოღალატე დიტო, ხალხის მტერო, რენეგატო, ფლიდო და ბანდიტო; შემოგივლი მაგ დუქანში_გაგააუდიტო, რად არ ფიქრობ სამშობლოზე, მოღალატე დიტო?!" რას იტყვი, ვაჟა, ხო "ვპეჩატლიაეტ"? ჯერ სადაა, მომდევნო ორშაბათს პოემას დავუწერ, შენ რითმებზე წამიკარი ხელი...)))

ლადო(ოღონდ არა ასათანი)2010-10-05 01:44:55
იერემია–მომეწონა ლექსი.ნაღდად რომ "ვპეჩატლიაეტ".ვაჟა ალბათ "ნი ტო ჩტო" ხელს წაგიკრავს,ხრამშიც კი გადაგვაგდებს სუყველას,დიტოს თამადობით.
ვაჟას პოსტზე კიდევ გამახსენდა ვიღაც სამუელ
ჯონსონის ნათქვამი ინგლისის პარლამენტში 1791 წელს–«Патриотизм — это последнее прибежище негодяя» (англ. Patriotism is the last refuge of a scoundrel)

მ ა რ ე2010-10-05 04:55:12
იერემია, ლექსზე ბევრი ვიცინე.
რაც შეეხება სახელწოდებას,ნამეტანი გრძელია და იქნებ ჩამოვააბრევიატუროთ. შინაარსობრივად,პრობლემა არ არი: როგორც ამ აბრევიატურას ვერ გაიგებს ვერავინ, ისე არ ესმის არავის ამ სამინისტროს დღევანდელი სახელწოდების შინაარსი.

გეორგიან2010-10-05 06:38:58
დიტოს სტატიები იუმორის სტილით ჰგავს 1990-იან წლებში თამაზ წივწივაძის წერილებს. ერთი კითხვა მაქვს მკითხველთან ერთი წინადადაბით როგორ დაახასიათებდით მის წერილებს?

2010-10-05 06:47:02
dato, შენ იუმორი და სარკაზმი ვერ გაგირჩევია ერთმანეთისაგან, ეტყობა, აცრილი თუ ხარ იუმორზე...
ერს, რომელსაც შეუძლია იუმორით შეხედოს არსებულ ბედუკუღმართობას (თუნდაც უბედურებას), გადაშენება და დამარცხება არ უწერია

23232010-10-05 08:12:29
გეორგიან,
მე დიტოს სტატიებს აღვიქვამ როგორც "სიმწრის სიცილით ნათქვამ სიმართლეს დღევანდელობაზე",,,,

23232010-10-05 08:15:27
მარე და იერემია! ამოგშლით მეგობრების სიიდან თუ ასთი ბიურო შექმენით,,,

დიტო2010-10-05 10:41:20
მდოგვი
აბსოლუტურად გეთანხმები

2010-10-05 11:14:37
ვააა, სად დაიკარგა ჩემი პოსტი?

2010-10-05 11:15:01
არადა რამდენი ვწერე ტო

ლადო(ოღონდ არა ასათანი)2010-10-05 13:15:50
გეორგიან-ერთი წინადადაბით ასე:სასაცილოა,სატირალი რომ არ იყოს.მაგრამ ეს ხომ ჩვენი დღევანდელი რეალობაა,თუ არ ჩავთვლით ცუდათ დაგებულ ასფალტს.

მ ა რ ე2010-10-05 20:23:21
2323:
"მარე და იერემია! ამოგშლით მეგობრების სიიდან თუ ასეთი ბიურო შექმენით,,,"
:)))))))
არა, jg, ჩვენ ბიუროს კი არ ვქმნით, ვეძებთ უფრო შესაფერის სახელწოდებას "რეინტეგრაციის სამინისტროსთვის". შეგიძლია მიიღო მონაწილეობა ტენდერში.

იერემია2010-10-05 21:01:19
2323:-ს: მაშინ მაქვს მეორე იდეაც" PEრეინტეგრაციის სამინიშტ(ე)რო.

23232010-10-05 22:02:32
არა გმადლობთ.

მ ა რ ე2010-10-06 00:24:32
2323,
აი,სულ ეგრე იცი! მერე მიშა რომ თავისი ბრწყინვალების ორდენს არ დაგკიდებს - გაგიკვირდება!..

გეორგიან2010-10-06 04:34:27
გმადლობთ, გამოხმაურებისთვის ლადო, 2323, მე მომწონს დიტოს წერის სტილი, მისი იუმორი, პრობლემები მართლაც თავზე საყრელადაა მაგრამ ცოტა გაცინება არ აწყენს კაცს

აბდუშაჰილი2010-10-06 18:36:41
პატიოსანნო, ნახევრად პატიოსანნო და მთლად უამისოებო! დიდის მოწიწებით და მორიდებით გთხოვთ მიმიღოთ თქვენს ჰამქარში(ბაშიაჩუკ მეც მიმიღეთ თქვენს რაზმში,რათა ჭირი და ლხინი ერთად გავიზიაროთ,ჩემის მხრივ ვდებ საზეიმო ფიცს: შევდივარ რა იმნაირების და ამნაირების ჰამქარში ვფიცავარ, დავიცვა ჩემი აზრი და შეხედულებები, ასევე პრინციპები და არ გავიყიდო პადოშასავით, ვფიცავარ არ გავხდე ლიბერასტი, ლეიბორისტი და კიდევ ასე შემდეგ ბევრი .......ისტი,ვფიცავარ მიყვარდეს ჩემი ქვეყანა( არა ისე როგორც ნაცებს), დავიცვა ჩემი ქვეყანა(არა ისე, აგვისტოს ომის დროს მეზობლების საბაჟოებთან გრძელ კორტეჟიანი რიგები რომ იდგა), ერთგული ვიყო მართლმადიდებლური აღმსარებლობისა(არა როგორც ფსევდომორწმუნენნი, ღმერთო შემინდე), პატივს ვსცემდე ქართულ ოჯახს(არა ვროგორც დეისაძე) და არ ვიყო უპირო როგორც მთავრობა. თუ რამე გამომრჩა შემახსენეთ.ველი თქვენს ლოცვაკურთხევას. დიდის მოქიქებით, თქვენი აბდულშაჰილი.

23232010-10-06 18:44:35
თითქმის საპრეზიდენტო ფიცი დადე შე კაცო,მიგიღებთ აბა რას ვიზამთ! კეთილი იყოს თქვენი მობრძანება,,,,

იერემია2010-10-07 01:12:47
უზენაესი ფირმანი: ჩვენს ჰამქარში აბდუშაჰილის მიღება მიბრძანებია. პირველი განცხადების პირობაზე კარგი პირი უჩანს ამ შეჰარაზადეს. იმედია, სიტყვას არ გატეხავს და არც ლიბერასტი გახდება, არც ლეიბორისტი და არც პადოშენჰაუერი (ბოჟე უპასი, ო მაი გად!!!)

იერემია2010-10-07 01:17:14
მოითმინე, მოითმინე, აბდუშაჰილ-- ჯერ ეს მითხარი, პატიოსან კაცად მთვლი, ნახევრად პატიოსნად თუ Mთლად უამისოდ?

2010-10-07 22:16:10
ფორუმში გამოთქვით აზრი სტატიასთან დაკავშირებით,მე ყველას მოსაზრებას ვკითხულობ მაგალითად ... საინტერესოა გაგება იმისა ვინ,რა როგორ გაიგო და შეაფასა.რას კაფიაობთ ერთმანეთში?!აუფ რა მაგარი ნევროზი აქვს ამ ხალხს,აბა ჰე ვისი აჯობებს,ვინ უფრო მაგარია....ადმინ.არ შეიძლება ,რომ ფორუმში მხოლოდ სტატიასთან დაკავშირებული შეფასებები გაუშვათ ?!

იერემია2010-10-08 00:56:38
ჩვენ აზრები ვინ მოგვაშავა, ჩემო ბატონო. აზრები თუ გინდათ, იხ:www.azrebi.ge

მიშა2011-01-08 14:20:04
კლუბის წარმომადგენელი გიორგი ბურჯანაძე არა ვინ არის,მარტო ბაგრატიონების პარაზიტია. სამეფო კლუბში არის 4 გიჯი რომბლებიც თავს უფლებას აძლევენ , რომ უხელმგვანელონ ბაგრატიონებს და საქართველოში მონარქიის აგდგენას. ამ კლუბს და კლუბის წევრებს ბაგრატიონები არანაირ მნიშვნელობას არ აენიჭებენ და თვლიან , რომ სამეფო კლუბი მხოლოდ მონარქისტული იდეის და სამეფო ოჯახის დისკრედიტაციას ემსახურება და ამით წყალ ასხამენ მთავრობის წისქვილს. იქნებ სჯობს რომ სახელი გადაირქვან და მაგალითად სამტავრობო კლუბი და მისი წევრები გახდნენ, ასე უფრო გაამართლებენ ტავიანთ არსებობას.

დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



ტოპ ათეული
1. თბილისში მგზავრებმა ავტობუსიდან შავკანიანი ახალგაზრდა გადმოაგდეს
2. გამაოგნებელი სანახაობა, რომელიც გრენლანდიაში გადაიღეს (ვიდეო)
3. როგორ დავიკლოთ კვირაში 3 კგ დიეტის გარეშე
4. მართვის მოწმობის აღების მსურველთათვის ცვლილებებია
5. გაერო: ებოლა კონტროლს აღარ ექვემდებარება - ვირუსით კვირაში 10 000 ადამიანის სიკვდილს პროგნოზირებენ
6. უმშვენიერესი გოგონას მიერ შესრულებული სიმღერა, რომელიც მალე ჰიტი გახდება
7. ნაყენი, რომელიც მთელი ზამთრის მანძილზე უნდა მიიღოთ სურდოს თავიდან ასაცილებლად
8. სწრაფად გასაკეთებელი უგემრიელესი ტორტი, არაჟნის ჰაეროვანი კრემით
9. ”პატრული პატრული!... სვანი ვარ დედას მოგი...ავ” - ჩხუბი ვარკეთილში (ვიდეო)
10. უნიკალური რეცეპტი - გათავისუფლდით სახსრების ტკივილისგან
ბლოგები
ცუ­ნა­მი, იაპო­ნე­ლე­ბი, ქარ­თ­ვე­ლე­ბი და სო­ლი­და­რო­ბა
რეკლამა საიტზე
ტელ.: (+995 32) 2-000-247, 595 58-18-18
599 877-901, 599 877-908
 
2014-10-31
visitor 30 488
visit 39 719
page 66 603
2014-11-01
  3 632
  3 848
  5 893