ივანიშვილი სასამართლოს მიერ დაკისრებული ჯარიმის გადახდას სრულად აპირებს. ამის შესახებ დღეს განცხადება მისმა პრეს-სპიკერმა, მაია ფანჯიკიძემ გააკეთა. შეგახსენებთ, რომ თითქოსდა სტიქიით დაზარალებული კახელების დახმარების ეგიდით, ივანიშვილმა, რამდენიმე დღის წინ განაცხადა: „მინდა დავეხმარო სტიქიით დაზარალებულებს.
ამიტომ, ბიუჯეტის ანგარიშზე, სასამართლოს მიერ დაკისრებული ჯარიმიდან 10 მილიონ ლარს გადავრიცხავ. მომავალში კი იმდენს გადავიხდი, რამდენსაც საჭიროდ ჩავთვლი“.
ამ განცხადების შემდეგ, „პრესა.ჯი“-ზე გამოქვეყნდა სტატია, სადაც საუბარი იყო იმაზე, რომ ოლიგარქის რეალური მიზანი არა კახელი გლეხების დახმარება, არამედ მისი დაყადაღებული ბიზნესის, კონკრეტულად კი „ქართუ ბანკის“ გამოხსნაა.
მაშინ, „პრესაჯი“ წერდა, რომ ივანიშვილმა, მიუხედავად თავდაპირველი განცხადებისა - „უკანონო ჯარიმას არ გადავიხდიო“, დაკისრებული თანხის სრულად გადახდა გადაწყვიტა. მეტიც, სტიქიამ მას „სულზე მოუსწრო“ და დაზარალებული კახელების თემით ურცხვად სპეკულირებდა, რათა ჯარიმის გადახდა „გაეპრავებინა“.
„პრესა.ჯი“-ს პროგნოზი გამართლდა... ჭორვილელმა ოლიგარქმა ჯარიმის სრულად გადახდა გადაწყვიტა. საკუთარი სიტყვების უკან წასაღებად კი, „მშვენიერი მიზეზი მოძებნა“. მაია ფანჯიკიძის
(იგივე „დედა ბუს“ როგორც მას „ქართულ ოცნებაში“ ზურგს უკან უწოდებენ) განცხადებით, ბიძინა იმ ათეულობით მილიონებსაც გადარიცხავს ბიუჯეტში, რომელიც მას სასამართლომ ამომრჩევლის მოსყიდვის გამო დააკისრა.
„ქართული ოცნება“ და უპრინციპო ოლიგარქი დაკისრებული ჯარიმის სრულად გადახდას სტიქიისგან დაზარალებული კახეთის დახმარებით ამართლებს. თუმცა, უკვე ყველსთვის ცნობილია, რომ ბიძინას არა კახეთი ან კახელები, არამედ საკუთარი მერკანტილური ინტერესები - დაყადაღებული ბიზნესი - „ქართუ ბანკი“ ადარდებს და ადამიანების ბედით სპეკულირებს...
იხილეთ წინა სტატია
ავტომარიაჟიბლოგებივიდეოაფიშაგანრიგიგურმანივაკანსია
ბეჭდვა 
