სამეგრელოს მედია ორგანიზაციია ტელეკომპანია "მაესტროს" სამეგრელოს რეგიონის ჟურნალისტ ნანა ფაჟავას სასამართლოში უჩივის. საქმე ეხება მაესტროს ჟურნალისტის მიერ „SMO.GE”- ს გადამღები ჯგუფის მიმართ შეურაცხყოფის მიყენების ფაქტს, რომლის ამსახველი ვიდეო მასალა მედია ორგანიზაციამ დღეს გაავრცელა.

პრესა.ჯი-ს მომხდარის შესახებ გამოცემის რედაქტორი მალხაზ ბასილაია ესაუბრა:

ნანა ფაჟავა გადამღებ ჯგუფს თავს იმ დროს დაესხა, როდესაც დამოუკიდებელი ჟურნალისტები იმავე თემაზე მუშაობნენ, რაზეც თავად ნანა ფაჟავა.

ჟურნალისტის განცხადებით მისი აგრესია იმან გამოიწვია, რომ დამოუკიდებელი მედიის საშუალებები მას აფიქსირებდნენ, თუმცა ნანა ფაჟავამ ეს მხოლოდ თავისი აგრესიის გასამართლებლად მოიფიქრა, რადგან ჩვენი ჟურნალისტები ცდილობდნენ რესპონდენტი კოლეგასთან ერთად ჩაეწერათ.

- შემთხვევის შედეგად რაიმე სახის დაზიანება ხომ არ მიგიღიათ?

- ჩვენ მიერ გავრცელებულ კადრებშიც ჩანს, როგორ გამეტებით ურტყამს ნანა ფაჟავა ჩვენ კუთვნილ კამერას - კამერა დაზიანებულია.

- თუ მიმართეთ პოლიციას?

- „მაესტროს“ ჟურნალისტის წინააღმდეგ ზუგდიდის პოლიციაში სარჩელი შევიტანეთ. სამი თანამშრომელი ზურაბ ზარქუა, გიორგი მაქაცარია და ცარო მაქაცარია ზუგდიდის პოლიციის შენობაში იმყოფებიან და მომხდარ ფაქტთან დაკავშირებით პოლიციას ამომწურავ ინფორმაციას აწვდიან.

- მალხაზ თქვენ როგორც რედაქტორი რას უკავშირებთ „მაესტროს“ ჟურნალისტის აგრესიას?

- ეს არი იყო პირველი შემთხვევა, როცა ეს ქალბატონი დაგვემუქრა, ფაჟავა პირადად მე მემუქრებოდა რომ სვანეთის რაიონიდან დაიქირავებდა ადამიანებს, რომლებსაც მას კავშირი აქვს და ზუგდიდში ცოცხალს არ გამომიშვებდა. თუმცა ჩემთვის უცნობია ამ და სხვა აგრესიის მიზეზი, რადგან ჩემი და „მაესტროს“ ჟურნალისტის გზები არასდროს გადაკვეთილა.