• თბილისი
  • 31°C
  • 19 სექტემბერი, 2017
article

ალოე მედიცინაში

ალოე, ანუ საბრი, ცხელი ქვეყნების მრავალწლოვანი მცენარეა. ფოთლები ხმლისებრი, წვნიანი აქვს, ძლიერ მწარე გემოსია, იგროვებს წყლის მარაგს და გვალვების დროს ხარჯავს. საქართველოში ალოეს ხშირად ზრდიან ოთახში, ქოთნებში. უფრო გავრცელებულია ე.წ. ხისმაგვარი ალოე.

 

მედიცინაში ალოეს ფოთოლს, ან მისგან გამოწურულ წვენს იყენებენ, როგორც ჯანის მომგვრელ და ნაზად მოქმედ სასაქმებელ საშუალებას, გასტრიტის, ენტეროკოლიტის, ყაბზობის სამკურნალოდ. მომზადებულ პრეპარატებს კი, ექიმის დანიშნულებით, თვალის დაავადებების (ახლომხედველობის), ჭრილობების, კანის ანთებითი დაავადებების დროს ხმარობენ. ალოეს რკინით, აძლევენ ავადმყოფს სისხლნაკლებობისას.

 

ოჯახში ალოესგან წამლის მოსამზადებლად, მცენარეს შემოვაცალოთ ძველი (ქვედა) ფოთლები, გავრეცხოთ, გავაძროთ კანი, გავატაროთ საკეპ მანქანაში და გამოვწუროთ წვენი. ყოველ 100 გრამს დავუმატოთ ამდენივე უცეცხლო თაფლი და შავი ღვინო, შევურიოთ კარგად და 6-8 დღე დავდგათ სიბნელეში. შემდეგ გავწუროთ და ვსვათ სუფრის კოვზით, დღეში 3-4 – ჯერ.