• თბილისი
  • 29°C
  • 19 სექტემბერი, 2019
article

HUAWEI P30 სერიის ახალი რეკორდი

HUAWEI P30 სერია ახალ რეკორდებს ამყარებს - უახლესმა მოდელებმა კომპანიის გაყიდვების ისტორიაში საუკეთესო შედეგები აჩვენეს და წარდგენიდან სულ რაღაც 85 დღეში გაყიდვების რაოდენობამ 10 მილიონს მიაღწია. აღნიშნულ ინფორმარციას ადასტურებენ  HUAWEI -ს სამომხმარებლო ბიზნეს ჯგუფშიც. მნიშვნელოვანია, რომ კომპანიამ წინა რეკორდი 62 დღით გააუმჯობესა.   

„10 მილიონი გაყიდული ერთეული წარდგენიდან 85 დღეში“ - ამის შესახებ MWC- შანხაის გლობალურ სამიტზე, HUAWEI -ს სამომხმარებლო ბიზნეს ჯგუფის პრეზიდენტმა, გაყიდვების ხაზის მიმართულებით, კევინ ჰომ  განაცხადა:  იმაზე სწრაფად, ვიდრე ეს მოხდა 2018 წელს, P20 სერიის გაყიდვების მოცულობამ 10 მილიონს  გამოშვებიდან 147 დღეში, მიაღწია. წელს კი, ამ შთამბეჭდავი ციფრის მისაღწევად 62 დღით ნაკლები დაგვჭირდა“. 

HUAWEI -ს უწყვეტი ინოვაციების წყალობით, P30 სერია მომხმარებლებს კიდევ უფრო შთამბეჭდავ შესაძლებლობებს სთავაზობს -  ულტრამგრძნობიარე, ლეიკასთან ერთად შექმნილი 4 ძირითადი კამერა, 10x ჰიბრიდული ზუმი, ულტრა-გამძლე ელემენტი და ფერების სრულიად ახალი არჩევანი. წამყვანმა საერთაშორისო მედიამ P30 სერიას  2019 წლის საუკეთესო კამერაფონის“ წოდება მიანიჭა. 

კომპანიის მონაცემით, ბოლო წლების მანძილზე,  HUAWEI -მ 480 მილიარდ ჩინურ იენზე მეტი ინვესტიცია ჩადო ტექნოლოგიურ განვითარებაში და პარტნიორობაში, როგორც პროგრამულ ისე ტექნიკურ მომწოდებლებთან. სწორედ ამ მიდგომებმა გახადეს HUAWEI ერთ-ერთი წამყვანი კომპანია ახალი ტექნოლოგიებისა და სმარტფონების ინდუსტრიაში. HUAWEI -ში მიაჩნიათ, რომ უწყვეტი ინოვაცია, და ამ მიმართულებით ინვესტირება, კიდევ უფრო განავითარებს მათ პროდუქტებს და მისცემს საშუალებას მომხმარებელს შესთავაზოს საუკეთესო, რაც პოზიტიურად აისახება მომხმარებლის ლოიალობაზეც. 

HUAWEI-ის პროდუქტები და სერვისები ხელმისაწვდომია 170-ზე მეტ ქვეყანაში და გამოიყენება მსოფლიოს მოსახლეობის მესამედის მიერ.  მსოფლიოს მასშტაბით მოქმედებს თექვსმეტი კვლევისა და განვითარების ცენტრი აშშ-ში, გერმანიაში, შვედეთში, რუსეთში, ინდოეთსა და ჩინეთში.  HUAWEI Consumer BG არის HUAWEI სამი ბიზნეს ერთეულიდან ერთ-ერთი, მათ ძირითად მიმართულებას სმარტფონების, პერსონალური კომპიუტერების, ტაბლეტებისა და ქლაუდ სერვისების წარმოება წარმოადგენს.  HUAWEI-ის გლობალური ქსელი ეყრდნობა ტელეკომუნიკაციის ბიზნესში 20 წლიან გამოცდილოებას და ემსახურება მომხმარებლისთვის ინოვაციური ტექნოლოგიების შეთავაზებას მთელი მსოფლიოს მასშტაბით.


თეგები :