• თბილისი
  • 10°C
  • 09 დეკემბერი, 2019
article

ე.წ. საზღვარი საოკუპაციო რეჟიმმა კიდევ სამ ქართულ სოფელზე მონიშნა

ოკუპირებული ცხინვალის მიერ დაანონსებული სადემარკაციო სამუშაოები ოკუპირებულ სოფელ იონჩასთან - ქარელის რაიონის სამ სოფელში: კნოლევი, ცერონისი და ავლევი საოკუპაციო რეჟიმმა ე.წ. საზღვარი ხნულის გავლებით მონიშნა. 

საოკუპაციო ზოლის ამ მონაკვეთზე ე.წ. მანიშნებელი ერთი წლის წინ დამონტაჟდა. ე.წ. ბანერებიდან დაახლოებით ას მეტრში რამდენიმე დღის წინ რუსმა სამხედროებმა სამუშაოები განაახლეს. ადგილობრივი მოსახლეობა აცხადებს, რომ საოკუპაციო ძალები ე.წ. საზღვრის მონიშვნის შემდეგ მავთულხლართების გაბმას დაიწყებენ.

ამ კონკრეტულ ფაქტამდე არსებული მონაცემებით საოკუპაციო ხაზის სიგრძე 350 კმ. შეადგენდა, უკანონო ბორდერიზაციის პროცესი 20 სოფელს შეეხო.

4 ივლისს, რუსმა ოკუპანტებმა გორის მუნიციპალიტეტის სოფელ ბერშუეთში ე. წ. საზღვარი გადმოწიეს. ადგილობრივების თქმით, ე. წ. საზღვრის აღმნიშვნელი ბანერები რამდენიმე ადგილზე წინა დღეს დადგეს. ადგილობრივმა მოსახლეობამ დაახლოებით, 10 ჰექტარი მიწის ნაკვეთი დაკარგა.


თეგები :