• თბილისი
  • 4°C
  • 22 ნოემბერი, 2019
article

საოკუპაციო ხაზთან 16 წლის მოზარდი გაიტაცეს და სავარაუდოდ, ფიზიკურად გაუსწორდნენ

საოკუპაციო ხაზთან წუხელ ღამით კიდევ ერთი პირი გაიტაცეს და სავარაუდოდ, ფიზიკურად გაუსწორდნენ, - ამის შესახებ ინფორმაციას „კურიერი“ ავრცელებს. 

16 წლის ჭუბურხინჯის მკვიდრი დაკავების დროს ზუგდიდში გადმოსვლას ცდილობდა. არასრულწლოვანი ბიჭი კიბის დახმარებით რუხი-ჭუბურხინჯის მონაკვეთზე მავთულხლართებზე გადმოპარვას აპირებდა.

როგორც ცნობილია, არასრულწლოვანი დაკავების დროს კვლავ ოკუპანტების მიერ კონტროლირებად ტერიტორიაზე გადახტა და გაქცევა სცადა.

არასრულწლოვანი გალის იზოლატორში იყო გადაყვანილი.

სამეგრელო-ზემო სვანეთის რეგიონში აფხაზეთის მთავრობის წარმომადგენლობის უფროსის მოადგილის თქმით, 16 წლის ბიჭი საზღვრის უკანონო კვეთის ბრალდებით არის დაკავებული.

თეგები :