• თბილისი
  • 22°C
  • 14 ოქტომბერი, 2019
article

დონალდ ტრამპმა საქართველოში აშშ-ის ელჩი წარადგინა

შეერთებული შტატების პრეზიდენტმა დონალდ ტრამპმა საქართველოში აშშ-ის საგანგებო და სრულუფლებიან ელჩად კელი დეგნანი წარადგინა. 

კარიერული დიპლომატი კელი დეგნანი ამჟამად ევროპასა და აფრიკაში აშშ-ის სამხედრო-საზღვაო ძალების სარდლის პოლიტიკურ მრჩევლად მუშაობს.

მანამდე იგი მუშაობდა აშშ-ის დიპლომატიური მისიის ხელმძღვანელის მოადგილედ იტალიასა და კოსოვოში.

თავისი 25-წლიანი კარიერის განმავლობაში, კელი დეგნანი მუშაობდა ნატოში აშშ-ის წარმომადგენლობასა და თურქეთში აშშ-ის საელჩოს პოლიტიკური მრჩევლის მოადგილედ.

ის ასევე იყო სახელმწიფო მდივნის თანაშემწე პოლიტიკურ საკითხებში.

კელი დეგნანს აქვს ბაკალავრის ხარისხი ჟურნალისტიკაში და ფლობს იტალიურ, ფრანგულ, თურქულ და ურდუს ენებს.


თეგები :