• თბილისი
  • 9°C
  • 11 დეკემბერი, 2019
article

კალაძე: დიდი ალბათობა იყო, რომ უმრავლესობა დაშლილიყო, ახლა ამის საფრთხე ნამდვილად არ არის

„გუნდში იყოს აზრთა სხვადასხვაობა, იყო დიდი ალბათობა, რომ უმრავლესობა დაშლილიყო და ეს მხოლოდ ჩვენი ოპონენტების წისქვილზე დაასხამდა წყალს, რომ შეფერხებულიყო ჩვენი ყველაზე დიდი ინსტიტუტის პარლამენტის მუშაობა, ახლა ამის საფრთხე ნამდვილად არ არის“, – ამის შესახებ დედაქალაქი მერმა, კახა კალაძემ განაცხადა.

როგორც კალაძემ აღნიშნა, საუბარი, რომ საარჩევნო სისტემა, რომელიც დღეს ქვეყანაშია არის არადემოკრატიული, ძალიან დიდი ტყუილია და საზოგადოების შეცდომაში შეყვანის მცდელობაა.

„ბევრ განვითარებულ ქვეყანაში არის ანალოგიური სისტემა. არის სხვა სისტემებიც, არის მთლიანად მაჟორიტარული სისტემაც. მაგალითად ამერიკაში, იქ არის მხოლოდ მაჟორიტარული სისტემა, როგორც შერეული, სადაც არის ნახევრად მაჟორიტარული და ნახევრად პროპორციული. შერეული სისტემა არის ბევრ ქვეყანაში და ეს არის დემოკრატიული სისტემა. ჩვენ არ გვაქვს დღეს ქვეყანაში არადემოკრატიული საარჩევნო სისტემა, შესაბამისად, უნდა მოვემზადოთ არსებული სისტემის ფარგლებში არჩევნებისთვის. ივანიშვილის ავტორიტეტი ძალიან ბევრ რამეს ნიშნავს გუნდშიც, ქვეყანაშიც და ეს გამოიხატება საზოგადოების მხრიდან მხარდაჭერაში. დიდი იმედი გვაქვს მხარდაჭერა და თანადგომა გვექნება 2020 წლის არჩევნებზეც“, – განაცხადა კალაძემ.


თეგები :