• თბილისი
  • 5°C
  • 06 დეკემბერი, 2019
article

"ვინ არის რეალურად ლევან ვასაძე და რა "როლი" მისცეს მას..."

"ინტერნეტ მედია ჯგუფის" დირექტორი, ჟურნალისტი გიორგი კაპანაძე სოციალურ ქსელში წერს:

"ვინ არის რეალურად ლევან ვასაძე და რა "როლი" მისცეს მას...

მაშ ასე:

ჩვენი ჯვარკომბალა რაინდი რუსულ სპეცსამსახურებთან დაახლოვებული კომპანიის, "სისტემის" ვიცე პრეზიდენტი იყო.

რა არის "სისტემა"?

„სისტემა" - ეს არის ერთ-ერთი ყველაზე დიდი რუსული კომპანია, რომელიც წარმოდგენილია რუსული ბიზნესის სხვადასხვა სფეროში.

ვინ არის სისტემის ხელმძღვანელი?

ამ ორგანიზაციის დამფუძნებელი და დირექტორთა საბჭოს თავმჯდომარეა ვლადიმირ ევტუშენკოვი.

ევტუშენკოვი რუსი მილიარდერი და რუსული ოლიგარქიული ელიტის გავლენიანი წევრია, რომელსაც პირადი კონტაქტი აქვს პუტინთან და სპეცსამსახურების ხელმძღვანელებთან.

საიდან მოხვდა ვასაძე "სისტემაში"?

სწორედ ამ ევტუშენკოვმა აიყვანა ლევან ვასაძე „სისტემაში" და დანიშნა პირველი ვიცე-პრეზიდენტის პოსტზე.

2005 წლის თებერვალში კი, მან ვასაძეს აჩუქა „სისტემის" აქციების 3 პროცენტი, რაც დაახლოებით 16 მილიონი დოლარია.

2006 წლის აპრილში, ევტუშენკოვმა ვასაძე გადანიშნა „სისტემის" მიერ კონტროლირებადი სადაზღვევო კომპანია „როსნოს" გენერალურ დირექტორად (რომელსაც რუსული სპეცსამსახურები "კრიშავდნენ"),

ხოლო "სისტემის" ვიცე-პრეზიდენტად თავისი შვილი - ფენიქსი დააწინაურა.

2007 წლის აპრილში, „სისტემამ" "როსნოს" აქციები გაყიდა და ვასაძე გადადგა გენერალური დირექტორის თანამდებობიდან.

რას ამბობდა ვასაძე გადადგომის შემდეგ?

მან რუსულ ჟურნალ „კარიერა"-ს ინტერვიუ მისცა და თქვა: „ჩვენ „სისტემის" ხელმძღვანელობასთან ერთად დავადგენთ ჩემთვის რამე ახალ როლს.

დიდი ხანია რაც აღარ ვუყურებ „სისტემას", როგორც დამქირავებელს - საოჯახო კოლექტივი გვაქვს.

ალბათ ახლა დავლაგდებით და ვლადიმირ პეტრეს ძე ევტუშენკოვი იტყვის, რას ფიქრობს... შემდეგ კი რამეზე მოვილაპარაკებთ".

როგორც ჩანს, უკვე რამდენიმე წელია "დალაგდნენ", მოილაპარაკეს და ვასაძეს ახალი "როლიც" მისცეს - საქართველოს მოქალაქეების ფილტვებით მიერთება რუსეთზე - ტანზე ჩოხით, ხელში ჯვრით და ყალბი ეროვნული საბურველის გამოყენებით.

P.S: ვასაძის გარდა, "სისტემას" სხვა პრორუს პოლიტიკოსებთანაც აქვს მჭიდრო კავშირი.

მაგალითად: 2009 წელს "სისტემის" დირექტორთა საბჭოს წევრი გახდა სომხეთის ყოფილი პრეზიდენტი, რობერტ ქოჩარიანი.

ხოლო 2007 წელს, "სისტემამ" დააფინანსა უკრაინის მაშინდელი პრემიერის, ვიქტორ იანუკოვიჩის დასვენება.

მგონი გასაგებია რატომ, ვისთვის და რისთვის იბრძვის ჩვენი დროის კომბლე, რომელიც კომბლემს კი თლის, მაგრამ სულას არ აწყობს ჭერში..." - წერს კაპანაძე.


თეგები :