• თბილისი
  • 27°C
  • 31 მაისი, 2020
article

27 მარტიდან უკრაინა საზღვარს ყველასათვის, მათ შორის, საკუთარი მოქალაქეებისთვისაც ჩაკეტავს

უკრაინის პრეზიდენტის ვოლოდიმირ ზელენსკის განცხადებით, 27 მარტიდან ქვეყნის საზღვარი ყველასათვის ჩაიკეტება, მათ შორის უკრაინის მოქალაქეებისთვისაც.

"27 მარტიდან სახელმწიფო საზღვარი ჩაიკეტება და შეწყდება ყველა სახის სამგზავრო გადაზიდვა“, - განაცხადა ვოლოდიმირ ზელენსკიმ სატელევიზიო მიმართვაში.

"ჩვენ რთული არჩევანი წინაშე აღვმოჩნდით. ეს არის არჩევანი საზღვარგარეთ დარჩენილ მოქალაქეებსა და ქვეყნის შიგნით მყოფი 40 მილიონი მოქალაქის უსაფრთხოებას შორის“, - განაცხადა ვოლოდიმირ ზელენსკიმ.

მისივე თქმით, საზღვარგარეთ დარჩენილი უკრაინის მოქალაქეებზე უკრაინის დიპლომატიური მისიები იზრუნებენ.

ბოლო მონაცემებით, უკრაინაში კორონავირუსით 145 ადამიანი დაინფიცირდა, ხოლო 5 კი გარდაიცვალა.


თეგები :